1 Juan 3:13 - Qheshwa Biblia DC

¹³ Wauqesníy, kay pachapi sajrata kausajkunachus chejnisunkichejman chayqa, ama t'ukuychejchu.

DIOSPA QHELQACHISQAN DEUTEROCANONICAL

¹³ Wawqe panaykuna, sichus Diosman mana kutirikojkuna chejnisunkichej chayqa, ama t'ukuychejchu.

DIOSPA QHELQACHISQ

¹³ Wawqe panaykuna, sichus Diosman mana kutirikojkuna chejnisunkichej chayqa, ama t'ukuychejchu.

Quechua South Bolivia: Dios Parlapawanchej

¹³ Hermanosníy, ama t'ucuychejchu cay pacha runas chejnisojtiyquichejka.

1 Juan 3:13 Iomraidhean Croise

Proverbios 29:27

Cheqan sonqoyoj runasqa sajra runasta mana rikuyta munankuchu, kikillantaj sajra runapis cheqan kaj runasta mana rikuyta munankuchu.

Eclesiastés 5:8

Sichus may naciompi wajchasta ñak'arichejta rikunki, cheqan kajtapis mana kajman tukuchejta, jinallataj cheqanchaypis mana kajtenqa, ama chaykunamanta mancharikunkichu. Paytaqa uj kuraj kaj qhawamushan, paytataj uj aswan kuraj kajñataj qhawamushan, paytapis aswan kuraj kaj patamanta qhawamushallantaj.

San Mateo 10:22

Noqarayku tukuy runas chejnisonqachej. Pichus tukukuykama, sumajta sayanqa, chay salvasqa kanqa.

San Mateo 24:9

Chaymantataj ñak'arichisonqachej, wakintataj wañuchisonqachej. Ajinata tukuy runaj chejnisqan kankichej, noqaj sutiyrayku.

Marcos 13:13

Noqarayku tukuy runaspa chejninan kankichej. Pichus tukukuykama sinch'ita sayajtaj, salvasqa kanqa.

San Lucas 21:17

Tukuypa chejninantaj kankichej noqaj sutiyrayku.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

San Juan 16:2

Sinagogasmanta wijch'usonqanku; hora qayllamushanña maypachachus pillapis qankunata wañuchispa yuyanqa Diospaj allinta ruwashasqanta.

San Juan 16:33

Kay tukuy imasta niykichej, noqapi sonqo tiyasqas kanaykichejpaj. Mundopeqa ñak'arinaykichej tiyan; chaywampis sonqochakuychej, imaraykuchus mundota noqa atipaniña.

San Juan 17:14

Palabraykita paykunaman willarqani; mundotaj paykunata chejnerqa, imaraykuchus paykuna mana mundojtachu kanku, noqapis manallataj mundojtachu kani.

San Juan 3:7

Ama t'ukuychu nisusqaymanta: Watejmanta nacinayki tiyan, nispa.

San Juan 7:7

Kay mundopi kajkunaqa, qankunata mana chejnisunkichejmanchu. Noqatarí chejniwanku, sajra ruwasqasninkuta paykunaman rikuchisqayrayku.

Hechos 3:12

Pedrotaj chayta rikuspa paykunaman nerqa: Israelitas, imaraykutaj kay jinata t'ukushankichejri? Imaraykutaj kay jinatapuni qhawawaykuri? Ichapis qankunaqa yuyashankichej, atiyniykuwan, chayrí Diosta yupaychaj runas kasqaykurayku kay runata puririchisqaykuta.

Romanos 8:7

Chayrayku aychaj sajra yuyaynenqa Diospa contrampi; imaraykuchus Diospa leyninwan mana kamachichikunchu, nitaj kasuyta atinchu.

2 Timoteo 3:12

Ajinallatataj, tukuy Cristo Jesuspi Diosta yupaychajkunaqa ñak'arinankupuni tiyan qhatiykachasqas kaspa.

Santiago 4:4

Uyariychej, qhenchachakoj runas, manachu yachankichej kay mundowan kausajqa Diospa contran kasqanta? Pillapis kay mundoj kausaqen kayta munan chayqa, Diospa enemigon.

Apocalipsis 17:7

Angeltaj niwarqa: Imaraykutaj t'ukunki? Chay warmimanta pakasqa yachayta willasqayki, warmita apamoj phiña animalmantawan, mayqenchus qanchis umayoj, chunka wajrayojtaj.