Apocalipsis 3:21 - Qheshwa Biblia DC

²¹ Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani.

DIOSPA QHELQACHISQAN DEUTEROCANONICAL

²¹ Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

DIOSPA QHELQACHISQ

²¹ Tukuy atipajkunaqa kamachinay tiyanapi noqawan tiyanqanku, imaynatachus noqapis atipaspa Tataywan khuska kamachinan tiyanapi tiyaykukorqani, ajinata.

Quechua South Bolivia: Dios Parlapawanchej

²¹ Nokaka tucuyta atipaskaymanta Dios Tataywan cusca camachinaypaj tiyaycuska cani. Ajinallatataj juchata atipajtaka nokawan cusca camachinanpaj tiyaycuchisaj.

Apocalipsis 3:21 Iomraidhean Croise

San Mateo 19:28

Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj.

San Mateo 25:21

Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

San Juan 13:32

Sichus Dios Churipi jatunchasqa chayqa, Diospis pay kikimpi Churita jatunchallanqataj. Kikimpachataj chayta ruwanqa.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

Apocalipsis 12:11

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Apocalipsis 17:14

Kaykunaqa Corderoj contrampi maqanakonqanku. Corderotaj paykunata atipanqa. Payqa señorkunaj Señornin, reyespa Reynintaj. Paywan kajkunarí wajyasqas, ajllasqas, junt'ajkunataj kanku.

Apocalipsis 2:7

Ningriyoj kajqa uyarichun imatachus Espíritu iglesiasman nisqanta. Atipajmanqa kausaj sach'amanta mikhuchisaj. Chaytaj Diospa paraisompi kashan.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 20:6

Kusikuyniyojmin ajllasqataj ñaupaj kaj kausarimuypi chayaqeta jap'ejqa. Iskay kaj wañoyqa manaña paykunapaj atiyniyojchu, astawanqa, paykuna Diospaj, Cristopajwan sacerdotes kanqanku, paywantaj waranqa watata kamachenqanku.

Apocalipsis 5:10

Diosniykupajtaj paykunata reyesta, sacerdotesta ima churarqanki, jallp'a patapi kamachinankupaj.

Apocalipsis 6:2

Rikorqanitaj: Chaypi karqa uj yuraj caballo. Patampitaj lloq'asqaqa uj arcota flechanampaj jap'isharqa. Paymantaj uj pilluta qorqanku. Atipaspa llojserqa, atipanallampajtaj.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.