Apocalipsis 4:8 - Qheshwa Biblia DC

⁸ Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

DIOSPA QHELQACHISQAN DEUTEROCANONICAL

⁸ Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

DIOSPA QHELQACHISQ

⁸ Chay tawantin kawsajkunaqa sapa ujninku sojta lijrayoj karqanku, lijrankunataj patanpi ukhunpi ashkha ñawiwan junt'a karqa. Chantá tuta p'unchay mana sayk'uspa, nisharqanku: May llimphu, may llimphu, may llimphupuni Tukuy Atiyniyoj Diosqa, pichus karqapuni, kashantaj, jamonqataj, chay, nispa.

Quechua South Bolivia: Dios Parlapawanchej

⁸ Chay tawa causajcuna sapa ujnincu sojta lijrasniyoj carkancu. Ñawipurutaj carkancu muyuynincupipis uqhuncupipis. Tuta p'unchay mana samaricuspa yupaychashallancupunitaj: —¡Santo, santo, santo, tucuy atiyniyoj Señor Dios! Payka carkapuni, cashanpuni, wiñaypajpunitaj canka, —nispa.

Apocalipsis 4:8 Iomraidhean Croise

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Salmos 91:1

Patapi kaj Diospa jark'asqan kausakojqa, Tukuy Atiyniyoj Diospa llanthumpi pakakojqa.

Éxodo 15:11

Ay, Señor, pitaj qan jinari, dioskunaj chaupimpiri? Ni pipis qan jina llimphu santo kanchu. May jina t'ukuna imasta ruwanki, mana yuyay atinasta, musphanapaj jina.

Éxodo 3:14

Chaypacha Dios nerqa: NOQA KANI PICHUS KANI CHAY. Chantá nillankitaj israelitasman: NOQA KANI nej Dios qankunaman kachamuwan, nispa.

Isaías 13:6

Qhapariychej, imaraykuchus Señorpa p'unchaynenqa qayllaña. Payqa tukuy atiyninwan chinkachenqa.

Isaías 62:1

Sión llajtata munakusqayrayku mana ch'inyakusajchu, Jerusalenta munakusqayrayku mana samarikusajchu, cheqanchaynin lliphirimunankama, Salvacionnin k'anchay jina k'anchaykamunankama.

Ezequiel 1:18

Tawantimpata muyusninkoqa jatuchaj karqanku. Sapa ruedataj lliphipej ñawiswan tukuy muyuyninkupi junt'as karqanku.

Ezequiel 1:5

Kikin chay chaupipitaj tawa kausajkuna runaman rijch'akoj kasharqanku.

Ezequiel 1:6

Sapa ujninku tawa uyasniyoj, tawa lijrasniyojtaj karqanku.

Ezequiel 10:12

Cuerposninku, wasasninku, makisninku, lijrasninkupis ñawiswan junt'a karqanku, jinallataj tawantin ruedaspis.

Joel 1:15

Way, Señorpa p'unchaynin qayllamushanña! Chay jatun manchachej p'unchayqa tukuy atiyniyoj Diosmanta t'unaykuyta apamushawanchej!

Hechos 20:31

Chayrayku ama puñuspa qhawakuychej, yuyarikuspa imaynatachus kinsa wata junt'ata, tuta p'unchay waqayniywan sapa ujniykichejta yuyaycharqaykichej.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

1 Tesalonicenses 2:9

Yuyarikuychej, hermanos, ruwasqaykumanta, sayk'usqaykumanta, tuta p'unchay llank'aspa; manataj mayqenniykichejpajpis carga jinachu karqayku, Diospa evangelionta qankunaman willashaspaqa.

1 Timoteo 4:16

Qan kikiykita qhawakuy, yachachisqaykitapis. Chaypi allinta sayay. Kayta ruwaspa qan kikiykita salvakunki, jinallataj uyarisojkunatapis.

2 Timoteo 4:2

Chayrayku, Diospa palabranta willay tiempompi, mana tiempompipis; jinallataj uyanchay, k'amiy, sonqochay pacienciawan allinta yachachispa.

Hebreos 13:8

Jesucristoqa kikillampuni qayna, kunan, wiñaypajpis.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

Apocalipsis 11:17

Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

Apocalipsis 14:11

Ñak'ariyninkoj q'osñintaj wiñaypaj wicharin. Chay phiña animalta, lantintapis yupaychajkunaqa, mana tuta p'unchay samankuchu, nillataj sutimpa marcanta churachikojkunapis.

Apocalipsis 14:3

Uj mosoj takiyta jina tronoj ñaupaqempi, tawa kausaj animalespa, kuraj runaspa ñaupaqempi ima takisharqanku; manataj pipis chay takiyta yachakuyta atejchu; manachayqa chay pachaj tawa chunka tawayoj waranqalla, pikunachus kay pachapi kajkuna ukhumanta kacharisqas karqanku.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

Apocalipsis 15:7

Tawa animalmanta ujnin kaj, qanchis angelesman qanchis qori vasosta qorqa, Diospa phiñakuyninwan junt'asqasta. Diosqa wiñay wiñaypaj kausan.

Apocalipsis 16:14

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

Apocalipsis 16:7

Altarmantataj wajta uyarerqani, nejta: Arí, Señor Dios, Tukuy Atiyniyoj, juiciosniykeqa cheqa, cheqantaj kanku.

Apocalipsis 19:15

Paypa siminmanta uj filo espada llojsimushan, chaywan runakunata t'ojsinampaj. Payllataj fierro varawan kamachenqa; paytaj saronqa uvas sarunata, Tukuy Atiyniyoj Diospa k'ajaj phiñakuyninwan.

Apocalipsis 19:4

Iskay chunka tawayoj kuraj runastaj, chay tawa animalespiwan jallp'aman k'umuykuspa Diosta yupaycharqanku. Paytaj tronompi tiyasqa kasharqa. Nerqankutaj: Amén! Aleluya!

Apocalipsis 21:22

Manataj chaypi templota rikorqanichu. Llajtaj templonqa kikin Señormin, Tukuy Atiyniyoj Dios, Corderotaj.

Apocalipsis 3:7

Filadelfia iglesiaj angelninman escribiy: Kayta nin llimphu kaj, cheqa kaj, pichus Davidpa llaventa jap'in, chay. Pay punkuta kichajtin mana pipis wisq'ayta atinchu. Punkuta wisq'ajtintaj, mana pipis kichayta atinchu. Chaymin kayta nin:

Apocalipsis 4:4

Chay tronoj muyuynimpitaj, iskay chunka tawayoj tiyanas karqanku. Chay tiyanas patapitaj iskay chunka tawayoj kuraj runasta rikorqani tiyasqasta, yuraj p'achawan p'achallisqasta, umasninkupi qori pillusniyojtataj.

Apocalipsis 4:6

Tronoj ñaupaqempitaj vidriomanta mar qocha jina cristalman rijch'akoj karqa. Trono chaupipitaj, muyuynimpi ima, tawa kausajkuna, ñaupajninkupi, qhepankupipis ñawiswan junt'asqas karqanku.

Apocalipsis 4:9

Chay animalesqa yupaychankupuni, jatunchankutaj, graciasta qospa tronopi tiyasqa kajman, pichus wiñay wiñaypaj kausan, chayman.

Apocalipsis 5:6

Rikullarqanitaj tronoj chaupimpi, tawa animalespa chaupimpi, kurajkunaj chaupimpiwan Corderota, ñak'asqata jina sayashajta. Chay Corderoqa karqa qanchis wajrayoj, qanchis ñawisniyojtaj. Chaykunaqa Diospa qanchis espiritusnin kanku, tukuy mundoman kachamusqas.

Apocalipsis 6:1

Rikorqanitaj Cordero kicharishajta ujnin sellota, uyarerqanitaj tawa kajkunamanta ujnin animalta nejta, qhon qhompis sonanman jina: Jamuy, rikuytaj, nispa.

Apocalipsis 6:6

Tawa animalespa chaupimpitaj uj parlajta jina uyarerqani nejta: Iskay libra trigo uj denario qolqepaj, sojta libra cebadataj uj denario qolqepaj. Amataj aceiteta, vinotapis usuchiychejchu.

Apocalipsis 7:11

Tukuy angelestaj, tronoj, kurajkunaj, tawa animalespa muyuynimpi sayasharqanku. Qonqoriykukuspataj k'umuykukorqanku Diosta yupaychanankupaj.

Apocalipsis 7:15

Chayrayku Diospa tronompa ñaupaqempi kashanku, tuta p'unchaytaj templopi yupaychanku; tronopi tiyajtaj wasi toldonta paykunaman qhataykonqa.