Apocalipsis 1:9 - Qheshwa Biblia DC

⁹ Noqa, Juan, hermanoykichej, qankunawan khuska llakiypi, Jesucristoj reinompi, pacienciampitaj chayaqeyoj kani. Patmos nisqa churupi kasharqani Diospa palabranmanta, Jesucristomantawan willasqayrayku.

DIOSPA QHELQACHISQAN DEUTEROCANONICAL

⁹ Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

DIOSPA QHELQACHISQ

⁹ Noqa Juan qankunaj wawqeykichej kani, Jesuswan ujchasqa kasqayraykutaj Diospa kamachiyninpi qankunawan khuska kashani. Jinallataj tukuy imaymana ñak'ariykunapi, chantá chay ñak'ariykunata Jesucristoj paciencia qosqanwan awantanapaj qankunawan khuska kashallanitaj. Noqaqa Patmos sutiyoj churupi wijch'usqa kasharqani Diospa simi nisqanmanta, chantá Jesucristomanta ima willasqayrayku.

Quechua South Bolivia: Dios Parlapawanchej

⁹ Noka, Juan, hermanoyquichej cani. Kancunawan ujchaska llaquiycunata muchuni. Jesucristo tucuyta camachinancama paypi jap'icoj-masiyquichejpis cani. Diospa niskanta Jesucristomanta willaraskayraycu Patmos niska jallp'api casharkani. [Chay jallp'aka yacuwan muyuycuskamin.]

Apocalipsis 1:9 Iomraidhean Croise

San Mateo 20:23

Jesustaj kuticherqa: Arí, atinkichej vasoymanta ujyayta; bautismoywampis bautizakuyta; pañaypi, lloq'eypiwan tiyaykuytaqa mana qoyta atinichu. Chaytaqa Tatallay qoyta atin, pikunapajchus wakicherqa, chaykunaman.

Marcos 10:39

Paykunataj kuticherqanku: Arí atiyku chayta ruwaytaqa. Jesustaj paykunaman nillarqataj: Cheqamanta atinkichej ujyanaymanta ujyayta; mayqen bautismowanchus bautizakuni chaywan bautizakuytapis.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

Hechos 1:15

Chay p'unchaykunallapitaj creejkuna tantakorqanku tukuyninkupi, pachaj iskay chunkayoj jina. Sayaykuspataj Pedro paykunaman nerqa: Hermanosníy, escribisqapi nisqan junt'akunampuni karqa, imatachus Santo Espíritu Davidpa siminnejta Judasmanta nerqa. Chay Judasqa runasta pusarqa Jesusta jap'inankupaj.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

Romanos 8:17

Paypa wawasnin kanchej chayqa, chayaqeyoj kanchej. Diosmanta chayaqeyojña kaspataj, Cristowan khuska chayaketa jap'isunchej. Imaynatachus Cristowan khuska ñak'arinchej chayqa, paywan khuskallataj janaj pacha k'anchaypi wiñaypaj kasunchej.

Romanos 8:25

Imatachus mana rikusqanchejta suyanchej chayqa, pacienciawan chaytaqa suyananchej tiyan.

2 Corintios 1:7

Qankunapi suyayniykoqa sinch'i; yachaspa ñak'arej masisniyku kasqaykichejta, llakiypi, ajinallataj sonqochakuypipis.

Filipenses 1:7

Allimpuni noqapajqa, qankunamanta yuyanayqa; imaraykuchus sonqoypi jap'iykichej. Carcelpi kashajtiypis, evangeliota willashajtiypis tukuy qankuna noqawan khuska kusikorqankichej, Diospa khuyakuynimpi.

Filipenses 4:14

Chaywampis, allinta ruwarqankichej llakiyniypi sonqochawaspa.

2 Tesalonicenses 3:5

Señortaj sonqoykichejta Diospa munakuyninman pusachun, Cristoj jamuyninta pacienciawan suyanaykichejpaj.

2 Timoteo 1:8

Chayrayku ama p'enqakuychu Señorninchejmanta willayta, nitaj noqamantapis payrayku carcelpi wisq'asqa kasqaymantapis. Astawanqa qampis noqawan khuska llakikuy evangeliorayku, Diospa atiyninman jina.

Hebreos 10:36

Llakiypi sinch'i sonqopuni kanaykichej tiyan, Diospa munayninta ruwaspataj, Diospa qosqayki nisqasninta jap'inaykichejpaj.

1 Pedro 5:1

Qankuna ukhupi kurajkuna kajkunamanta mañakuni, noqapis paykuna jina kurajllataj kaspa; Cristoj ñak'arisqasninta rikorqani, ajinallatataj chayaqeyoj kani, paypa k'anchaynin rikuchikojtin.

Apocalipsis 1:1

Jesucristoj sut'inchasqan, mayqentachus Dios payman qorqa, kamachisninman rejsichinampaj, imaschus usqhayta ruwakunankuta. Chaykunamantaqa yachacherqa kamachin Juanman, angelnejta.

Apocalipsis 1:2

Juanqa willarqa chay tukuy imata rikusqanmanta, Diospa palabranmanta, Jesucristoj willasqanmantawan.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 1:6

Cristoqa reyesta, sacerdotestataj kamachimpaj Dios Tatampaj churawarqanchej. Payman janaj pacha k'anchay, atiytaj, wiñay wiñaypaj kachun. Amén.

Apocalipsis 11:7

Willayta tukojtinkuña, supayqa phiña animal jina, ukhu pacha pujyumanta wicharimuspa paykunawan maqanakonqa, atipanqa paykunata, wañuchenqataj.

Apocalipsis 12:11

Paykunaqa atiparqanku Corderoj yawarninrayku, Diospa palabranta willasqankurayku, pisipitaj kausayninkuta jap'isqankurayku wañunankukama.

Apocalipsis 12:17

Chaypachataj sierpeqa warmipaj mayta phiñakorqa; rerqataj warmej mirayninmanta kajkunawan maqanakoj, Diospa kamachisqasninta waqaychanku, Jesuspa willasqasnintataj jap'inku chaykunawan.

Apocalipsis 13:10

Pillapis presochajqa, presochasqallataj kanqa. Pillapis espadawan wañuchejqa, espadallawantaj wañuchisqa kanqa. Kaypimá kashan ajllasqaspa pacienciankoqa, feninkutaj.

Apocalipsis 14:12

Kaypi kashan ajllasqaspa paciencian. Kaypi kashanku Diospa kamachisqasninta, Jesuspa fenintapis waqaychajkuna.

Apocalipsis 19:10

Noqataj chakisninman urmarqani payta yupaychanaypaj. Paytaj niwarqa: Qhawakuy, ama chayta ruwaychu. Noqa kamachi masiyki kani, hermanosniykejtapis, pikunachus Jesuspa willayninta jap'inku, chaykunajta. Diosta yupaychay. Jesuspa willaynenqa Diosmanta sut'inchanaj espiritunmin.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 3:10

Qanqa nisqayman jina pacienciakorqanki, noqapis qanta waqaychasqayki tentación horapi, chaytaj tukuy mundoman jamonqa, mundopi tiyakojkuna rejsisqas kanankupaj.

Apocalipsis 6:9

Phishqa kaj sellota kicharejtintaj, altar urapi almasta rikorqani, pikunachus wañorqanku Diospa palabranrayku, payta rejsichisqankuraykutaj.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.