Apocalipsis 5:9 - Qheshwa Biblia DC

⁹ Uj mosoj takiytataj takerqanku, nispa: Allimpaj qhawasqa kanki librota jap'inaykipaj, sellosnintataj phaskaranaykipaj; imaraykuchus qan wañuchisqa karqanki, yawarniykiwantaj Diospaj rantiwarqayku, tukuy ayllumanta, tukuy laya parlaykunamanta, tukuy laya runamanta, tukuy nacionesmanta ima.

DIOSPA QHELQACHISQAN DEUTEROCANONICAL

⁹ Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

DIOSPA QHELQACHISQ

⁹ Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.

Quechua South Bolivia: Dios Parlapawanchej

⁹ Uj mosoj taquiyta taquerkancu: —Kanlla chay kelka c'uyuta jap'inayquipajjinaka sellosnintapis quichanayquipajjinaka canqui. Kanka wañuchiska carkanqui. Ajinapi yawarniyquiwan runaspa juchasnincuta wiñaypaj llimphucharkanqui Diospata canancupaj. Tucuy ayllumanta, tucuy laya parlayniyojcunamanta, tucuy llajtasmanta, tucuy jallp'amanta Diospata canancupaj ruwarkanqui.

Apocalipsis 5:9 Iomraidhean Croise

Salmos 144:9

Señor, uj mosoj takiyta takipusqayki, arpaswan takiykunata takipusqayki.

Salmos 149:1

Señorqa yupaychasqa kachun. Mosoj takiyta Señorman takiychej. Diosta qhatejkuna tantakuyniykichejpi yupaychaychej.

Salmos 33:3

Mosoj takiyta payman takiychej. K'achituta waqachispa tocariychej.

Salmos 40:3

Simiyman churarqa uj mosoj takiyta, Diosninchejta yupaychana takiyta. Ashkha runas chayta rikuspa sonqonkuta wawayachenqanku, Señorpitaj suyanqanku.

Salmos 96:1

Uj mosoj takiyta Señorman takiychej, Señorman kay pachapi tukuy tiyakojkuna takiychej:

Salmos 98:1

Uj mosoj takiyta Señorman takiychej, may t'ukunasta pay ruwasqanrayku. Payqa atiyninwan tukuyta atipan; santo makinwan.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Daniel (hebreo) 3:4

Chay lantita sayarichiyta qallarichinampaj churasqa karqa chayqa, jatunmanta qhaparispa kamacherqa: Tukuynej llajtasmanta, nacionesmanta, tukuy laya parlayniyojkunataj uyariychej, nispa.

Daniel (hebreo) 4:1

Noqa rey Nabucodonosorqa, munani tukuynin runakuna sonqo tiyaykusqa kanankuta, chanta ñaupajmantaj rinankuta, tukuy llajtakunamanta, nacionkunamanta kajkuna, tukuy laya parlayniyojkunataj.

Daniel (hebreo) 5:19

Payman atiyta qosqanrayku, tukuy ayllusmanta, nacionkunamanta, tukuy laya parlayniyoj runakuna payman k'umuykorqanku, kharkatiterqankutaj paypa ñaupaqempi. Paytaj wañucherqa chayri, kausananta saqerqa pitachus munasqanta. Wakinta jatuncharqa, wakintataj k'umuykachacherqa.

Daniel (hebreo) 6:25

Chanta rey Darioqa, qelqarqa tukuy nacionespi kaj runakunaman, tukuy llajtasman, kay pachapi kaj tukuy parlayniyojkunamantaj, kay jinata nispa: Munani qankuna sonqo tiyasqas kakunaykichejta, tukuy imapitaj allin risunaykichejta.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

San Mateo 26:28

Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

Hechos 20:28

Qankuna kikiykichej qhawakuychej, jinallatataj tukuy tropatapis. Paykunapaj Santo Espíritu churasorqachej, qhawajkunata Diospa iglesianta michinaykichejpaj. Iglesiataqa Jesucristo kikin yawarninwan ranterqa.

1 Corintios 6:20

Diosqa preciowan rantisorqachej. Diosta yupaychaychej cuerpoykichejwan, espirituykichejwan ima; chaykunaqa Diospata kanku.

1 Corintios 7:23

Ashkha preciowan rantisqas kankichej. Amaña runaspa kamachisnin churakuychejchu.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Efesios 5:19

Qankuna ukhupi salmoswan parlaychej, takiychejtaj. Espirituman jina Señorta yupaychaychej sonqoykichejpi.

Colosenses 1:14

Paypi kacharisqas kanchej, juchasninchejtaj pampachasqas kanku.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 11:14

Chay jinata nejkuna sut'ita rejsichinku, waj llajtata mask'asqankuta.

2 Pedro 2:1

Kallarqataj llulla profetas israelitas ukhupi. ajinallatataj qankuna ukhupipis kanqanku llulla yachachejkuna. Paykuna pakayllamanta, chinkayman apaj yachachiykunata apaykamonqanku. Paykunata salvaj Señortapis qhesachanqanku. Chayrayku, ujllata paykunaj patanman chinkachej jatun jasut'i chayamonqa.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

Apocalipsis 10:11

Angelqa nillawarqataj: Ujtawan ashkha llajtasman, runasman, tukuy laya parlayniyojkunaman, reyesman ima sut'inchanaykipuni tiyan, nispa.

Apocalipsis 11:9

Llajtasmanta, ayllusmanta, tukuy laya parlayniyojkunamanta, jawa runasmanta kajkunaqa, kinsa p'unchay khuskanniyojta paykunaj ayasninkuta qhawanqanku, manataj p'ampakunanta saqenqankuchu.

Apocalipsis 13:7

Payman qollarqankutaj Diospaj ajllasqasninwan maqanakuspa atipanampaj. Ajinallatataj aterqa kamachiyta tukuy ayllusta, llajtasta, waj laya parlaykunapi parlajkunata, tukuy runasta ima.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

Apocalipsis 14:6

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

Apocalipsis 17:15

Paytaj niwarqa: Chay ashkha yaku rikusqaykeqa, maypichus chay qhenchachakoj warmi tiyasqa kashan chayqa, llajtas kanku, ashkha runakuna, jatuchaj naciones, tukuy laya parlayniyojkuna ima.

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

Apocalipsis 5:12

Sinch'itataj nisharqanku: Wañuchisqa karqa chay Corderoqa jap'inampuni atiyta, qhapaj kayta, yachayta, kallpata, sumaj sutitapis, janaj pacha k'anchayta, yupaychayta ima.

Apocalipsis 5:6

Rikullarqanitaj tronoj chaupimpi, tawa animalespa chaupimpi, kurajkunaj chaupimpiwan Corderota, ñak'asqata jina sayashajta. Chay Corderoqa karqa qanchis wajrayoj, qanchis ñawisniyojtaj. Chaykunaqa Diospa qanchis espiritusnin kanku, tukuy mundoman kachamusqas.