1 Juan 1:9 - Qheshwa Biblia DC

⁹ Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

DIOSPA QHELQACHISQAN DEUTEROCANONICAL

⁹ Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

DIOSPA QHELQACHISQ

⁹ Juchanchejtachus Diosman rimarinchej chayrí, payqa nisqanta junt'aj, cheqantaj kasqanrayku juchanchejta pampachanqa. Jinallataj payqa tukuy millay ruwasqanchejmantapis llimphuchawasunchej.

Quechua South Bolivia: Dios Parlapawanchej

⁹ Juchasninchejta Diosman sut'ita willacusunman chayrí, juchasninchejta khechuspa konkapun payman allinyaskas cananchejpaj. Imaraycuchus payka chekan, niskantataj junt'ajpunimin. Tucuy sajra cayninchejmanta mana allin ruwaskasninchejmantapis llimphuchawashanchej.

1 Juan 1:9 Iomraidhean Croise

1 Reyes 8:30

Uyariy ari, kay kamachiykej mañakusqanta, Israel llajtaykejtapis, kay cheqapi mañakojtinu, janaj pachapi tiyakunki chaymantapacha uyariwayku perdonawaykutaj.

1 Reyes 8:47

Paykunataj maypichus presos kasqankupi sonqonkupi yuyarikunkuman, chantá qanman kutirikamusunkuman, chaypitaj mañakuspa nisunkuman: Noqayku juchalliyku, mana allin kajta ruwayku, juchayojpuni kayku, nispa.

Nehemías 1:6

Kunanqa mañayki uyarinawaykita kay tuta p'unchay kay mañakamususqayta, kamachisniyki israelitasmanta khuyakunaykita. Yachakuyku noqayku israelitasqa contraykipi juchallisqaykuta. Ayllusniypis, noqa kikiypis juchallillaykutaj.

Salmos 19:12

Pitaj juchasninmanta reparakuyta atinmanri? Perdonaway, Señor, pakaypi kaj juchasniymanta.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Éxodo 34:7

Khuyakuyninwan waranqa waranqa runasta juchasninta pampachan munakuyninwan, jinallataj tukuy sajra kayninkuta, mana allin puriyninkuta, juchasninkuta ima. Chantaqa mana qhawallanchu tataspa jucha ruwasqasninkuta, payqa jasut'impuni, wawasninkupi, chaymanta aswan qhepaman wawasninkupipis kinsa mitakama, chayri tawa mitakama.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Isaías 45:21

Qankuna allinta parlaychej, ruwasqasninkuta rikuchiychej, munankichej chayqa ujkuna ujkuna tapunakuychej: Pitaj qallariymantapacha kay imasta ruwarqari? Pitaj unaymantapacha kay imasta willanri? Manachu noqa Señor chay imastaqa willarqaykichej? Noqamanta astawan waj diosqa mana kanchu. Cheqan Diosqa, tukuy imata atipajqa, manapuni ujpis kanchu; noqalla kani.

Jeremías 3:13

Juchayoj kasqaykita reparakuy, Señor Diosniykita mana kasoj kasqaykita, mana rejsisqakunawan tukuy ch'ampa sach'as uraspi qhenchachakusqaykita, kamachiykunasniyta mana kasusqaykita ima. Noqa Señormin chayta nini.

Jeremías 33:8

Llimphuchasaj noqaj contraypi tukuy juchallisqankumanta, llimphuchasaj tukuy juchasta ruwasqasninkumanta, contraypi oqharikusqankuta ima pampachasaj.

Lamentaciones 3:23

Sapa paqarin mosojllapuni, qampa cheqan kayniykeqa mana tukukoj.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Ezequiel 37:23

Manañataj qhasi mana kaj dioskunapi ch'ichichakonqankuchu, ni millay puriyninkupi, nitaj sajra ruwayninkupipis, chaykunanejta juchallikorqanku. Noqa paykunata llimphuchasaj. Ajinamanta aylluy kanqanku, noqataj paykunaj Diosninku kasaj.

Zacarías 9:9

Siompi kaj llajta sinch'ita kusikuy! Jerusalén llajta, takiy kusiywan Reyniyki may justotaj atiyniyojtaj jamusunki, uj llamp'u sonqo jina burropi lloq'asqa. Chay burritoqa, china burroj uñan.

San Mateo 3:6

Juantaj juchasninkuta willakojtinku, Jordán mayupi bautizaj.

Marcos 1:5

Juanta uyarej jamorqanku, tukuy Judea jallp'amanta; Jerusalén llajtapi kajkuna ima. Bautizachikorqankutaj paywan Jordán mayupi juchasninkuta willakuspa.

San Lucas 22:57

Pedrotaj nerqa: Warmi, mana payta rejsinichu.

San Juan 17:25

Cheqan kaj Tatáy, mundoqa mana rejsisorqachu, noqataj rejsiyki, paykunataj yachankuña qan kachamuwasqaykita.

Hechos 19:18

Creejkunamantapis ashkhas jamuspa, tukuypa uyarinanta willakorqanku paykunapis ñaupajta sajra ruwasqankumanta.

Romanos 3:26

Kay p'unchaykunapi cheqan kayninta rikuchiyta munaspa, pay cheqan kaspa Jesuspi creejta cheqan runapaj qhawanampaj.

1 Corintios 1:9

Diosqa junt'ampuni nisqanta, payraykutaj wajyasqas karqankichej, Churin Jesucristo Señorninchejwan khuska kanaykichejpaj.

1 Corintios 6:11

Ajina karqankichej qankunamanta wakin; kunanrí mayllasqasña kankichej, juchamanta llimphuchasqasña, allinyasqastaj Señor Jesuspa sutinrayku, Diosninchejpa Espiritunnejta ima.

Efesios 5:26

Kayta Cristo ruwarqa juchamanta t'aqaspa, palabranwan mayllaspataj llimphucharqa yakuwan jina.

Deuteronomio 7:9

Chayrayku yachaychej ari, Señor Diosniykichejqa Pay sapallan Dios kasqanta. Yachallaychejtaj cheqan Dios kasqanta. Ima trato ruwasqantapis junt'asqanta may chhika miraykunaskama. Payta munakojkunaman, kamachiykunasnintataj junt'ajkunaman.

1 Timoteo 1:15

Kay palabraqa cheqamin, allintaj tukuy jap'inankupaj; Cristo Jesús kay pachaman jamorqa juchasapasta salvanampaj; chay juchasapasmantataj noqa aswan kuraj kani.

Tito 2:14

Pay kikin noqanchejrayku wañuyman rerqa, sajra kajmanta kacharichinawanchejpaj, llimphuchawanchejtaj paypa ayllun kananchejpaj, k'uchita tukuy imata allinta ruwanachejpaj.

Hebreos 10:23

Suyayninchejpa yachachiyninta sinch'ita jap'ina, mana iskayrayaspa, Diosqa junt'anmin qonan kasqanta.

Hebreos 11:11

Creesqanrayku kikin Sarapis, payaña kaspa mana wachakoj, wijsallikorqa kallpata jap'ispa; imaraykuchus payqa creerqa Dios imatachus qosaj nisqanta junt'ananta.

Hebreos 6:10

Diosqa cheqan kaspa, mana qonqapunchu ruwasqasniykichejmanta, munakuyta rikuchisqaykichejmanta sutinrayku. Qankunaqa ajllasqasta yanaparqankichej, kunampis yanapashallankichejpuni.

1 Juan 1:7

K'anchaypichus purisunman chayqa, imaynatachus Diospis k'anchaypi kashan, ajinata noqanchejpis, ujkuna ujkunawan uj sonqolla kausanchej. Diospa Churin Jesuspa yawarnintaj tukuy juchamanta pichawanchej.

Apocalipsis 15:3

Diospa kamachin Moisespa takiyninta, Corderoj takiynintawan takisharqanku, nispa: Ancha jatuchaj, t'ukunapajtaj ruwasqasniykeqa, Señor Dios, Tukuy Atiyniyoj. Cheqantaj, cheqataj kanku ñankunasniykeqa. Qanqa tukuy laya runaspa Reynin kanki.