Apocalipsis 22:5 - Qheshwa Biblia DC

⁵ Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

DIOSPA QHELQACHISQAN DEUTEROCANONICAL

⁵ Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

DIOSPA QHELQACHISQ

⁵ Chaypi tutaqa manaña kanqachu. Manataj lamparaj k'anchananqa kanqañachu, nitaj inti k'anchananpis, imaraykuchus Dios, pichus Tukuyta Kamachej Kajqa paykunata k'anchanqa. Chantá Diospa kamachinkuna wiñaypa wiñaynintinpaj kamachenqanku.

Quechua South Bolivia: Dios Parlapawanchej

⁵ Manaña tutapis cankañachu. Señor Dios runasninta c'anchamonka. Chayraycu lámpara c'anchaytapis inti c'anchaypis manaña tiyankancuchu. Paycunataj wiñaypa wiñayninpaj camachenkancu.

Apocalipsis 22:5 Iomraidhean Croise

Salmos 36:9

Qampi kausay yaku pujyoqa kashan. K'anchayniykipitaj k'anchayta rikuyta atiyku.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Isaías 24:23

Jerusalempi Sión orqopi Tukuy Atiyniyoj Señor kamachiyta qallarejtin, intiwan killawan laqhayaykonqanku. Chay llajtamanta kurajkunataj Señorpa atiyninta rikonqanku.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

Daniel (hebreo) 7:18

Chay qhepatataj reinoqa, jatun atiyniyoj Diospa ayllunman qosqa kanqa, paypatataj kanqa wiñaynintimpaj.

Daniel (hebreo) 7:27

Kay jallp'api tukuynin llajtaspa reinosninku, atiyninku, jatun kayninkupis, jatun atiyniyoj Diospa ajllakusqan aylluman qopusqa kanqanku. Chay kamachinantaj wiñaypaj sayanqa, kay pachapi kaj tukuynin llajtakunataj paytaqa sirvenqanku, kasukonqankutaj.

Zacarías 14:7

Diospa uj k'ata p'unchaynin kanqa. Paypa rejsisqallan chay p'unchay kanqa. Manaña rejsikonqachu p'unchay nitaj tutapis. Ch'isimpis k'anchayllapuni kanqa.

San Mateo 19:28

Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj.

San Mateo 25:34

Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

San Mateo 25:46

Kaykunataj, wiñay ñak'ariyman renqanku; cheqan kajta ruwajkunataj, wiñay kausayman renqanku.

Romanos 5:17

Sichus uj runaj juchanrayku wañuy atiyniyoj karqa chayqa, aswan atiyniyojraj kanqanku mosoj kausaypi Jesucristonejta, pikunachus qhasimanta jatun salvacionta jap'inku, cheqan kaypa regalontawan.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 18:23

Manataj qampi lámparaj k'anchaynin lliphipenqachu, nitaj qosaj parlasqan, nitaj warmimpatapis uyarikonqañachu; imaraykuchus qhatojkunasniykipis chaypacha atiyniyoj karqanku. Qampis layqeriosniykiwan tukuy llajtakunata ch'aukiyaspa pantacherqanki.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 20:6

Kusikuyniyojmin ajllasqataj ñaupaj kaj kausarimuypi chayaqeta jap'ejqa. Iskay kaj wañoyqa manaña paykunapaj atiyniyojchu, astawanqa, paykuna Diospaj, Cristopajwan sacerdotes kanqanku, paywantaj waranqa watata kamachenqanku.

Apocalipsis 21:11

Jerusalén llajtaqa Diospa k'anchayninwan lliphipisharqa. Lliphipiynintaj rijch'akoj uj sumaj k'achitu qhapaj rumiman, jaspe rumiman. Cristal jinataj ch'uwa karqa.

Apocalipsis 3:21

Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani.