Apocalipsis 3:18 - Qheshwa Biblia DC

¹⁸ Qanta umachayki noqamanta rantikunaykita ninapi ch'uwachasqa qorita, qhapaj kanaykipaj; rantikunaykitataj yuraj p'achata p'achallikunaykipaj, ama q'ala kasqaykej p'enqaynin rikukunampaj rantikunaykitataj; ñawisniykipaj ñawi jampinata, rikunaykipaj.

DIOSPA QHELQACHISQAN DEUTEROCANONICAL

¹⁸ Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

DIOSPA QHELQACHISQ

¹⁸ Chayrayku noqamanta ninapi sumaj ch'uwachasqa qorita rantikunaykita yuyaychayki, cheqapuni qhapaj kanaykipaj. Chantá yuyaychayki p'achallikunaykipaj yuraj p'achata rantikunaykita, ama q'alalla kasqaykirayku p'enqakunaykipaj. Yuyaychallaykitaj rantikunaykita ñawiykipaj jampita, sut'ita rikuyta atinaykipaj.

Quechua South Bolivia: Dios Parlapawanchej

¹⁸ Sumajta yuyaychayqui: Diospi jap'icunayquipaj nokamanta mañacuway. Paypi jap'icuyka sumaj puru korijinamin. Chaywan cierto khapaj canqui. Diospa ñaupakenpi ama k'alalla p'enkay riqhurinayquipaj chekan ruwaywan p'achallicuy. Diospa niskanta reparanayquipajpis nokamanta mañacuway. Ajinapi manaña ciegochu canqui.

Apocalipsis 3:18 Iomraidhean Croise

Salmos 107:11

Señorpa kamachisqanta mana kasukusqankurayku, jatun Diospa munakuyninta qhesachasqankurayku.

Salmos 16:7

Señorta yupaychasaj, pay yupaychawasqanrayku. Sonqoy ukhupi ch'isisnin pay k'amiwan.

Salmos 32:8

Señorqa nin: Ñawisneyqa qanta qhawashasunku, yachachisqayki, yuyaychasqayki, mayqen ñantachus allinta rinaykita yachachisqayki ima.

Salmos 73:24

K'amiwasqaykiwan ñanta pusawanki. Chaymanta qhepatataj sumajta jap'ikapuwanki.

Proverbios 1:25

Imatachus yuyaychasqasniyta qhesachawankichej, imatachus k'amisqasniyta mana uyariwankichejchu.

Proverbios 1:30

Mana imatachus nisqasniyta jap'iyta munankichejchu, k'amisqasniytapis qhesachankichej.

Proverbios 19:20

Yuyaychasqataqa uyariy, k'amisqatapis jap'ikuy; ajinamanta chayanki sumaj yachayniyoj kayman.

Proverbios 23:23

Cheqa kajta jap'eqaypuni, amataj kacharikuychu, yachaymanta, unanchaymanta, yuyaychaymantawanqa.

Eclesiastés 8:2

Noqaqa yuyaychayki reypa kamachisqanta kasunaykitapuni, Diosman jurasqaykitawan.

Isaías 47:3

Tukuy ukhuykipis q'alalla rikukonqa, p'enqayniykipis sut'ipacha kanqa, chaypacha aynita kutichisqayki. Mana pi runapis jark'awanqachu.

Isaías 55:1

Tukuy ch'akichikojkuna jamuychej yakuta ujyaj. Mana qolqeyojkuna jamullaychej, mikhullankichejtaj. Mana qolqellawan jamuspa jap'ikullaychej vinota, lechetapis.

Jeremías 13:26

Noqapis qanta q'alallata sayachisqayki, p'enqayniykita rikhurichisqayki.

Daniel (hebreo) 12:2

Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

Miqueas 1:11

Safirpi tiyakojkuna, jallp'aykichejmanta llojsiychej q'araslla; p'enqayniykichejwantaj junt'a! Mana llojsenqankuchu Zaanampi tiyakojkuna! Bet-eselpi waqay kashan, qankunataj mana piniyoj qhepakunkichej!

Nahúm 3:5

Tukuy Atiyniyoj Señor nillantaj: Qhaway, noqa contraykipi kashani: P'achaykita uyaykikama q'ollurisqayki naciones q'ara ukhuykita rikunankupaj, reinospis p'enqayniykita rikunankupajtaj.

Malaquías 3:3

Señor tiyakonqa Levéj wawasnin sacerdotesta sumajta llimphuchanampaj, imaynatachus ninapi qolqeta qoritapis llimphuchanku ajinata. Chanta paykuna Señorman ofrendankuta jaywayta atenqanku, imaynachus jaywana kaj ajinata.

San Mateo 13:44

Janaj pacha reinoqa, jallp'api pakasqa qolqeman rijch'akun. Uj runa chayta tarispa, pachallanmantaj watejmanta p'ampaykun. Kusisqa ripuspataj tukuy imasninta vendemun; chay jallp'atataj rantikapun.

San Mateo 25:9

Paykunataj nerqanku: Mana qoriykumanchu imaraykuchus noqaykupaj, qankunapajpis pisinman. Astawanqa, rispa qhatojkunamanta rantikamuychej.

San Lucas 12:21

Ajinallataj, pichus payllapaj qhapajyajqa, Diospajqa mana imayoj.

2 Corintios 5:3

Ajinapeqa p'achallisqas kasunchej, manataj q'arasllachu.

2 Corintios 8:9

Ña rejsinkichejña Señorninchej Jesucristoj khuyakuyninta. Qhapaj kashaspa qankunata munakuspa wajchaman tukorqa. Chay wajcha kayninwantaj qankunata qhapajyachisorqachej.

1 Timoteo 6:18

Qhapajkunaqa allin kajta ruwachunku, allin ruwasqasninkuta astawan yapachunku, khuyakuywantaj qorichunku mana mich'akuspa.

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Apocalipsis 16:15

Kayqa, noqa suwa jina jamushani. Kusikuyniyojmin mana puñuspa qhawajqa, p'achantapis jallch'ajqa, ama q'alalla purinampaj, nitaj p'enqayninta rikunankupaj.

Apocalipsis 19:8

Chay warmimantaj Dios atiyta qorqa, sumaj awasqa ch'uwa lliphipej linowan p'achallikunampaj. Sumaj awasqa linoqa niyta munan ajllasqaspa allin ruwasqasninku.

Apocalipsis 2:9

Rejsini llakiyniykita, pisipasqa kasqaykitapis. Chaywampis qhapaj kanki. Yachani qampaj sajrata rimasqankuta judíos kayku nikojkuna. Paykunaqa mana judioschu, astawanqa Satanaspa tantakuna wasi kanku.

Apocalipsis 3:17

Qanqa nishanki: Qhapaj kani, allin riwarqa, manataj imapipis pisisqachu kani. Qanqa mana reparakunkichu, khuyana, mana imayoj, wajcha, mana rikoj, q'alallataj kasqaykita.

Apocalipsis 4:4

Chay tronoj muyuynimpitaj, iskay chunka tawayoj tiyanas karqanku. Chay tiyanas patapitaj iskay chunka tawayoj kuraj runasta rikorqani tiyasqasta, yuraj p'achawan p'achallisqasta, umasninkupi qori pillusniyojtataj.

Apocalipsis 7:13

Chay kuraj runasmanta ujnin tapuwaspa, niwarqa: Chay yuraj p'achaswan p'achallisqas, pikunataj kanku, maymantataj jamorqankuri?