Tito 1:5 - Dios Rimashca Shimicunami

⁵ Ñuca mandashca shinallataj yachana illashcacunata yachachishpa, tucui pueblocunapi ancianocunata churachunmi Cretapi saquimurcani.

Mushuj Testamento Diospaj Shimi

⁵ Cantaca Cretapica, crijcunapurapi imalla allichicushcata, allichishpa catichunmi saquimurcani. Tandanacushca crijcuna tiyan chai tucui pueblocunapimi, ñuca mandashca shinallataj, cunaj yuyajcunata agllashpa churana cangui.

Tito 1:5 Iomraidhean Croise

1 CRÓNICAS 6:32

Paicunami Mandaj Dioshuan tupangapaj tandanacuna carpa huasi ñaupajpi cantocunahuan Diospajta rurajcuna carca. Mandaj Diospaj huasita Jerusalenpi Salomón rurangacamami chashna rurajcuna carca. Ña chai huasita shayachijpipish, ima shinami ñaupaman carpa huasi ñaupajpi Diospajta ruracurcacuna, chashnallatajmi ruracurcallacuna.

ECLESIASTÉS 12:9

Huillaj ñucaca, ashtahuan yachaj tucushpaca gentecunamanpish ashtahuanmi alli yachaitaca yachachircani. Yuyaita churashpataj, callarishpa tucuita alli yuyarishpami, yuyaita japina proverbios nishca shimicunataca achcata quillcarcani. Sumajta allichishpa churashca chai shimicunataca uyachircanipish, rezashpa yuyarichun curcanipishmi.

ISAÍAS 44:7

Q'uipa punllacunapi imalla tucunata maijan huillaj tiyashpaca, ima shinami ñuca ñaupamanta pacha ima shinalla cashcata callarishpa q'uipa punllacuna ima tucunacama callarishpa huillani. Chai shinallataj paipish tucuita callarishpa ñuca ñaupajpi ricuchishpa huillachunyari.

LEVÍTICO 14:42

Chai rumicunata anchuchishcapica, shujtaj rumicunata japishpa churachun. Lodotapish shujtajta japishpa chai huasitaca llambujllata rurachun.

Hechos 11:30

Paicuna tandachishpaca Judeapi caj cunaj yuyajcunaman cuchunmi, Bernabeman, Sauloman cacharcacuna.

Hechos 14:23

Tandanacushca crijcuna tiyanpica, tucuipimi cunaj yuyajcunata churarcacuna. Ayunashpa, Taita Diosta mañashca q'uipaca paicunataca paicuna crishca Mandaj Jesusmanmi mingarcacuna.

Hechos 2:11

Cretamanta, Arabiamantapishmi caipi canchij. Tucuicunami Taita Dios chai tucui allita rurashcataca, ñucanchij quiquin rimaipi uyanchij– ninacurcacunami.

Hechos 27:12

Chai shayarinapica, tamyata huairata pasanaca mana alli yuyachijpimi, Cretapi caj Feniceman chayashunpishchari yuyashpa tucuicuna chaimanta rinata yuyarircacuna. Chai Fenicepica barco shayarinapajca allimi carca. Janajmanta uramanta huaira shamushpapish mana imata ruraipajmi carca. Chaimantami tamya punllacunataca chaipi cashun nircacuna.

Hechos 27:13

Huichi huaira ña ashalla tucujpimi, cunantajca ña rinallami yuyachin nishpa, barcota charichishca fierrocunatapish tandashpa ri callarircacuna. Ña rishpaca yacu chaupipi caj Creta c'uchu cuchullatami rircacuna.

Hechos 27:21

Achca punllacunata mana micushca cashpami Pabloca, paicunapaj chaupipi shayarishpa cashna nirca: –Mandajcuna, ñuca nishcata uyashca cashpaca, manamari Cretamanta llujshimunchijmanchu carca. Mana ima cashna llaquitapish apanchijmanchu carca. Mana imatapish shitanchijmanchu carca.

Hechos 27:7

Achca punllacunatami allimantalla rircanchij. Huaira jarcajpimi, shaicushca llaquinayajta Gnido ch'imbapuraman chayarcanchij. Chaimantaca huaira jarcajpimi, Salmón ch'imbapurata rishpa, huaira mana tiyan Cretata muyushpa rircanchij.

1 Corintios 11:34

Chai tandanacui ama llaquipaj cachunca, maijanpish yaricachijca huasipi micuchun. Ima shujtajcunataca, ñuca shamushpami allichisha.

1 Corintios 14:40

Ashtahuanpish tucui imatapish rurana cashca shina allita ruraichij, ama maipish cachun ruraichijchu.

1 Corintios 4:17

Chaipajllatajmi Timoteotaca cancunapajman cacharcani. Paica Mandaj Jesuspajta alli pajtachij, ñuca c'uyashca churimi. Paimi Cristohuan ñuca ima shina cashcata, tandanacushca crijcunaman maipipish ñuca ima shina yachachishcatapish cancunaman yuyachinga.

Colosenses 2:5

Cuerpondij cancunahuan mana cashpapish, espiritupica cancunahuanmi cani. Cristota crishcapica mana maipish cachun, alli sinchitaj cajta ricushpami yallitaj cushicuni.

1 Timoteo 1:3

Macedoniaman sarun rishpa, canta Efesopi saquiripai nishca shina, cunanpish chaillapitaj saquiripangui. Chaipi saquirishpaca, shujtaj shina yachachinataca ama yachachichijchu nishpa mandangui.

2 Timoteo 2:2

Achcacunapaj ñaupajpi ñuca yachachishcata uyashcataca, shujtajcunata yachachi tucuipaj, alli pajtachijcunaman mingai.

Tito 1:12

Paicunapurallamantataj shuj huillajca: “Cai Cretapi causajcunaca llullajcunami, millai animalcuna shinami, micunallata yuyajcuna q'uillacunami” nircami.