Apocalipsis 22:3 - Qheshwa Biblia DC

³ Manañataj astawan ima maldiciompis kanqañachu; Diospa tronontaj Corderojpatawan chaypi kanqa; kamachisnintaj payta kasonqanku.

DIOSPA QHELQACHISQAN DEUTEROCANONICAL

³ Chay llajtapi manaña imapis Diospa maldicisqan kaj kanqañachu, imaraykuchus Diospa kamachinan tiyana, chantá Corderojpatawan ima chaypi kanqa, kamachinkunataj payta yupaychanqanku.

DIOSPA QHELQACHISQ

³ Chay llajtapi manaña imapis Diospa maldicisqan kaj kanqañachu, imaraykuchus Diospa kamachinan tiyana, chantá Corderojpatawan ima chaypi kanqa, kamachinkunataj payta yupaychanqanku.

Quechua South Bolivia: Dios Parlapawanchej

³ Manaña ni ima cankachu Dios phiñacunanpajjinaka. Chaypitaj Diospata Corderojtapis camachina tiyanan canka. Camachisnin payta yupaychankancu.

Apocalipsis 22:3 Iomraidhean Croise

Salmos 16:11

Kausayman pusaj ñanta rikuchiwanki. May jatun kusikuy tiyan ñaupaqeykipi, qanwanqa wiñaypaj sonqo qhallallariy tiyan.

Salmos 17:15

Noqaqa cheqamanta kusisqa qhepakusaj, uyaykita qhawarispa, rijch'ayniykipi rijch'arisqa rikukuspa.

Isaías 12:6

Siompi tiyakojkuna kusiywan takiychej, imaraykuchus Israelpa Santo Diosnenqa qankunaj chaupiykichejpi kashan, tukuy jatun kayninwan.

Isaías 51:11

Cheqamanta Señorpa orqhomusqasnenqa kutimonqanku, may kusiywan takirispa Sión llajtaman chayamonqanku; kusiyllapipuni kanqanku. Paykunaqa kusikonqanku. Nanaywan, waqaywantaj chinkaponqanku.

Ezequiel 37:27

Paykunawan khuska tiyakusaj. Noqa paykunaj Diosninku kasaj, paykunataj aylluy kanqanku.

Ezequiel 48:35

Llajta perqaqa tukuy muyuynin midikonqa, isq'on waranqa metros. Llajtaj sutenqa chay p'unchaymantapacha sutichasqa kanqa: Señor kaypi kashan, nispa.

Zacarías 14:11

Arí, Jerusalempi runas tiyakonqanku mana imata manchachikuspa.

San Mateo 25:21

Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

San Juan 12:26

Pillapis munayniyta ruwajqa qhepayta jamuchun; maypichus noqa kasaj, chayllapitaj paypis kanqa. Tataytaj chay munayniyta ruwajta jatumpi jap'enqa.

San Juan 13:32

Sichus Dios Churipi jatunchasqa chayqa, Diospis pay kikimpi Churita jatunchallanqataj. Kikimpachataj chayta ruwanqa.

San Juan 14:3

Ripuspaqa qankunapaj tiyakunasta wakichimusaj, chantá kutimuspa pusasqaykichej, maypichus noqa kasaj chaypi qankunapis kanaykichejpaj.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Deuteronomio 27:26

Maldicisqa kachun kay tukuy Diospa nisqasninta mana kasojqa, manataj ruwajqa. Tukuy israelitastaj nenqanku: Ajina kachun, nispa.

Apocalipsis 7:10

Paykunataj sinch'ita qhaparispa nerqanku: Salvacionqa Diosninchejpata, pichus tronopi tiyasqa kashan chaypata, Corderojpatawan.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.