1 Juan 3:1 - Qheshwa Biblia DC

¹ Qhawariychej, may jinatapunichus Dios Tata munakuwarqanchej, Diospa wawasnin sutichasqas kananchejpaj; cheqamanta ajina kanchej. chayrayku, kay pachapi runakuna mana rejsiwanchejchu, Diosta mana rejsisqankurayku.

DIOSPA QHELQACHISQAN DEUTEROCANONICAL

¹ Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

DIOSPA QHELQACHISQ

¹ Reparaychej may jinatapunichus Tata Dios munakuwasqanchejta, Diospa wawankuna nisqa kananchejpaj. Jinapunitaj Diospa wawankuna kanchej. Diosman mana kutirikojkunarí mana Diospa wawankunapajchu rejsiwanchej, Diosta mana allinta rejsisqankurayku.

Quechua South Bolivia: Dios Parlapawanchej

¹ Reparaychej may t'ucuna munacuywan Tatanchej Dios munacuwaskanchejta. Ajinapi paypa wawasnin sutichaskas canchej. Chekatapunitaj paypa wawasnin canchej. Jesucristopi mana jap'icojcunarí nokanchejta mana Diospa wawasninpajchu rejsiwanchej, Cristota mana rejsiskancuraycu.

1 Juan 3:1 Iomraidhean Croise

2 Samuel 7:19

Qanmanqa pisimanraj rijch'asunki kay tukoyqa, qanqa kamachiykej jamoj mirayninmantapis parlallankitaj! Mana pipis qan jina ruwajqa kanchu Señor!

Salmos 31:19

Jatunchasojkunapaj may jatunmin munakuyniykeqa, sumaj waqaychasqata qolqeta jina jallch'anki runaj rikunanta, qampi atienekojkunaman qonki.

Jeremías 3:19

Israel, noqa qanta wawaypaj jina jap'ikapuyta yuyarqayki, sumaj moq'ena jallp'ata qonasuypaj; tukuy kay pachapi jallp'asmanta aswan k'acha jallp'ata. Noqa yuyarqani tatáy ninawaykita, manataj jayk'ajpis noqamanta karunchakunaykita.

Oseas 1:10

Uj p'unchaypeqa mar qochaj t'iyun jina mana yupay atina kanqanku israelitasqa, ni pi midiyta nitaj yupayta atenqachu. Diosqa manaña llajtaychu kankichej, ninasuykichejtaqa, qankunaqa kausaj Diospa wawasnin kankichej, nisonqachejñataj.

San Lucas 20:36

Manañataj wañonqankuchu. Paykunaqa ángeles jinallaña Diospa wawasnin kanqanku, wañusqakunamanta kausarimusqankurayku.

San Juan 1:12

Sutimpi creespa, tukuy payta recibejkunaman atiyta qorqa, Diospa wawasnin kanankupaj.

San Juan 11:52

Mana chay ayllunraykullachu wañunan karqa, astawanqa, Diospa wawasnin tukuynejpi ch'eqerasqas kajkunata ujllaman tantaykunampaj.

San Juan 15:21

Chay tukuy imasta ruwasonqachej sutiyrayku, imaraykuchus kachamuwajniyta mana rejsinkuchu.

San Juan 16:3

Chayta ruwanqanku, imaraykuchus Dios Tatata, noqatapis mana rejsiwaykuchu.

San Juan 17:25

Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

San Juan 3:16

Diosqa chay jinatapuni mundota munakusqanrayku, uj k'ata Churinta qorqa. Ajinamanta pillapis paypi creejqa, mana chinkayman renqachu; astawanqa wiñay kausayniyoj kanqa.

Romanos 5:8

Chay tukuywampis Dios munakuyninta rikuchiwanchej, juchasapasllaraj kashajtinchej, Cristoqa wañorqaña noqanchejrayku.

Romanos 8:19

Mundontin anchatapuni suyashan Diospa wawasnin k'anchaypi rikuchisqas kanankuta.

Romanos 8:21

Mundopis ismuypa kamachiyninmanta kacharisqa kanqa, Diospa kacharisqa wawasninwan k'anchaypi kanampaj.

Romanos 8:32

Diosqa uj k'ata Churinta mana mich'akuspa qorqa tukuyninchejrayku wañunampaj. Chantá, imaraykutaj mana qowasunmanchu Churinwan khuska tukuy imata?

2 Corintios 6:18

Noqataj qankunaj tataykichej kasaj, qankunataj qhari wawasniy, warmi wawasniytaj kankichej, ajinata nin Tukuy Atiyniyoj Señor.

Gálatas 3:26

Chayrayku tukuyniykichej Diospa wawasnin kankichej, Jesucristopi creesqaykichejrayku.

Gálatas 3:29

Sichus qankuna Cristojta kankichej chayqa, cheqamanta Abrahampa miraynin kankichej, chayaqetataj jap'inkichej Diospa qosaj nisqanman jina.

Deuteronomio 14:1

Qankunaqa Señor Diosniykichejpa wawasnin kankichej. Ukhusniykichejta ama khuchukunkichejchu, nitaj piniykichej wañupojtimpis chujchasniykichejta umaykichejpa ñaupaqenmanta ruthunkichejchu.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

1 Juan 3:2

Munakusqasníy, kunanqa Diospa wawasnin kanchej, chaywampis, manaraj sut'ichu imaynachus kananchejqa. Yachanchejtaj, Jesucristo rikhurimojtin payman rijch'akunanchejta, imaraykuchus payta rikusunchej maychus kasqanta jina.

1 Juan 4:17

Kay jinamanta munakoyqa noqanchejpi junt'akun, tukuy sonqo juicio p'unchaypi kananchejpaj. Imaynatachus pay kashan, ajinata noqanchejpis kay pachapi kashanchej.

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.