Apocalipsis 21:22 - Qheshwa Biblia DC

²² Manataj chaypi templota rikorqanichu. Llajtaj templonqa kikin Señormin, Tukuy Atiyniyoj Dios, Corderotaj.

DIOSPA QHELQACHISQAN DEUTEROCANONICAL

²² Chay llajtapeqa mana ima templotapis rikorqanichu, imaraykuchus llajtaj templonqa Tukuyta Kamachej, Tukuy Atiyniyoj Dios, Corderotaj.

DIOSPA QHELQACHISQ

²² Chay llajtapeqa mana ima templotapis rikorqanichu, imaraykuchus llajtaj templonqa Tukuyta Kamachej, Tukuy Atiyniyoj Dios, Corderotaj.

Quechua South Bolivia: Dios Parlapawanchej

²² Chay llajtapeka ni ima yupaychana-wasitapis ricorkanichu. Tucuy atiyniyoj Señor Diosmin Corderowan chaypi tiyacun yupaychaska cananpaj.

Apocalipsis 21:22 Iomraidhean Croise

1 Reyes 8:27

Kunanqa, cheqamantachu Diosqa jallp'a patapi tiyakunman? Janaj pachakuna aswan patapi janaj pachakunapis mana atisunkuchu jap'isuyta. Imaynatataj kay wasita ruwapususqaypi tiyakuyta atiwajri?

2 Crónicas 2:6

Chaywampis, pitaj atinman Diospaj uj yupaychana wasita jatarichiyta, janaj pachapis may jatun kayninwan manaraj wakiyta atejtinri? Pitaj noqa kasqani yupaychana wasinta jatarichipunaypaj, sutimpi inciensota q'osñichinallaypajpisri?

2 Crónicas 6:18

Jinapis, cheqapunichu kanman, Diosqa kay pacha runaswan tiyakunanqa? Janaj pachaqa, janaj pachamanta janaj pachapis mana wakiyta atisunkichu. Astawanraj ari kay yupaychana wasita qampaj ruwapususqayqa.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

San Mateo 24:2

Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.

San Juan 10:30

Noqawan, Dios Tatawanqa ujlla kayku.

San Juan 13:32

Sichus Dios Churipi jatunchasqa chayqa, Diospis pay kikimpi Churita jatunchallanqataj. Kikimpachataj chayta ruwanqa.

San Juan 4:21

Jesustaj kuticherqa: Warmi, creeway. Horaqa chayamushanña maypachachus mana kay orqopichu, nitaj Jerusalempichu Dios Tatata yupaychankichej.

San Juan 4:23

Hora chayamushanña, kunantaj chay horapi kashanchej. Dios Tatata cheqamanta yupaychajkunaqa, espiritupi cheqapitaj yupaychanqanku. Dios Tataqa, ajinata yupaychanankuta munan.

Colosenses 1:19

Dios Tatapaj allin karqa Jesusqa tukuy Diospa kayninwan junt'asqa kanan.

Colosenses 2:9

Kikin Diosqa Cristopi junt'a kashan.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

Apocalipsis 11:17

Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

Apocalipsis 14:4

Kaykunaqa warmiswan mana ch'ichichakorqankuchu; imaraykuchus warmita mana rejserqankuchu. Kaykunaqa Corderota qhatinku maymanchus rishan chayman. Kaykunaqa runa ukhumanta rantisqas kanku, ñaupaj poqoy jina Diospaj, Corderopaj ima.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

Apocalipsis 16:14

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

Apocalipsis 16:7

Altarmantataj wajta uyarerqani, nejta: Arí, Señor Dios, Tukuy Atiyniyoj, juiciosniykeqa cheqa, cheqantaj kanku.

Apocalipsis 19:15

Paypa siminmanta uj filo espada llojsimushan, chaywan runakunata t'ojsinampaj. Payllataj fierro varawan kamachenqa; paytaj saronqa uvas sarunata, Tukuy Atiyniyoj Diospa k'ajaj phiñakuyninwan.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.

Apocalipsis 5:6

Rikullarqanitaj tronoj chaupimpi, tawa animalespa chaupimpi, kurajkunaj chaupimpiwan Corderota, ñak'asqata jina sayashajta. Chay Corderoqa karqa qanchis wajrayoj, qanchis ñawisniyojtaj. Chaykunaqa Diospa qanchis espiritusnin kanku, tukuy mundoman kachamusqas.

Apocalipsis 7:15

Chayrayku Diospa tronompa ñaupaqempi kashanku, tuta p'unchaytaj templopi yupaychanku; tronopi tiyajtaj wasi toldonta paykunaman qhataykonqa.

Apocalipsis 7:17

Trono chaupipi kashaj Corderoqa paykunata michenqa, kausaj yaku pujyusninmantaj pusanqa. Diostaj paykunaj ñawisninkumanta tukuy waqayta pichanqa.