Tito 3:3 - Dios Rimashca Shimicunami

³ Ñucanchijpish ñaupaca yuyai illajcuna, mana cazujcuna, chingarishcacuna, aichata cushichingapaj tucui shina ruranacunapi huatashcacunami carcanchij. Millai shungucuna, shujtajpaj charishcata munajcuna, shujtajcuna p'iñashcacuna, caishujmanta chaishujmanta p'iñanacujcunami carcanchij.

Mushuj Testamento Diospaj Shimi

³ Ñucanchijpish ñaupaca chʼahuanyashcacuna, cʼariyajcuna, chingarishcacuna, millai mapa munaillahuan aichata cushichina yuyaillahuan huatashcami causaj carcanchij. Shujtajcuna shina casha nishpa, uraman janajman pʼiñashca, caishuj chaishujhuanpish pʼiñanacushpa, imatapish millaillata rurashpami causarcanchij.

Tito 3:3 Iomraidhean Croise

GÉNESIS 38:9

Onanca pai charishca huahua huahuacunaca mana paipaj quiquin huahua huahuacuna cana cajpimi, paipaj huañuj huauquipaj huarmipi chayarishpaca paipaj huauquipaj huahua huahuacunaca paillamanta ama tiyachun nishpa pamballapi shutuchij carca.

GÉNESIS 39:16

Paipaj cusa shamungacamami Josepaj churanataca paipaj c'uchupi charicurca.

SALMOS 36:2

Paica alli nishcami cana cani yuyanmi. Pai millaita rurashcataca mana ricurinchu. Paipaj juchaca mana ricuringachu yuyanmi. Paitaca pi mana p'iñangachu yuyanmi.

PROVERBIOS 8:5

Yachai illajcuna, alli yuyaita japichij. Rumi shungucunapish, alli yuyaita japichij.

PROVERBIOS 9:6

Yachai illaj canataca ña saquichigari. Alli yuyaita japishpa, sumajta causana ñanpi yaicuichij” nishpami caparincuna.

ISAÍAS 44:20

Chashna rurashpaca ushpallatami micun. Paipaj shungu umarishpami shujtaj ñanta rin. Paillatajca mana quishpiri tucunchu: “Ñuca alli maquipi charicunca manachu yangalla” nishpapish mana ni tucunchu.

ABDÍAS 1:3

Canca jatun tucushpami umarircangui. Jahua peña quinripi tiyaj jutcucunapi causashpallami: ¿Pitaj caimantaca pambaman urmachingari? yuyangui.

Mateo 21:29

Chaimi paica: “¡Mana rishachu!” nirca. Ashtahuanpish shina nishca cashpapish, alli yuyarishpaca rircallami.

Lucas 21:8

Chaimi Jesusca: –Riquichij, cancunaca ama umashca canguichijchu. Achcacunami ñuca shutipi shamushpaca: “Ñucami Cristo cani. Mandana punllaca ñami chayamugrin” ningacuna. Paicunataca ama catinguichijchu.

Juan 8:34

Chaimi Jesusca: –Pipish juchata rurana yuyailla rurashpa causajca, huatashca shinami juchapi causan. Chaica chashnatajmi.

Romanos 11:30

Cancunapish ñaupaca, Diosta mana cazujcunami carcanguichij. Ashtahuanpish cunanca israelcuna mana cazushcamantami, Dios llaquishca canaman chayashcanguichij.

Romanos 6:12

Cancunapaj huañujlla cuerpota, jucha mandachunca ama saquichijchu. Chaimanta aicha munaicunataca ama cazuichijchu.

Romanos 6:17

Ashtahuanpish ñaupaca juchapaj esclavocuna cashca cashpapish, Diosmanta ima shina canata cancunaman yachachishcatami shungumanta cazushcanguichij. Chaimantami Diostaca pagui nini.

Romanos 6:22

Ashtahuanpish cunanca juchamanta cacharichishca, Diospajta rurajcunami canguichij. Chaimanta japinataca, jucha illaj canata, tucuripica huiñai causaitami charinguichij.

Romanos 6:6

Ñucanchij mauca causaitaca, Cristohuan chacatashca cashcatami yachanchij. Juchapajta ama ashtahuan rurangapaj, juchasapa cuerpota chingachingapajmi chashna chacatarcanchij.

2 Corintios 12:20

Ñuca chayanapajca cancunaca mana ñuca munashca shina canata, ñucapish cancuna munashca shina mana canatami manchani. Cancunapurapica p'iñanacushpa rimanacui, envidianacui, p'iñarinacui, chaupirinacui, imapish tucushca canman ninacui, huashalla parlanacui, jatun tucunacui, imapish maipish cachun cajta japinatami manchani.

Gálatas 6:3

Maijanca manapish ima cashpa, yachajmi cani nijca, paillatajmi umarin.

Colosenses 1:21

Cancunapish sarunmanca cancunapaj yuyaicunamanta, cancunapaj mana alli ruraicunamanta Diosmanta caruyashcacuna, Diosta p'iñajcunami carcanguichij. Cunanca paihuan alli tucushcacunami canguichij.

Colosenses 3:7

Ñaupaca, cancunapish chashnallataj rurashpa causajcunami carcanguichij.

2 Timoteo 3:13

Ashtahuanpish millaicuna, umajcunaca, ashtahuan ashtahuan millai tucushpami, umajcuna umashcacunapish tucushpa catingacuna.

2 Timoteo 3:6

Chaicunaca huasicunaman yaicushpa, ima millaitapish ruraj, juchasapa, umarijlla huarmicunatami umancuna.

Tito 1:16

Diostaca rijsinchijmi nincunami. Ashtahuanpish rurashcacunahuanca Diosta mana rijsij cashcatami ricuchincuna. Millananacuna, mana cazujcuna cashpami, ima allita ruranapajca mana alli cashcata ricuchincuna.

Tito 2:12

Paimi ñucanchijtaca Diospaj tucushpa, cai pacha millai munaicunatapish saquishpa, cai causaipica alli yuyaihuan cashcata rurashpa, Diospajlla causachun yachachin.

Santiago 1:26

Maijanpish cancunapurapi pai crishcapi allimi caticuni yuyashpapish, paipaj c'alluta mana jarcarijca, paipaj shungupimi umarin. Pai caticushcapish yangami.

1 Pedro 1:14

Alli cazuj huahuacuna shina caichij. Ñaupa manaraj yachashpa ruracushca mapa munaicunataca ama ruraichijchu.

Apocalipsis 12:9

Chashnami chai jatun dragontaca, cielomantaca ña shitarca. Paica ñaupa rucu culebrami. Paica diablo, Satanás shutipishmi. Paica, allpa pachapi causajcunata umajmi. Paitami tucui paipaj millai angelcunandij allpa pachaman shitarca.

Apocalipsis 13:14

Punta animal jatun mancharinacunata rurai tucunata q'uipa animalman cujpimi, chaita rurashpa allpa pachapi causajcunataca umarca. Chaimantami q'uipa animalca allpa pachapi causajcunataca, espadahuan huañujta chugrichishca cashpapish causacuj animalman rijchajta ruraichij nirca.

Apocalipsis 18:2

Paica sinchita caparishpami, cashna nirca: “¡Babilonia jatun puebloca urmashcamari, urmashcamari! Supaicuna causanamari tucushca. Mapayachij tucui espiritucuna causana jutcumari tucushca. Millanayaj pajarocuna causana tazinmari tucushca.