Apocalipsis 21:14 - Qheshwa Biblia DC

¹⁴ Llajtaj perqanrí chunka iskayniyoj cimientosniyoj karqa. Chaykuna patapitaj chunka iskayniyoj sutis, Corderoj chunka iskayniyoj apostolesnimpata.

DIOSPA QHELQACHISQAN DEUTEROCANONICAL

¹⁴ Llajtaj perqantaj chunka iskayniyoj cimientoyoj karqa. Chaykuna patapi chunka iskayniyoj suti qhelqasqa karqa, Corderoj chunka iskayniyoj kuraj kachankunajta.

DIOSPA QHELQACHISQ

¹⁴ Llajtaj perqantaj chunka iskayniyoj cimientoyoj karqa. Chaykuna patapi chunka iskayniyoj suti qhelqasqa karqa, Corderoj chunka iskayniyoj kuraj kachankunajta.

Quechua South Bolivia: Dios Parlapawanchej

¹⁴ Llajta perkataj chunca iscayniyoj cimientosniyoj carka. Cimientosninpitaj Corderoj chunca iscayniyoj cachasninpa sutisnincu kelkaska carka.

Apocalipsis 21:14 Iomraidhean Croise

Isaías 54:11

Wajcha, llakiywan ñak'arej llajta, sinch'i wayrawan jasut'isqa, ni pi sonqochajniyojtaj. K'acha rumis patapi sayachisqayki, cimientosniykipis zafiromanta kanqa.

San Mateo 16:18

Noqarí niyki, qan Pedro kasqaykita. Kay chhanka patapitaj iglesiayta sayarichisaj. Infiernoj atiynimpis mana iglesiataqa atipanqachu.

Hechos 1:26

Chaymantataj suerteta choqarqanku. Suertetaj Matiaspaj llojserqa. Paytaj chaymantapacha chunka ujniyoj apostolesman yapakorqa.

Gálatas 2:9

Chayrayku kurajkuna, Santiago, Pedro, Juan ima, noqaman Bernabemanwan willana qosqa kasqanta yachaspa, paña makinkuta jaywawarqayku uj yuyaylla kanaykupaj, noqayku gentilesman evangeliota willaj rinaykupaj, paykunataj judiosman.

Efesios 2:20

Qankuna apostolespa, profetaspa wakichisqanku patapi sayachisqas kankichej; chay kuraj kaj rumitaj kikin Jesucristo.

Efesios 3:5

Chay pakasqa kajqa mana rikuchisqachu karqa, waj miraykunapi runaj churisninman. Kunanrí Espiritunejta sut'inchan ajllasqa apostolesninman, profetasman ima.

Efesios 4:11

Pay kikillantaj churarqa wakinta apostolesta, wakinta profetasta, wakinta evangelistasta, wakinta michejkunata, wakintarí yachachejkunata, ajllasqas, ruwaypi allin wakichisqas kanankupaj, ajinapi Cristoj iglesian wiñanampaj; tukuyninchej ujllata creenanchejkama Diospa Churinta rejsinanchejpaj, cheqan runas kananchejpaj, Cristoj junt'aynimpa sayayninman chayananchejkama; amaña wawas jinachu kananchejpaj, waj yachachiykunawan wayrawan jina kayman jaqayman apaykachachikuspa. Chaykunataqa runakunalla wakichinku, misk'i parlaywan ch'aukiyaspa tojllawan jina pantachinankupaj.

Hebreos 11:10

Sinch'i sayaj llajtata suyasharqa, mayqentachus kikin Dios wakicherqa, sayacherqataj.

Judas 1:17

Munasqa hermanosníy, qankunaqa yuyarikuychej imatachus Señorninchej Jesucristoj apostolesnin ñaupajmantapacha niwarqanchej, chayta.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 21:13

Inti llojsimuynejman kinsa punkus karqanku, patanejman kinsa punkus, uranejman kinsa punkus, inti yaykuynejmantaj kinsa punkus.