Apocalipsis 14:7 - Qheshwa Biblia DC

⁷ Qhaparispataj nerqa: Diosta manchachikuychej, sutinta jatunchaychej; juiciompa horanqa chayamushanña; janaj pachata, kay pachata, mar qochata, yaku pujyusta ima ruwajta yupaychaychej.

DIOSPA QHELQACHISQAN DEUTEROCANONICAL

⁷ Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

DIOSPA QHELQACHISQ

⁷ Chantá jatunmanta parlaspa, nerqa: Diosta manchachikuychej, sutintataj jatunchaychej, imaraykuchus juzganan p'unchay chayamunña. Pichus janaj pachata, kay pachata, mama qochata, yaku juturikunata ima ruwajta yupaychaychej ari, nispa.

Quechua South Bolivia: Dios Parlapawanchej

⁷ Sinch'iwan parlaspataj nerka: —Diosta manchachicuychej, payta jatunchaychej, juicio p'unchaynin chayamuskanraycu. Janaj pachata, cay pachata, kochasta, phullchej yacustapis ruwaj Diosta yupaychaychej, —nispa.

Apocalipsis 14:7 Iomraidhean Croise

Génesis 22:12

Angeltaj nerqa: Ama makiykita oqhariychu, nitaj wawaykita imanaychu, yachaniña qan Diosniykita manchachikusqaykita. Manataj uj k'ata wawaykitapis mich'akunkichu qonawaykipaj.

Nehemías 9:6

Esdrastaj nerqa: Qanllamin k'ata Señorqa kanki, qan ruwarqanki janaj pachata, janaj pachamanta janaj pachatapis, chaypi tukuy ima kajnintapis. Ruwallarqankitaj kay pachata, chaypi tukuy ima kajtapis, mar qochastapis, chaypi tukuy ima kajtapis. Qanqa tukuy imasman kausayta qonki. Chayraykumari janaj pacha ch'askaspis yupaychasunku.

Salmos 115:15

Janaj pachata, kay pachatapis ruwaj Señorqa, qankunata bendicichun.

Salmos 124:8

Yanapayninchejqa Señormanta chayamuwanchej, pichus janaj pachata kay pachatawan ruwajmanta.

Salmos 33:6

Cielota, tukuy chaypi kajtapis, Señorqa palabranwan ruwarqa, simimpa samayninwan imalla.

Salmos 36:1

Sajraqa juchasapaj sonqon ukhuman parlan: Payqa ni jayk'ajpis yuyarinchu, Diosta manchachikuna kasqanta.

Salmos 89:7

Qanqa Diosmin kanki, manchachikunataj, cielopi kausajkunawan muyurisqa.

Salmos 95:5

Paypata mar qochapis, pay ruwasqanrayku. Ch'aki jallp'apis paypallatataj, makisninwan ruwasqanrayku.

Éxodo 20:11

Señorpis sojta p'unchaypi ruwarqa cielota, kay pachata, mar qochata, chay ruwasqasnimpi imaschus kashanku chaykunatawan. Qanchis kaj p'unchaypitaj samarikorqa, chayrayku Señorqa bendicerqa samarikuna p'unchayta, nerqataj payllapaj kasqanta.

Isaías 40:3

Uj runaj qhaparisqan uyarikun: Señorpaj uj ñanta pichapuychej ch'in pampapi. Diosninchejpaj ch'in pampapi jatun ñanta cheqanta ruwapuychej.

Isaías 40:6

Uj runaj kunkan uyarikun: Qhapariy, nispa. Noqataj nerqani: Imatataj qhaparisajri?, nispa. Tukuy runaj kausaynenqa qhora jinalla, tukuy k'acha kasqankoqa pampa t'ika jinalla.

Isaías 40:9

Sión, uj alto orqoman wichariy, jatunmanta qhapariy, sumaj willaykunata willanaykipaj. Jerusalén, ama manchachikuspa qhapariy. Judá llajtasman willay: Kaypi Diosniykichej kashan, nispa.

Isaías 42:12

Señorta kusichiychej, tukuy mar qocha canto llajtas kusiywan yupaychaychej.

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 58:1

Ama samarispa atisqaykita qhapariy, pututu jina qhapariy, Jacobpa miraynin aylluyta juchasninmanta k'amiy.

Jeremías 10:10

Señorqa cheqan Diospuni, kausaj Diospuni, wiñaypaj reytaj. Maypachachus pay phiñarikun chayqa, jallp'antin kharkatitin. Nacionestaj phiñakuyninta mana jap'ikuyta atinkuchu.

Ezequiel 7:6

Tukukoyqa jamushan, qayllamushampuni. Tukukunayki p'unchayqa qayllamushanña.

Oseas 8:1

Waqachiy pututusniykita, imaynatachus uj qhawajqa Señorpa ayllunta mana puñuspa qhawan jinata, imaraykuchus noqawan tratonkuta p'akinku.

San Mateo 25:13

Allinta qhawakuychej. Mana yachankichejchu ari ima diatachus, chayrí ima horatachus Runaj Churin jamunanta.

San Lucas 17:18

Manachu pipis kutimorqa, Diosta yupaychaj; kay waj llajtayoj runallachu kutimorqa?, nispa.

Josué 7:19

Chaymanta Josueqa Acanman nerqa: Wawáy, Israelpa Señornin Diosta jatunchaspa yupaychay ari. Willaway imatachus ruwasqaykita, ama pakaspa sut'inta.

1 Pedro 4:7

Tukuy imaj tukukuynin qayllapiña. Maychus kajta ruwaspa kausakuychej. Mana sayk'uspataj Diosmanta mañakuychej.

Apocalipsis 11:13

Chay horapitaj manchay jallp'a ikhakuy karqa, llajtaj chunka kaj t'aqantaj urmarqa. Jallp'aj ikhakuynimpitaj qanchis waranqa runa wañorqa, wajkunataj manchariywan janaj pachapi kashaj Diosta yupaycharqanku.

Apocalipsis 11:18

Jatun llajtakuna phiñarikorqanku. Qampa phiñakuyniykipis chayamunña, wañusqakunaj p'unchaynimpis juzgasqa kanampaj; kamachisniyki profetasman, ajllasqasman, sutiykita manchachikojkunaman, juch'uykunaman, jatunkunaman ima t'inkata qopunaykipaj; kay pachata tukuchejkunatapis tukuchinaykipaj.

Apocalipsis 15:4

Pitaj mana qanta manchachikunmanchu Señor? Pitaj atiyniykita mana jatunchanmanchu? Qanlla Santo kanki. Chayrayku tukuy runas ñaupaqeykiman jamonqanku, yupaychasonqankutaj. Cheqan juzgasqasniykeqa rejsisqas kanku.

Apocalipsis 16:9

Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

Apocalipsis 18:10

Paypa ñak'ariyninmanta manchaywan, karupi sayaykuspa, nenqanku: Way, way chay jatun Babilonia llajtamanta! Uj horallapi ñak'ariyniyki chayamusunki.

Apocalipsis 18:17

Uj horallapi chay chhika qhapaj kaynin tukukaporqa. Tukuy boteta purichejpis, tukuy botepi rejkunapis, botepi yanapajkunapis, mar qochapi llank'ajkunapis karupi sayaykorqanku.

Apocalipsis 18:19

Umasninkumantaj ñut'u jallp'ata jich'aykukuspa qhaparerqanku, jik'un jik'unta waqaspataj nerqanku: Way, way jatun llajtamanta! Mar qochapi tukuy botesniyoj paypa kapuyninwan qhapajyarqanku. Kunantaj uj horallapi ch'inyarparin.

Apocalipsis 19:5

Uj parlamojtaj tronomanta uyarikorqa, nispa: Diosninchejta yupaychaychej tukuy kamachisnin, tukuy payta manchachikojkuna, juch'uykuna, jatuchejkuna ima.

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

Apocalipsis 4:9

Chay animalesqa yupaychankupuni, jatunchankutaj, graciasta qospa tronopi tiyasqa kajman, pichus wiñay wiñaypaj kausan, chayman.

Apocalipsis 8:10

Kinsa kaj angeltaj trompetata waqacherqa. Janaj pachamantataj uj jatun ch'aska urmamorqa, uj k'anchay jina larwaspa; mayuspa kinsa kaj t'aqanman urmarqa, yaku pujyusmanwan.

1 Samuel 6:5

Chayrayku ruwaychej llajtaykichejta tukuchishanku chay ch'upusman rijch'akojkunata, chanta juk'uchasman rijch'akojkunatapis. Israelpa Diosnintataj jatunchaychej, ichapis pay saqenman jasut'iyta diosniykichejta, jinataj jallp'aykichejtapis.