1 Juan 3:22 - Qheshwa Biblia DC

²² Imallatapis Diosmanta mañakusunchej chayqa, paymanta jap'isunchej; imaraykuchus kamachisqasninta junt'anchej, paypa munasqantataj ruwanchej.

DIOSPA QHELQACHISQAN DEUTEROCANONICAL

²² Jinallataj Diosqa tukuy mañakusqanchejta qowasunchej, imaraykuchus kamachisqanta kasunchej, jinataj imachus payta kusichin, chaytapis ruwanchej.

DIOSPA QHELQACHISQ

²² Jinallataj Diosqa tukuy mañakusqanchejta qowasunchej, imaraykuchus kamachisqanta kasunchej, jinataj imachus payta kusichin, chaytapis ruwanchej.

Quechua South Bolivia: Dios Parlapawanchej

²² Paymantataj tucuy mañacuskanchejta jap'inchej camachiwaskanchejta casuskanchejraycu payta cusichinanchejpaj ruwaspa.

1 Juan 3:22 Iomraidhean Croise

Job 22:26

Tukuy Atiyniyojqa kusiyniyki kanqa, jinamanta mana p'enqakuspa Diosta qhawarinki.

Salmos 10:17

Señor, qan jap'inki llamp'u sonqo runaspa mañakusqankuta. Qan paykunata kallpachanki uyarinkitaj.

Salmos 34:4

Señorta qhaparikorqani, paytaj uyariwarqa. Tukuy manchachikuykunasniymanta pay librawarqa.

Salmos 50:15

Llakiy p'unchaypi wajyakuway, noqa librasqayki, qantaj jatunchawanki.

Proverbios 15:29

Sajra runamanta Señorqa karunchakun; cheqan runaspa mañakusqankutarí, tukuy sonqo uyarin.

Proverbios 28:9

Sichus pipis Diospa kamachisqanta mana uyarinchu chayqa, Diospis willachikuspa, manallataj chay runaj mañakusqantaqa uyarenqachu.

Isaías 1:15

Qankuna mañakunaykichejpaj makisniykichejta oqharejtiykichej, mana qhawarisqaykichejchu; ashkha kutitapis mañakuychej, noqaqa mana uyarisqaykichejchu, imaraykuchus makisniykichejqa yawarwan may ch'ichichasqa.

Jeremías 33:3

Mañakuway, uyarisqaykitaj, willasqaykitaj jatuchaj imasta, mana yachasqayki imastataj yachachisqayki.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

San Mateo 21:22

Creespatajchus tukuy imata mañakuwajchej chayqa, mañakusqaykichejta jap'inkichej.

Marcos 11:24

Chayrayku noqa niykichej: Diosmanta imatapis mañakuspaqa, creeychej jap'inaykichejta, jamusonqachejtaj.

San Juan 14:13

Imatachus Dios Tatamanta sutiypi mañakunkichej, chayta noqa ruwasaj, Dios Tata Churinnejta jatunchasqa kanampaj.

San Juan 15:10

Kamachisqasniytachus waqaychankichej chayqa, munakuyniypi kakunkichej; imaynatachus noqapis Tataypa kamachisqasninta waqaychani, munakuynimpitaj kashani ajinata.

San Juan 15:7

Noqapichus kakuwajchej, palabrasniytaj qankunapi kanman chayqa, tukuy munasqaykichejta mañakuychej, jap'inkichejtaj.

San Juan 6:29

Jesustaj paykunaman kuticherqa: Kaymin Diospa ruwaynenqa; kachamusqan Churimpi creenaykichej.

San Juan 8:29

Kachamuwaj Tatayqa noqawan kashan, mana sapayta saqerpayawanchu. Paypa munaynillanta ruwani.

San Juan 9:31

Allinta yachaychej, Diosqa juchasapasta mana uyarisqanta. Pichus Diosta yupaychan, munaynintataj ruwan, chayta pay uyarin.

Hechos 17:30

Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta.

Hechos 20:21

Ajinallatataj judiosman, griegosmampis sut'inta willarqani Diosman kutirinankuta, Señorninchej Jesucristopitaj creenankuta.

Filipenses 4:18

Noqaqa tukuy imata jap'erqaniña. Ashkhaña kapuwan. Junt'asqa kani. Epafroditomanta jap'erqani apachimuwasqaykichejta, k'acha q'apayniyojta jina, allin rikuchikuta jinataj, Diospajtaj allin qhawasqata.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.

Santiago 4:3

Mañakunkichej chaypis, mana jap'inkichejchu, imaraykuchus mana allintachu mañakunkichej sajra kusikuykunapi usuchinaykichejpaj.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

1 Juan 2:3

Diospa kamachisqasninta kasusqanchejpi yachanchej payta rejsisqanchejta.

1 Juan 5:14

Kaytaj Diospi suyakuyninchejqa. Munayninman jinachus imallatapis mañakusunman chayqa, pay uyariwanchej.