Tito 1:3 - Dios Rimashca Shimicunami

³ Chai cusha nishcataca pai rurasha nishca punllapimi, ñucanchijta Quishpichij Diosca ñucaman mingashpa huillachirca.

Mushuj Testamento Diospaj Shimi

³ Chaitaca, cunan punllacuna huillachingapajmi charicushca. Chai ña pajtajpimi, ñucanchijta Quishpichij Taita Diosca, huillachun ñucata mandarca.

Tito 1:3 Iomraidhean Croise

ISAÍAS 12:2

Taita Diosmi ñucata Quishpichij. Paillapimi shunguta churani, pita mana manchanichu. Paica ñucapaj muyundij pirca shinami. Ñuca cantanaca Mandaj Diosmari. Paimari ñucata quishpichijca cashca” ninguimi.

ISAÍAS 45:15

Mana ricurij Dios cashpapish, mana dios nishcallachu cangui Diostajmi cangui. Israelcunata quishpichij Taita Diosmi cangui.

ISAÍAS 45:21

Paicuna caimi tucunga chaimi tucunga nishpa huillashca pajtashcata mana pajtashcata tapunacuichij. Imalla tucuna cashcata callarimantapacha huillajca ¿pitaj tiyanri? Mandaj Dios ñucami chashna huillajca cani. Ñucallami chashna Dios cani, pi shujtajca mana tiyanchu. Cashcata ruraj, Quishpichijca ñucallami cani, pi shujtajca mana tiyanchu.

DANIEL 11:27

Chai ishqui jatun mandajcunaca paicunapaj shungupica llaquichina yuyaillami cangacuna. Mezapi micushpa tiyacushpapish caishujpish chaishujpish llullangacunami. Shina cashpapish punlla manaraj pajtashcamantaca, maijanpish mana imata rurangachu.

DANIEL 8:23

Chai jatun mandajcunapaj mandana tucuricuipica, millaita rurajcunami yallitaj jundanga. Chaipimi shujtaj jatun mandaj jataringa. Paica jatun tucushca, pi mana yachaipajcunatapish yachaj tucushcami canga.

DANIEL 9:24

Chai chunga canchis semanacunataca cambaj llajtapurata, Diospajlla ch'icanchishca cambaj pueblota llaquichingapajmi chashna churashca. Dios mandashca shina mana ruracushcata chingachingapaj, juchata tucuchingapaj, millaita ruranata tucuitaj anchuchingapajmi chashna rurashca. Huiñaipaj cashcata ruraj canata rurangapaj, muscuipi shina ricushcatapish, profetacuna huillashcatapish sellashpa churangapaj, jucha illajcunata ashtahuan yalli Jucha illajta aceitehuan churangapajmi chashna rurashca.

HABACUC 2:3

Muscuipi shina ricushcacunaca asha huatacunata q'uipayashpapish, utcami tucuringa, mana llullangachu. Q'uipayajpipish chaparacuilla, shamungami mana uniyangachu, chaica pajtangami.

Marcos 1:15

“Taita Dios mandanaca ñami c'uchuyamushca. Chai punllamari chayamushca. ¡Mana alli ruracushcata saquishpa, alli huillaita crichij!” nirca.

Marcos 13:10

Cai shina causai tucurinapajca alli huillairajmi tucui cai pachapi huillashca canga.

Marcos 16:15

Cashnapishmi nirca: –Alli huillaita tucuicunaman huillangapaj tucui cai pachata richij.

Lucas 1:47

Ñuca espirituhuanca ñucata Quishpichij Taita Diospimi yallitaj cushicuni.

Hechos 10:36

Taita Diosca shuj huillanatami israelcunamanca cacharca. Chaica Jesucristomanta sumaj causaita charina cashcata huillanami. Paica tucuicunata Mandajmi.

Hechos 17:26

Taita Diosca tucui cai pachapi mirarishpa causachunpish shuj runallatami churarca. Taita Diosllatajmi llajtacunapish maillata canata, maillapi causanatapish mandarca.

Romanos 15:19

Diospaj Espiritupaj poder rurachijpimi poderyuj ricuchinacunata, mancharinacunatapish rurarcani. Chashnami Jerusalenmanta callarishpaca, tucui llajtacunapi Iliricocama Cristomantaca alli huillaita huillashpa jundachircani.

Romanos 16:25

Jesucristomanta alli huillaita ñuca huillashca shinallataj, cancunata sinchiyachij Diostaca allimari cangui ninimi. Huiñaimantami pi mana yachaipaj pacallataca ricuchimushca.

Romanos 16:26

Chaitaca huiñaita causaj Dios mandashca shinami, paipaj profetacunaman Quillcacunata quillcachishpa ricuchishca. Crinataj cashcata cazunata tucui mama llajtacunaman yachaj chayachingapajmi chashna ricuchishca.

Romanos 5:6

Cristoca ñucanchijllataj mana quishpiripaj cajpimi, pai huañuna punlla chayajpica, Diosta mana rijsijcunamanta huañurca.

1 Corintios 9:17

Chaimanta ñuca munaihuantaj rurashpaca, japina cashcatami charisha. Ashtahuanpish mana ñuca munaihuantaj rurashpaca, rurachun nishpa mingashcallatami pajtachini.

Gálatas 4:4

Ashtahuanpish cachana punlla pajtajpica, Diosca paipaj churitami cacharca. Paica Mandashca ucupimi, shuj huarmimanta huacharirca.

Efesios 1:10

Pai yuyarishca punllacuna pajtajpimi, jahua pachacunapi cajcunata, cai pachapi cajcunata, tucui ima tiyajta tandachishpa Cristopaj ucupi churanga.

Efesios 2:17

Pai shamushpami cancuna Diosmanta carupi cajcunaman, c'uchullapi cajcunamanpish, sumaj causaipaj alli huillaita huillarca.

Filipenses 1:13

Chaimantami mandana huasipi guardiajcuna, tucui shujtajcunapish Cristomanta prezupi ñuca cashcataca, allitaj yachaj chayancuna.

Colosenses 1:23

Chaimanta cancunaca crishcapi, sapiyashpa sinchi catichij. Alli huillaita huillajpi cancuna imata japina cashcataca uyarcanguichijmi. Chaimantaca ama anchurishpa chai yuyailla caichij. Chaitaca tucui cai pachapi causajcunamanmi huillashca. Ñucapish chaita huillachun churashca Pablomi cani.

Colosenses 1:6

cancunamanpish huillajpimi yacharcanguichij. Chai alli huillaimi tucui cai pachapi grano p'ucuj shina miraricun. Taita Diostaca mana c'uyaipajta c'uyajtaj cashcata uyashca, rijsishca punllamantami cancunapurapipish chashna mirachicun.

1 Tesalonicenses 2:4

Ashtahuanpish Taita Diosmari ñucanchijtaca, ima shina cajta ricushpa alli huillaita huillachun churarca. Chaimantami runacunataca mana cushichishun ninchij, ñucanchij shunguta yachaj Taita Diosllatami cushichishun ninchij.

1 Timoteo 1:1

Ñucanchijta Quishpichij Dios, ñucanchij shunguta churashpa caticushca Mandaj Jesucristopish mandashcamanta, Jesucristopaj apóstol Pablomi cani.

1 Timoteo 1:11

Sumaj Dios alli huillaita huillachun ñucaman mingashca alli huillaimi chaitaca yachachin.

1 Timoteo 2:3

Ñucanchijta quishpichij Diosca, chashna rurajtami munan.

1 Timoteo 4:10

Causaj Taita Diospi shunguta churashca cashpami, mana alli nishpa rimajpipish llaquita apashpa trabajacunchijlla. Paica tucuicunata quishpichijmi, paipi crijcunatami Quishpichin.

2 Timoteo 4:17

Paicuna chashnajpipish, Mandaj Jesusca ñucahuanmi carca. Pai ñucaman fuerzata cujpimi, tucui mana judiocuna uyachun huillana cashca alli huillaitaca huillarcani. Paimi ñucataca leonpaj shimimanta quishpichirca.

Tito 2:10

ama shuhuacuna cachun, ashtahuanpish tucui imapipish alli nishcacuna cachun yuyachishpa rimai. Chaimi ñucanchijta Quishpichij Diospaj yachanaca, sumaj cashcata yachangacuna.

Tito 2:13

Chaimi ñucanchij jatun Dios Quishpichij Jesucristo sumaj cashcahuan shamunataca, ñucanchijca chai yuyailla cushijlla shuyacunchij.

Apocalipsis 14:16

P'uyu jahuapi tiyacuj, paipaj hocesta allpa pachapi churajpica, allpa pachaca cozichashcami saquirirca.