Apocalipsis 11:17 - Qheshwa Biblia DC

¹⁷ Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

DIOSPA QHELQACHISQAN DEUTEROCANONICAL

¹⁷ Nerqankutaj: Tukuyta Kamachej, Tukuy Atiyniyoj Dios, pachis pachis niyku. Qanmin kawsanki, wiñay wiñaymantapachataj kawsallarqankipuni. Kunantaj jatun atiyniykiwan kay pachapi kamachiyta qallarishanki.

DIOSPA QHELQACHISQ

¹⁷ Nerqankutaj: Tukuyta Kamachej, Tukuy Atiyniyoj Dios, pachis pachis niyku. Qanmin kawsanki, wiñay wiñaymantapachataj kawsallarqankipuni. Kunantaj jatun atiyniykiwan kay pachapi kamachiyta qallarishanki.

Quechua South Bolivia: Dios Parlapawanchej

¹⁷ —Tucuy atiyniyoj Señor Diosniycu, kan canquipuni carkanquipunitaj. Jatun atiyniyquiwanña cunan camachishaskayquiraycu kanta agradececuycu.

Apocalipsis 11:17 Iomraidhean Croise

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Salmos 21:13

Jatarikuy atiyniykiwan, Señor, takisqayku qampa atipasqaykita.

Salmos 57:11

Diosníy, janaj pachamanta aswan patapi kanki. K'anchayniykitaj kay pachata junt'an.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.

Daniel (hebreo) 2:23

Tatasniypa Diosnin, qanman graciasta qoyki, yupaychaykitaj. Qan yachayniyojta ruwawanki, kallpachawankitaj. Kunantaj sut'ita rikuchiwanki imatachus mañakususqaykuta. Rikuchiwaykuñataj imatachus rey yachayta munasharqa chaytapis.

Daniel (hebreo) 6:10

Danieltaj chay papelpi rey Darío sutinta qelqaykusqanta uyarispa, wasinman riporqa. Puñunan wasimpa ventanasninta kicharerqa, chay ventanastaj Jerusalenta qhawariypi karqanku, chaypi qonqorikorqa Diosmanta mañakunampaj, payta yupaychanampajtaj. Chay jinata ruwarqa kinsa kutita sapa p'unchay, yachasqa kasqanman jina.

San Mateo 11:25

Chaypacha Jesús kutichispa nerqa: Yupaychayki Tatáy, janaj pachajta, kay pachajtawan Señornin. Kay imasta pakaykorqanki yachaysapasmanta, yuyayniyojkunamantawan; wawasmantaj chaykunata rikucherqanki.

San Lucas 10:21

Chay kikimpachataj, Jesusqa Santo Espiritunejta may kusisqa kaspa nerqa: Tatáy, janaj pachajta kay pachajtawan Señornin, yupaychayki kay imasta pakasqaykimanta, yachayniyojkunamanta yuyayniyojkunamantawan; wawasmantaj kay imasmanta willasqaykimanta. Arí Tatáy, ajinata qanqa munarqanki.

San Juan 11:41

Chantá rumita oqharerqanku, maypichus wañusqa churasqa karqa chaymanta. Jesustaj janaj pachata qhawarispa nerqa: Tatáy, graciasta qoyki uyariwasqaykimanta.

2 Corintios 2:14

Chaywampis, Diosman gracias qosqa kachun. Payqa pusawayku Cristopi atipanapaj. Diosqa tukuynejpi noqaykunejta willan uj sumaj q'aparishaj evangelionta.

2 Corintios 9:15

Diosman graciasta qona qowasqanchejmanta mana willay atinata.

1 Timoteo 1:12

Cristo Jesús Señorninchejman graciasta qoni kallpachawasqanmanta, imaraykuchus allimpaj noqata qhawawarqa; evangeliomanta willanaypajtaj churawarqa.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 1:8

Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

Apocalipsis 16:14

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

Apocalipsis 16:5

Yakuspa angelnintataj uyarerqani nejta: Cheqanmin kanki, Señor. Qan kanki, karqankitaj santo; imaraykuchus kay imasta ajinata juzgarqanki.

Apocalipsis 16:7

Altarmantataj wajta uyarerqani, nejta: Arí, Señor Dios, Tukuy Atiyniyoj, juiciosniykeqa cheqa, cheqantaj kanku.

Apocalipsis 18:8

Chayrayku uj p'unchayllapi ñak'ariykunasnin jamonqanku: Wañuy, waqay, yarqhaytaj. Chantá ninwantaj ruphasqa kanqa. Atiyniyoj Dios Señorqa payta juchachan.

Apocalipsis 19:11

Chaypacha, janaj pacha kicharisqata rikorqani. Uj runa yuraj caballopi tiyasqa kasharqa, paytaj junt'aj, cheqa sutichasqataj karqa. Payqa cheqanta juzgan, maqanakuntaj.

Apocalipsis 19:6

Ashkha runaj parlasqanta jina uyarerqani, ashkha yakoj p'ajchasqanta jina, ashkha qhon qhonkunaj manchay sinch'ita sonasqanta jina, nerqataj: Aleluya! Señor Tukuy Atiyniyoj Diosninchej kamachishan.