1 Juan 2:8 - Qheshwa Biblia DC

⁸ Chaywampis, uj mosoj kamachisqayta escibimuykichej. Chaytaj cheqamin Jesucristopi, ajinallataj qankunapipis. Laqhaqa chinkaripun, cheqa k'anchaytaj lliphipimunña.

DIOSPA QHELQACHISQAN DEUTEROCANONICAL

⁸ Chaywanpis, kay kamachisqaqa mosoj. Jesusqa kay kamachisqata kasuspapuni purerqa, jinallatataj qankunapis purishankichej, imaraykuchus kawsayniykichejpi laqhaqa chinkapushanña, cheqa k'anchaytaj k'anchashanña.

DIOSPA QHELQACHISQ

⁸ Chaywanpis, kay kamachisqaqa mosoj. Jesusqa kay kamachisqata kasuspapuni purerqa, jinallatataj qankunapis purishankichej, imaraykuchus kawsayniykichejpi laqhaqa chinkapushanña, cheqa k'anchaytaj k'anchashanña.

Quechua South Bolivia: Dios Parlapawanchej

⁸ Wajjinamantarí camachiskaka mosoj cashan mosoj causayta causashaskayquichejraycu. Cristoka chay munacuyta camachiskamanjina causan. Kancunapis ajinallatataj causanquichej. Arí, cayka yachacun Dioswan churanacoj cajcunaka chincapushaskancuraycu. Imaynatachá c'anchay lakhayajta chincarichin ajinata. Cristoj cheka palabrantaj willaraska caspa uj c'anchayjina c'anchaycun runaj sonkonman.

1 Juan 2:8 Iomraidhean Croise

Salmos 27:1

Señorqa k'anchawajniy, salvawajniytaj. Pimantataj manchachikuymanri? Señorqa kausayniyta jark'awan.

Salmos 36:9

Qampi kausay yaku pujyoqa kashan. K'anchayniykipitaj k'anchayta rikuyta atiyku.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Isaías 9:2

Laqhapi purej runasqa, rikunku jatun k'anchayta; laqhayaypi tiyakoj runasmantaj k'anchaykamun.

Malaquías 4:2

Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

San Mateo 4:16

Laqhapi tiyakoj runas rikorqanku uj jatun k'anchayta. Wañuy llanthu cheqapi tiyakojkunamampis uj k'anchay paqarimorqa.

San Lucas 1:79

Jamorqa laqhapi tiyakojkunata k'anchanampaj, wañuy llanthupi kajkunatapis; purinasninchejta cheqanchaspa, sonqo tiyakuyta qonawanchejpaj.

San Juan 1:9

Cheqa k'anchayqa, kay pachapi tukuy runasman k'anchanampaj jamorqa.

San Juan 12:35

Chantá paykunaman kuticherqa: Pisi p'unchaytawanraj k'anchayqa qankunawan kashan. K'anchaypi puriychej, laqha ama taripasunaykichejpaj; laqhapi purejqa, mana yachanchu maymanchus rishasqanta.

San Juan 12:46

Noqa k'anchay kani. Kay mundoman jamorqani, tukuy noqapi creejkuna ama laqhallapipuni kanankupaj.

San Juan 13:34

Uj mosoj kamachiyta qoykichej: Purajmanta munanakunaykichejta. Imaynatachus noqa munakorqaykichej, ajinallatataj qankunapis purajmanta munanakuychej.

San Juan 8:12

Jesús uj kutitawan runasman parlallarqataj: Noqa kay pachaj k'anchaynin kani; pillapis noqata qhatikuwajqa, mana laqhapi purenqachu, astawanqa kausay k'anchayniyoj kanqa.

Hechos 17:30

Ñaupajta runakuna mana Diosta rejsiyta atisqankuta, Diosqa qonqayman churarqa. Kunantajrí, Dios tukuynejpi runakunata wajyan payman kutirinankuta.

Romanos 13:12

Tutaqa tukukapushanña, p'unchaytaj qayllamushan. Chayrayku amaña ruwanachu laqhayaypa ruwanasninta, astawanqa Diospa k'anchaynimpa maqanakunasninwan p'achallikuna.

2 Corintios 8:9

Ña rejsinkichejña Señorninchej Jesucristoj khuyakuyninta. Qhapaj kashaspa qankunata munakuspa wajchaman tukorqa. Chay wajcha kayninwantaj qankunata qhapajyachisorqachej.

Efesios 5:8

Ñaupajtaqa laqhapi karqankichej, kunanrí Señorpi k'anchay kankichej. Puriychejtaj k'anchaypa wawasnin jina.

2 Timoteo 1:10

Kunantaj khuyakuynenqa rikuchisqa Salvawajninchej Jesucristoj rikhurimusqanrayku. Pay wañuyta qhechorqa, kausaytataj sut'iman orqhorqa, evangelionejta manaña wañuy kanampaj.

1 Pedro 1:21

Paynejta Diospi creenkichej. Paytaj Cristota wañusqakunamanta kausarichispa jatuncharqa; ajinamanta feniykichej suyayniykichejpis, Diospi kanampaj.

1 Juan 3:23

Kaymin Diospa kamachiynenqa: Jesucristo Churimpa sutimpi creespa, ujkuna ujkunawan munanakunanchej, kamachiwasqanchejman jina.

1 Juan 4:11

Munakusqasníy, chay jinatachus Dios munakuwarqanchej chayqa, noqanchejpis purajmanta munanakunachej.

1 Juan 4:21

Jesucristoqa kay kamachiyta qowarqanchej: Diosta munakojqa, wauqentapis munakullachuntaj.