Apocalipsis 12:12 - Qheshwa Biblia DC

¹² Chayrayku kusikuychej janaj pachakuna, chaypi tiyakojkunapis. Ay, jallp'a patapi, qocha patapipis tiyakojkunamanta!, imaraykuchus supayqa manchay phiñasqa qankunaman uraykamun, yachaspa paypaj pisi tiempollaña kasqanta.

DIOSPA QHELQACHISQAN DEUTEROCANONICAL

¹² Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

DIOSPA QHELQACHISQ

¹² Chayrayku janajkuna, kusikuychej, chaypi tiyakojkunapis. Chaywanpis kay pachapi, chantá mama qochapi tiyakojkuna ima manchay jatun llakiyta rikonqanku, imaraykuchus Kuraj Supay paykunaman may phiñasqa urayk'amun. Paytaj yachan paypaj pisi p'unchayllaña kashasqanta, nispa.

Quechua South Bolivia: Dios Parlapawanchej

¹² Chayraycu janaj pachapi cajcuna ¡mayta cusicuychej! ¡Phutiy, ari, cay pachapi cajcunapajka, kochaspi cajcunapajpis Satanás kancunaman uraycamuskanraycu! Pisi tiempollaña paypaj caskanta yachaskanraycu manchay rabiaska cashan.

Apocalipsis 12:12 Iomraidhean Croise

Isaías 44:23

Janaj pachaqa, kusiywan takiy, imaraykuchus kaytaqa Señor ruwan. Jallp'aj ukhusnin kusiywan qhapariychej. Qankuna orqos, montes, chaypi kaj tukuy sach'as ima kusikuywan takiychej. Señorqa atiyninta rikucherqa Jacobpa ayllun israelitasta salvaspa.

Isaías 49:13

Janaj pacha kusiywan takiy ari; jallp'a mayta kusikuy. Qankunapis, orqos, kusiywan qhapariychej: Señorqa ayllunta sonqochan; llakisqa llajtanmanta khuyakun.

San Lucas 15:10

Ajina kusiy kasqanta niykichej, Diospa angelesnimpa ñaupaqempi, uj juchasapa runa Diosman kutirikojtin.

Hebreos 10:37

Uj tumpitamantawan jamojqa, jamonqaña, manataj qhepakonqachu.

2 Pedro 3:8

Munakusqasníy, ama qonqaychejchu kayta: Señorpajqa uj p'unchay waranqa watawan ninakun, waranqa watataj uj p'unchaywan ninakun.

Apocalipsis 10:6

Jurarqataj wiñay wiñaypaj kausajrayku, pichus janaj pachata ruwarqa, chaypi imaschus kajkunatawan, jallp'atapis, chaypi imaschus kajkunatawan, mar qochatapis, chaypi imaschus kajkunatawan; willarqataj tiempo manaña kananta.

Apocalipsis 11:10

Jallp'api tiyakojkunataj paykuna jawa qhochukonqanku, kusikonqankutaj paykunapura t'inkasta apachinakuspa. Chay iskay profetasqa jallp'api tiyakojkunata llakichej kanku.

Apocalipsis 11:14

Iskay kaj way tukukunña. Kinsa kaj way usqhayta jamonqa.

Apocalipsis 12:9

Jawamantaj chay jatun sierpeta wijch'orqanku, chay unay ñaupa katarita, pichus sutichasqa Supay, Satanastaj. Payqa llullakuspa mundontinta pantachin. Payta angelesnintawan jallp'aman wijch'umorqanku.

Apocalipsis 13:6

Simintataj kicharerqa sajrata rimaspa Diospaj, sutimpaj, wasimpaj, janaj pachapi tiyakojkunaj contranta ima.

Apocalipsis 18:20

Chaymanta kusikuychej janaj pacha, qankuna ajllasqas, apóstoles, profetaspis. Diosqa qankunarayku payman maychus kajta kutichipun.

Apocalipsis 8:13

Rikorqanitaj uj angelta, janaj pachaj chaupinta phawashajta, uyarerqanitaj nejta: Ay, ay, ay, jallp'api tiyakojkunamanta! Chay kinsa angelesqa, trompetasta waqachinankuraj tiyan, nispa.

Apocalipsis 9:12

Ñaupaj kaj way ripunña. Kunanqa, iskay, way nispa qhapariykunaraj kaypa qhepanta jamonqanku.