1 Juan 2:25 - Qheshwa Biblia DC

²⁵ Kaymá chay wiñay kausayqa, mayqentachus kikin Jesucristo nerqa qonawanchejta.

DIOSPA QHELQACHISQAN DEUTEROCANONICAL

²⁵ Chaymá chay wiñay kawsayqa, mayqentachus kikin Jesucristo qonawanchejta nerqa, chay.

DIOSPA QHELQACHISQ

²⁵ Chaymá chay wiñay kawsayqa, mayqentachus kikin Jesucristo qonawanchejta nerqa, chay.

Quechua South Bolivia: Dios Parlapawanchej

²⁵ Caytataj Jesucristo palabranpi sumajta niwarkanchej: “Wiñay causayta koskayquichej”.

1 Juan 2:25 Iomraidhean Croise

Daniel (hebreo) 12:2

Jallp'aj sonqompiña puñojkunamanta ashkhas rijch'arimonqanku, ujkunaqa wiñayta kausanankupaj, wakinkunataj, wiñaj p'enqaypi, wiñay phutiypitaj kanankupaj.

San Juan 10:28

Noqa paykunaman wiñay kausayta qoni; manataj jayk'ajpis chinkanqankuchu, makisniymantapis mana pipis qhechuwanqachu.

San Juan 12:50

Yachanitaj paypa kamachiynenqa, wiñay kausay kasqanta. Chayrayku, imatachus parlaspaqa, Tataypa niwasqanman jina parlani.

San Juan 5:39

Escriturasta allinta qhawaychej, imaraykuchus qankunamanqa rijch'asunkichej, Escriturasnejta wiñay kausayta tarinaykichej kasqanta. Chay Escriturastaj noqamanta willashanku.

San Juan 6:27

Llank'aychej ari, wiñaypaj kaj t'antarayku, ama ari tukukoj t'antaraykullaqa. Chaytaqa Runaj Churillan qosonqachej; paytaqa Dios Tata ajllarqa.

San Juan 6:40

Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

San Juan 6:47

Cheqamanta, cheqamanta niykichej: Pillapis noqapi creejqa, wiñay kausayniyoj.

San Juan 6:54

Pillapis aychayta mikhoj, yawarniytataj ujyajqa, wiñay kausayniyojña; noqataj payta kausarichisaj qhepa p'unchaypi.

San Juan 6:68

Simón Pedrotaj kutichispa nerqa: Pimantaj riykumanri? Qampallata tiyapusunki wiñay kausay palabra.

Romanos 2:7

Allinta ruwaspa sayajkunaman wiñay kausayta qonqa; pikunachus mask'anku janaj pacha k'anchayta, jatun kayta, mana jayk'aj wañuyta ima.

Romanos 5:21

Chayqa karqa imaynatachus jucha atiyniyoj karqa wañuy kanampaj, ajinallatataj Diospa khuyakuynimpis atiyniyoj kanqa, cheqan kajnejta wiñay kausaypaj Señorninchej Jesucristonejta.

Romanos 6:23

Juchaj pagonqa wañuymin, Diospa regalonrí wiñay kausay, Cristo Jesús Señorninchejpi.

Gálatas 6:8

Aychapaj tarpojqa, aychamanta wañuyta jap'enqa. Pichus Espiritupaj tarpojtaj, Espiritumanta wiñay kausayta jap'enqa.

1 Timoteo 1:16

Chayrayku payqa khuyakuyninrayku jap'ikapuwarqa, Jesucristo noqapiraj tukuy munakuyninta ñaupajta rikuchinampaj, pillapis chayta rikuspa paypi creenampaj, wiñay kausayniyojtaj kanampaj.

1 Timoteo 6:12

Sumajta maqanakuy ferayku, wiñay kausaymanta jap'iykukuy, chaypaj qanqa wajyasqa karqanki, tukuy rikushajtin Señorta sonqoykipi jap'ikusqaykirayku.

1 Timoteo 6:19

Ajinapi paykuna kikinkupaj kapuykunata tantachunku jamoj p'unchaykunapaj, wiñay kausaymanta mana kacharikuspa.

Tito 1:2

Wiñay kausay suyaypi, mayqentachus mana llullakoj Dios qosqaykichej nerqa, manaraj kay mundo ruwasqa kashajtin.

Tito 3:7

Diospa khuyakuyninrayku cheqan runas kanchej, chayaqeta jap'inanchejpaj wiñay kausayta suyasqanchejman jina.

1 Juan 1:2

Kay kausayta qojtaj rikuchikorqa. Noqaykutaj payta rikorqayku. Ajinamanta, qankunaman wiñay kausaymanta willamuyku, rejsichimuykutaj. Chay wiñay kausayqa Dios Tatapi karqa, noqaykumantaj rikuchikuwarqayku.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

Judas 1:21

Diospa munakuynimpi waqaychakuychej, Señor Jesucristoj khuyakuyninta suyaspa, wiñay kausayta jap'inaykichejpaj.