1 Juan 3:2 - Qheshwa Biblia DC

² Munakusqasníy, kunanqa Diospa wawasnin kanchej, chaywampis, manaraj sut'ichu imaynachus kananchejqa. Yachanchejtaj, Jesucristo rikhurimojtin payman rijch'akunanchejta, imaraykuchus payta rikusunchej maychus kasqanta jina.

DIOSPA QHELQACHISQAN DEUTEROCANONICAL

² Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

DIOSPA QHELQACHISQ

² Munasqa wawqe panaykuna, noqanchejqa Diospa wawankunaña kanchej. Chaywanpis aswan qhepanejman imaynachus kananchejta Dios mana rikuchiwanchejrajchu. Jinapis Jesucristo rikhurimojtin, pay jina kananchejta yachanchej, imaraykuchus payta imaynachus kasqanta rikusunchej.

Quechua South Bolivia: Dios Parlapawanchej

² Munacuskasníy, cunanka Diospa wawasnin canchej. Manataj yachanchejrajchu imaynachus khepata casunchej tucuy chaytaka. Astawanpis Jesucristo riqhurimojtinrí payjina cananchejta yachanchej. Imaraycuchus pay quiquinta ricusunchej payjinallataj casunchej.

1 Juan 3:2 Iomraidhean Croise

Job 19:26

Kay aychay chhikan chhikan t'akakuspa urmaqashajtimpis, noqa kikiy Diosta rikusaj.

Salmos 16:11

Kausayman pusaj ñanta rikuchiwanki. May jatun kusikuy tiyan ñaupaqeykipi, qanwanqa wiñaypaj sonqo qhallallariy tiyan.

Salmos 17:15

Noqaqa cheqamanta kusisqa qhepakusaj, uyaykita qhawarispa, rijch'ayniykipi rijch'arisqa rikukuspa.

Salmos 31:19

Jatunchasojkunapaj may jatunmin munakuyniykeqa, sumaj waqaychasqata qolqeta jina jallch'anki runaj rikunanta, qampi atienekojkunaman qonki.

Isaías 56:5

noqa wasiypi uj cheqata qosaj, perqaswan muyuykuchisqata, churismanta, ususismantapis aswan sumaj sutita qosaj. Chay sutitaqa wiñaypaj qosaj ama jayk'aj chinkanampaj. Karu llajtayojkuna Señorta qhatejkunaman, Señorpa sutinta munakojkunaman, samakuna p'unchayta sumajta waqaychajkunaman, trato ruwasqayta mana p'akejkunaman ima, noqa paykunata Santo orqoyman pusasaj, Diosmanta mañakuna wasiypi paykunata kusichisaj, uywa wañuchisqankuta ruphachinankupaj altarniyman apamusqankutaqa jap'isaj. Waseyqa Diosmanta mañakuna wasi sutichasqa kanqa tukuy aylluspaj.

Malaquías 3:2

Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

San Mateo 5:8

Kusikuyniyoj kanku llimphu sonqoyojkunaqa, imaraykuchus paykunaqa Diosta rikonqanku.

San Lucas 17:30

Ajinallataj kanqa Runaj Churin rikhurimonqa chay p'unchaypi.

San Lucas 20:36

Manañataj wañonqankuchu. Paykunaqa ángeles jinallaña Diospa wawasnin kanqanku, wañusqakunamanta kausarimusqankurayku.

San Juan 1:12

Sutimpi creespa, tukuy payta recibejkunaman atiyta qorqa, Diospa wawasnin kanankupaj.

San Juan 11:52

Mana chay ayllunraykullachu wañunan karqa, astawanqa, Diospa wawasnin tukuynejpi ch'eqerasqas kajkunata ujllaman tantaykunampaj.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Romanos 8:16

Chay kikin Diospa Espiritullantaj, espiritunchejwan willanku Diospa wawasnin kasqanchejta.

Romanos 8:18

Cheqamanta kay p'unchaypi ñak'ariykunaqa, noqapaj mana imachu, nitaj kikinchakuyta atinkumanchu, chay janaj pacha jamoj k'anchaywan, chaytaj noqanchejpi rikuchikonqa.

Romanos 8:19

Mundontin anchatapuni suyashan Diospa wawasnin k'anchaypi rikuchisqas kanankuta.

Romanos 8:29

Pikunatachus Dios ñaupajmantapacha rejserqa chaykunata, qallariypi ajllarqa Churinman rijch'akunankupaj; ajinapi Churenqa ashkha hermanos ukhupi kuraj kaj kanampaj.

1 Corintios 13:12

Kunanqa rikunchej espejopi jina chharpullata; qhepamantaj uyapura rikunakusunchej maychus kajta. Kunanqa wakillantaraj rejsini, qhepamantaj allinta rejsisaj, imaynatachus Dios noqata rejsiwan ajinata.

1 Corintios 15:49

Imaynatachus rijch'akunchej jallp'amanta ruwasqa runaman, kikillantataj rijch'akusunchej janaj pacha runaman.

1 Corintios 2:9

Imaynachus escribisqapi kasqanman jina: Imatachus ñawi mana rikorqachu, nitaj ningri uyarerqachu, nillataj sonqonkupi yuyarqankuchu, chaykunatataj Dios wakicherqa payta munakojkunapaj.

2 Corintios 3:18

Chayrayku tukuy noqanchej qhawashanchej uya qhatarasqa uj espejopi jina, Señorpa lliphipiyninta. Noqanchejpis k'anchaymanta k'anchayman, kikin rijch'ayninman tukunchej Señorpa Espiritunman jina.

2 Corintios 4:17

Kunanqa pisilla ñak'areyqa. Kay kausayniykutaj usqhayta tukukun. Chay ñak'ariytaj apamuwayku wiñay kusiyta, astawan jatunta, ashkhatataj.

Gálatas 3:26

Chayrayku tukuyniykichej Diospa wawasnin kankichej, Jesucristopi creesqaykichejrayku.

Gálatas 4:6

Wawasninña kajtiykichejtaj, Diospa Churimpa Espiritunta sonqoykichejman kachamorqa. Espiritutaj mañakun: Tatáy, nispa.

Filipenses 3:21

Paytaj kay k'umuykukusqa cuerponchejta waj jinaman tukuchenqa, kikin paypa lliphipej cuerponman jina. Chay kikin atiyllawantaj tukuy imasta kamachiynimpa uranman churanqa.

Colosenses 3:4

Cristo kausayniykichej kasqanta rikuchikojtin, chaypacha qankunapis paywan jatun lliphipej k'anchaynimpi rikuchisqasllataj kankichej.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

2 Pedro 1:4

Chay imasnejta Dios niwanchej, qhapaj, jatuchaj imasta qonawanchejta; chay qosqaykichej nisqanejta, qankuna Diospa kayninta chayaqepaj jap'inaykichejta; chantá, kay mundoj millay kausayninmanta ayqenaykichejpaj, aychaj sajra munayninmanta ima.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.

1 Juan 2:7

Munakusqasníy, mana mosoj kamachiytachu escribimuykichej. Ñaupa kaj kamachiyllata escribimuykichej, mayqentachus qallariymanta jap'erqankichej. Kay ñaupa kamachisqayqa Diospa palabran; chaytataj uyarerqankichejña.

1 Juan 3:1

Qhawariychej, may jinatapunichus Dios Tata munakuwarqanchej, Diospa wawasnin sutichasqas kananchejpaj; cheqamanta ajina kanchej. chayrayku, kay pachapi runakuna mana rejsiwanchejchu, Diosta mana rejsisqankurayku.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

1 Juan 3:21

Munakusqasníy, sonqonchejchus mana k'amiwanchej chayqa, tukuy suyayninchej Diospi kashan.

1 Juan 5:1

Pillapis Jesusqa Cristo kasqanta creen chayqa, Diospa wawan. Pillapis tatanta munakojqa, wawantapis munakullantaj.

Apocalipsis 2:28

Paymantaj paqarimuy ch'askata qosaj.

Apocalipsis 22:4

Uyanta rikonqanku, sutintaj frentesninkupi kanqa.