1 Juan 3:4 - Qheshwa Biblia DC

⁴ Juchallikojqa Diospa leyninta p'akin; imaraykuchus juchaqa Diospa leyninta p'akiymin.

DIOSPA QHELQACHISQAN DEUTEROCANONICAL

⁴ Pichus juchallikojqa Diospa kamachisqanta p'akin, imaraykuchus juchalleyqa Diospa kamachisqanpa contranpi sayariymin.

DIOSPA QHELQACHISQ

⁴ Pichus juchallikojqa Diospa kamachisqanta p'akin, imaraykuchus juchalleyqa Diospa kamachisqanpa contranpi sayariymin.

Quechua South Bolivia: Dios Parlapawanchej

⁴ Juchallicushanpuni, chay runarí Diospa camachiskanta mana casunchu. Imaraycuchus Diospa camachiskanta mana casuyka juchamin.

1 Juan 3:4 Iomraidhean Croise

1 Reyes 8:47

Paykunataj maypichus presos kasqankupi sonqonkupi yuyarikunkuman, chantá qanman kutirikamusunkuman, chaypitaj mañakuspa nisunkuman: Noqayku juchalliyku, mana allin kajta ruwayku, juchayojpuni kayku, nispa.

1 Crónicas 10:13

Ajinatamin Saulqa wañorqa juchasninrayku. Payqa juchallerqa Señorpa kamachisqasninta mana kasuspa, uj yatiri warmita tapukamusqanraykutaj.

2 Crónicas 24:20

Chaypacha Joiadaj wawan Zacariasman Diospa Espíritun jamorqa, uj moqonejpi sayaykuspataj ayllunman nerqa: Diosqa nin: Imaraykutaj qankunaqa mana kasunkichejchu kamachisqasniytari? Jinamanta qankuna kikiykichej llakiyniykichejta mask'ashankichejri? Noqata saqerpariwasqaykichejrayku, noqapis qankunata saqerparisqaykichej!

Isaías 53:8

Payqa wisq'asqa, juchachasqataj qhasillamanta rikhurerqa, manataj pipis paymantaqa sayakorqachu. Pitaj paymanta dakunri? Payqa jallp'a patamanta qhechusqa karqa, aylluypa juchasninrayku wañuchisqa karqa.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Números 15:31

Chay runaqa palabrasniyta qhesachan, kamachisqasniyta mana junt'anchu. Chayrayku ayllusnin ukhumanta qhechusqa kanqa, juchan patapitaj wañonqa.

San Mateo 5:19

Pillapis kay kamachiykunamanta aswan juch'uy kajllatapis p'akinman, kikillantataj wajkunamampis yachachinman chayqa, janaj pacha reinopeqa ancha juch'uypaj qhawasqa kanqa. Ajinallatataj pillapis chay kamachiykunata ruwanqa, wajkunamampis maychus kasqanta yachachenqa chayqa, chaymá sumaj jatumpaj qhawasqa kanqa janaj pacha Diospa reinompeqa.

Hechos 23:3

Pablotaj nerqa Ananiasman: Yurajchasqa perqa, qantapis Diosqa jinch'asonqa! Qanqa chaypi tiyashanki, leyman jina juzganawaykipaj. Kunantajchu leyta p'akispa jinch'achiwanki?

Romanos 3:20

Leypa kamachisqasninta ruwasqanrayku, mana pipis Diospa ñaupaqempi salvasqachu kanqa; leynejta juchaqa rejsichikun.

Romanos 4:15

Moisespa leynenqa phiñakuyta apamun; maypichus mana ley kanchu chayqa, manallataj ley p'akiypis kanchu.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.

Santiago 5:15

Creespa mañasqanku onqosqata thañichenqa, Señortaj sayarichenqa; juchapi karqa chaypis, juchan pampachasqa kanqa.

1 Juan 5:17

Tukuy mana cheqan kajta ruwayqa jucha. Chaywampis, tiyallantaj wañuyman mana apaj jucha.

1 Samuel 15:24

Chaypacha Saulqa Samuelman nerqa: Arí juchallini, Señorpa kamachisqasninta, niwasqaykitawan mana kasuta ruwaspa. Chaytaqa ruwarqani runasta manchachikuspa, imatachus mañawasqankuta uyarinayrayku.