Apocalipsis 1:8 - Qheshwa Biblia DC

⁸ Noqa kani Alfa Omegataj, nin Señor Dios Tukuy Atiyniyoj, pichus kunan kashan, karqataj, jamonqataj.

DIOSPA QHELQACHISQAN DEUTEROCANONICAL

⁸ Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

DIOSPA QHELQACHISQ

⁸ Noqa kani Tukuy Imaj Qallariynin, Tukukuynintaj, pichus kunan kaj, karqataj, wiñaypaj kallanqapunitaj, chay, nispa nin Tukuy Atiyniyoj Dios.

Quechua South Bolivia: Dios Parlapawanchej

⁸ Tucuy atiyniyoj Señor Dioska nin: “Noka cani kallarejka, nokataj tucuchaj cani,” nispa. Payka cashanpuni, carkapuni, wiñaypajpunitaj canka.

Apocalipsis 1:8 Iomraidhean Croise

Génesis 17:1

Abram isq'on chunka isq'onniyoj watasniyoj kashajtin, Señorqa rikhurerqa payman, nerqataj: Noqa tukuy atiyniyoj Dios kani; qan kausay ñaupaqeypi sumaj kausayta, mana pejpa k'aminan.

Génesis 28:3

Tukuy atiyniyoj Dios bendicisuchun, ashkhayachisuchun, mirayniykita mirachichun, qanmanta ashkha naciones kanankupaj.

Génesis 43:14

Tukuy Atiyniyoj Dios qankunamanta khuyakuchun, ama imapis qankunawan kanampaj, chay runa ujnin wauqeykichejta kacharimpunampaj, jinallataj kay Benjamintapis. Sichus Diospuni munan mana wawasniyoj kanayta chayqa, jina mana wawasniyoj qhepakusaj!

Génesis 48:3

Chaymantataj Joseman nerqa: Tukuy atiyniyoj Dios Luz llajtapi rikhuriwarqa, bendiciwarqataj Canaán jallp'api, kay palabraswan: Noqa qanta ashkhata mirachisqayki, chay mirayniykimanta ashkha naciones ruwakonqanku. Chanta mana chayllachu, kay jallp'ata mirayniykiman qopusaj, paykunajta kanqa wiñaynintimpaj.

Génesis 49:25

Tataykej Diosnin qanta yanapasuchun, tukuy atiyniyoj Dios, bendicisuchun janaj pacha bendicioneswan, musphay ukhu mar qochaj bendicionninwan. Qanmanta mirajkuna warmis ashkha wawasniyoj kachunku.

Éxodo 3:14

Chaypacha Dios nerqa: NOQA KANI PICHUS KANI CHAY. Chantá nillankitaj israelitasman: NOQA KANI nej Dios qankunaman kachamuwan, nispa.

Éxodo 6:3

Noqa tukuy atiyniyoj Dios sutiywan rejsichikorqani Abrahamwan, Isaacwan, Jacobwan ima. Señor nisqa sutiywanri paykunaman mana rejsichikorqanichu.

Isaías 41:4

Pitaj kay imasta ruwarqari? Pitaj qallariymantapacha runasta wajyarqa kausanankupajri? Chaytaqa noqa Señor, uj k'ata Dioslla ruwani, qallariymantapacha tukukuykama.

Isaías 43:10

Señorqa cheqamanta nin: Qankuna noqamanta sut'inchajkuna kankichej, noqaj ajllakusqasniy kamachisniy, noqata rejsikunawaykichejpaj, atienekunawaykichejpajtaj, pichus noqa kasqayta allinta unanchanaykichejpaj. Noqamanta ñaupajtaqa mana ima diospis karqachu, manataj qhepamampis waj dios kanqachu.

Isaías 44:6

Tukuy Atiyniyoj Señorqa, Israelta salvaj reyqa ajinata nin: Noqamin kani qallariytaj tukukuytaj. Noqamanta astawan waj diosqa mana kanchu.

Isaías 48:12

Jacobpa ayllun Israel, uyariway. Qanta wajyarqayki: Noqa sapallay Diosqa kani, noqalla qallariy, tukukuytaj kani.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Números 24:4

Diosman yuyayninta churaspa Diospa nisqasninta uyarej, manchay atiyniyoj Diospa mana rikukoj imasninta mosqoypi jina rikoj, chaywampis ñawisnin aswan sut'ita qhawan.

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Apocalipsis 1:11

Nerqataj: Imatachus rikusqaykita uj libropi Escribiy, Asiapi kaj chay qanchis iglesiasmantaj apachiy: Efesoman, Esmirnaman, Pergamoman, Tiatiraman, Sardisman, Filadelfiaman, Laodiceaman ima.

Apocalipsis 1:17

Payta rikuspataj, wañusqa jina chakisninman urmarqani. Paytaj makisninta churaykuwarqa, nispa: Ama mancharikuychu. Noqa kani ñaupaj kaj, qhepa kajtaj.

Apocalipsis 1:4

Noqa, Juan, escribimuni Asiapi kaj qanchis iglesiasman: Khuyakuy, sonqo tiyasqa kaytaj qankunawan kachun, pimantachus kunan kashan, karqataj, jamonqataj chaymanta; qanchis espiritusmantawan, pikunachus tronompa ñaupaqempi kashan, chaykunamanta; Jesucristomantapis, pichus sumaj testigo, junt'ajtaj, wañusqakunamanta kuraj kaj, kay mundopi kaj reyespa kamachejnintaj. Payqa munakuwarqanchej, mayllawarqanchejtaj juchasninchejmanta yawarninwan.

Apocalipsis 11:17

Nerqankutaj: Qanman graciasta qoyku, Señor Dios Tukuy Atiyniyoj. Qan kanki, karqankitaj. Atiyniykita jap'erqanki, kamachishankiñataj.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.

Apocalipsis 16:14

Supaykunaj espiritusnin kanku, pikunachus t'ukunapaj rikuchinasta ruwanku, tukuy kay pachapi reyespaman rinku, paykunata tantamunankupaj maqanakuman, jaqay jatun Tukuy Atiyniyoj Diospa p'unchaynimpaj.

Apocalipsis 16:7

Altarmantataj wajta uyarerqani, nejta: Arí, Señor Dios, Tukuy Atiyniyoj, juiciosniykeqa cheqa, cheqantaj kanku.

Apocalipsis 19:15

Paypa siminmanta uj filo espada llojsimushan, chaywan runakunata t'ojsinampaj. Payllataj fierro varawan kamachenqa; paytaj saronqa uvas sarunata, Tukuy Atiyniyoj Diospa k'ajaj phiñakuyninwan.

Apocalipsis 19:6

Ashkha runaj parlasqanta jina uyarerqani, ashkha yakoj p'ajchasqanta jina, ashkha qhon qhonkunaj manchay sinch'ita sonasqanta jina, nerqataj: Aleluya! Señor Tukuy Atiyniyoj Diosninchej kamachishan.

Apocalipsis 2:8

Esmirna iglesiaj angelninman escribiy: Ñaupaj kaj, qhepa kajtaj, pichus wañusqa karqa, kausarerqataj, chaymin kayta nin:

Apocalipsis 21:22

Manataj chaypi templota rikorqanichu. Llajtaj templonqa kikin Señormin, Tukuy Atiyniyoj Dios, Corderotaj.

Apocalipsis 21:6

Niwarqataj: Junt'asqaña. Noqa kani alfa, omegataj; qallariy, tukukuytaj. Ch'akichikojmanqa kausay yakuta pujyumanta qhasilla ujyachisaj.

Apocalipsis 22:13

Noqa alfa, omegataj kani, qallariy, tukukuytaj, ñaupaj kaj qhepa kajtaj.

Apocalipsis 4:8

Chay tawantin animalesqa sapa ujninku sojta lijrasniyoj muyuyninkupi, tukuy ukhunkupitaj ñawiswan junt'asqas karqanku; manataj tuta p'unchay samajchu kanku, nispa: Santo, Santo, Santo, Señor Dios Tukuy Atiyniyoj, pichus karqa, kantaj, jamonqataj.