1 Samuel 7:3 - Qheshwa Biblia DC

³ Chayrayku Samuelqa tukuynin israelitasman nerqa: Sichus qankuna tukuy sonqowan Señorman kutirikunkichej chayqa, jawaman wijch'unaykichej tiyan chay mana rejsisqa dioskunasta, chay Astartéj lantisnintapis, kausayniykichejtataj Señorllaman qoychej, pay sapallantataj yupaychaychej. Chaymantaraj Señortaqa filisteospa makinmanta kacharichisonqachej.

DIOSPA QHELQACHISQAN DEUTEROCANONICAL

³ Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

DIOSPA QHELQACHISQ

³ Chayrayku Samuelqa tukuynin israelitakunata nerqa: Sichus qankuna tukuy sonqowan Tata Diosman kutirikunkichej chayqa, waj dioskunata, chantá Astarotpa lantintapis yupaychanata saqeychej. Chantá tukuy sonqomanta Tata Diosllataña yupaychaychej. Chaymantaraj payqa filisteokunaj makinkumanta kacharichisonqachej, nispa.

1 Samuel 7:3 Iomraidhean Croise

Génesis 35:2

Chaymanta Jacobqa nerqa familianman, pikunachus paywan risharqanku chaykunamanwan: Qankuna ukhupi tukuy laya dioskunata orqhoychej, jinaspataj mayllakuychej, p'achasniykichejtapis cambiakuychej.

1 Reyes 11:33

Imaraykuchus Salomonqa noqata saqerpariwaspa yupaycharqa sidoniospa china diosnin Astarteta, Moabpa diosnin Quemosta, amonitaspa diosnin Moloctawan, manataj noqaj ñankunasniypichu purinku, noqaj ñaupaqeypi cheqanta ruwaspa, kamachisqasniyta, nisqasniytawan, imaynatachus tatan David waqaycharqa jinataqa.

1 Reyes 8:48

Chantaqa tukuy sonqonkuwan tukuy almankuwantaj qanman kutirikamusunkuman, maymanchus enemigosninku presosta aparqanku chaypi, qanmantataj mañakamusunkuman tatasninkuman qorqanki chay jallp'aman kutirisqas, ajllakorqanki chay llajtaman, sutiykipi noqa ruwaporqayki chay wasinejmanwan chayqa, Qanqa janaj pachamanta uyarimunki maypichus tiyakunki chaymantapacha, mayta mañakusqankuta, qantaj paykunaman justiciata ruwanki.

2 Reyes 17:39

Astawampis Señorniykichej Diosllata manchachikunkichej, paytaj tukuynin enemigosniykichejmanta librasonqachej.

2 Reyes 23:15

Betelpi karqa chay altarestapis ajinallatataj ruwarqa, Nabadpa wawan Jeroboampa ruwasqasnintapis, mayqenwanchus israelitasta juchallichej achay altarta, orqo patapi karqa chaytawan urmachispa ninawan enqhaykorqa ushphaman kutinankama. Aseraj lantinmampis ninawan jap'iykucherqa.

1 Crónicas 22:19

Chayrayku kunanqa Señor Diosniykichejta mask'aj churakuychej, tukuy sonqowan, yuyayniykichejwantaj. Ajinata usqhayta churakuychej Señor Diosniykichejpa llimphu yupaychana wasinta oqharinaykichejpaj, chanta Señorpa trato ruwasqa cajonninta, chayman apamunaykichejpaj, jinataj Diosta yupaychanapaj, imaschus t'aqasqas kachanku chaykunatapis apamunaykichejpaj, Señorpa yupaychana wasin oqharisqa kanqa chayman.

1 Crónicas 28:9

Qanrí, wawáy Salomón, tataykej Diosninta allinta kasuy usqhayta kasukuspataj, Señorqa tukuypa sonqonta rejsin, jinallataj ima yuyasqantapis Payqa rejsin. Ajinata payta mask'anki chayqa, tarinki. Paymanta t'aqakuywaj chayri, wiñaypaj qhesachasonqa.

2 Crónicas 19:3

Chaywampis qampi tarikullantaj allin imas, chay Asera lantista kay nacionesmanta chinkachisqasniyki, tukuy sonqoykiwan Diosta mask'aj churakusqayki ima, nispa.

2 Crónicas 20:33

Chaywampis lomas patapi wasisqa mana wijch'usqaschu karqanku. Aylloqa manaraj kallpachasqarajchu kasharqa ñaupa tatasninkoj Diosninta qhatinankupaj.

2 Crónicas 30:19

Qan Señorta ñaupa tatasninkoj Diosninkuta amapis llimphuchasqachu yupaychana wasiykipi kachunku llimphuchakuykunaman jinaqa.

Proverbios 16:1

Imatapis ruwanapaj wakichisqaqa runajtamin; chaykunas junt'akunampajtaj Señorpuni ari ninan tiyan.

Isaías 55:7

Juchasapaqa sajra puriyninta saqechun. Sajra runaqa imatachus yuyasqasninta saqechun. Señorman kutirichun, imaraykuchus paymanta khuyakonqa. Diosman kutirichun. Payqa perdonanqapacha.

Jeremías 24:7

Allin sonqota qosaj, noqa Señorninku kasqayta rejsinawankupaj. Paykunaqa aylluy kanqanku, noqataj paykunaj Diosninku kasaj, imaraykuchus tukuy sonqowan kutirimpuwanqanku.

Jeremías 36:3

Ichapis Judaman kaj runasqa ñak'ariykunasta apachimunashani chaymanta uyarispa tukuy sajra puriyninkuta saqenkuman, noqataj sajra ruwasqasninkumanta, juchasninkumantapis perdonapusaj.

Jeremías 4:1

Señorqa nin: Israel, kutimpuyta munanki chayqa, noqaman kutimpunayki tiyan. Chay millay lantisniykimanta t'aqakunki, noqamantataj mana t'aqakunkichu chayqa, chaypacha cheqamanta sutiypi juranayki tiyan, jinallataj justiciapi, cheqan kaypipis. Chaypacha nacionesqa sutiynejta bendicisqas kanqanku, jatunchawanqankutaj.

Ezequiel 14:6

Chayrayku Israel aylluman niy: Señorman kutiriychej, nispa. Lantisninkuta saqechunku, millachikunapaj jina imastawan.

Ezequiel 18:31

Contraypi tukuy sajra ruwasqasniykichejmanta t'aqakuychej, mosoj sonqoyojman tukuychej, mosoj espirituyojmantaj. Israel ayllu, imaraykutaj wañuwajri?

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

San Mateo 15:8

Kay runasqa simillankuwan yupaychawanku, sonqonkurí noqamanta karupi kashan.

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

San Mateo 6:24

Mana pipis iskay patronespa kamachin kayta atinchu, imaraykuchus ujninta chejnenqa, ujnintataj munakonqa; chayrí, ujninman kutikonqa, ujnintataj qhesachanqa. Mana atinkichejchu ujllapi k'umuykukuyta Diosman qolqemampis.

San Lucas 4:8

Jesustaj kuticherqa: Escribisqa kashan Diospa palabrampi: Señor Diosniykiman k'umuykukunki, pay sapallanta yupaychanki.

San Juan 4:24

Diosqa Espiritumin; payta yupaychajkunaqa espiritupi cheqapitaj yupaychananku tiyan.

Deuteronomio 10:20

Señor Diosniykichejta manchachikuychej, pay sapallanta yupaychaychej. Payman sayasqas kaychej. Juramentotapis ruwanaykichej kajtenqa Paypa sutimpi ruwaychej.

Deuteronomio 13:4

Qankunaqa Señor Diosniykichejpa qhepantapuni puriychej. Payta manchachikuychej, kamachiykunasninta junt'aychej. Paypa parlasqanta uyariychej; Payta yupaychaychej; Paywampuni ujchasqas kaychej.

Deuteronomio 4:29

Sichus chaypi Señor Diosniykichejta tukuy sonqowan mask'ankichej, tukuy almaykichejwan ima chayqa, Payta tarinkichej.

Deuteronomio 6:13

Señor Diosniykichejta manchachikuychej. Pay sapallanta yupaychaychej. Juraspapis Señorpa sutillanta oqhariychej.

Josué 13:31

Chaymantaqa Galaadpa khuskan, Astarot llajtas, Edrei llajta, Basampi rey Ogpa llajtasnin ima. Chay karqa Manasespa wawan Maquirpa wawasnimpaj, chay niyta munan Manasespa khuskan miraynimpaj, mashkhachus kasqankuman jina.

Josué 24:14

Kunanqa Señorta manchachikuychejpuni, paypa nisqanta cheqamanta tukuy sonqo ruwaychej. Ñaupa tatasniykichej yupaycharqanku chay lantismanta t'aqakuychej, chaykunata paykunaqa yupaycharqanku Eufrates mayu cantopi, chanta Egiptopi ima. Qankunaqa Señortapuni yupaychaychej.

Josué 24:23

Jina kajtenqa chay waj dioskuna qankuna chaupipi kashan chaykunamanta wijch'uychej, tukuy sonqowan Israelpa Diosnin Señorman kutiriychej.

Jueces 10:16

Israelitastaj t'aqakorqanku chay mana rejsisqa dioskunasninkumanta, Señortataj yupaycharqanku, Señorpis manaña munarqachu israelitas astawan ñak'arinallankutapuni.

Jueces 10:6

Israelitasqa watejmanta ruwallarqankutaj Señorpa contranta, yupaychaspa Baalman jinataj Astarteman rijch'akoj lantista, ajinallatataj Siriamanta dioskunasninkuta, Sidonmanta, Moabmanta, Amonmanta, jinataj Filisteojkunatawan. Señorta saqerparispa manaña yupaycharqankuchu.

Jueces 2:11

Israelitasqa ruwarqanku imaschari mana allinchu Señorman rijch'arqa chaykunata, Baalman rijch'akojkuna tukuy laya lantistataj yupaychayta qallarerqanku.

Jueces 2:13

Señorta saqerparerqanku Baalta yupaychanankupaj, Astartej tukuy laya lantisninta ima.

1 Samuel 31:10

Saulpa armasninta Astarteta yupaychananku wasiman churarqanku, ayatataj Bet-sán perqaman warkhorqanku.