SOFONÍAS 1:3 - Dios Rimashca Shimicunami

³ Runacunatapish, animalcunatapish, huairata purij alasyuj animalcunatapish, mama cuchapi causaj chalhuacunatapish, Diosta mana manchaj runacunatapishmi chingachisha. Cai pachapi causaj runacunataca, tucuicunatami chingachisha” ninmi Mandaj Diosca.

SOFONÍAS 1:3 Iomraidhean Croise

GÉNESIS 6:7

Chaimi Mandaj Diosca: “Cai pachapi causachun rurashpa churashcacunataca gentecunatapish, animalcunatapish, llucaj animalcunatapish, huairata purij alasyuj animalcunatapish tucuita chingachisha. Paicunataca mana ruranatami rurashcani” nishpa yallitaj llaquirirca.

ISAÍAS 27:9

Chashna rurashpami Jacob millaita rurashcataca perdonanga. Rumimanta rurashca altarcunata tucui urmachishpa, cal rumicunata shina ñutu allpata saquishpa, Asera diosman rijchajcunataca ña manataj cutin rurashpa, intiman rijchaj dioscunatapish ña manataj rurashpami paicunapaj juchacunata perdonashcamanta p'ucushca granoca ricuringa.

ISAÍAS 6:11

Chaimi ñucaca: “Jatun Dios ¿maicamataj chashna cangari?” nircani. Shina nijpi paica: “Pueblocunapish urmachishca cangacama. Chaipi causajcunapish mana tiyangacama. Huasicunapipish pi mana causaj tiyangacama, allpapish shitashca pamba saquiringacamami chashna canga.

ISAÍAS 6:12

Mandaj Diosllataj caipi causajcunataca, shujtaj llajtaman cachangacama. Cai llajtaca tucui shitashca tucungacamami chashna canga.

JEREMÍAS 12:4

Cai llajtapi causacujcunaca: “Ñucanchij imata ruracujtaca, Diosca mana ricungachu” nishpami, yallitaj millaita rurancuna. Chaimantamari q'uihuacunapish tucui chaquishpa, allpapish shitashca pamba shina chaquishca saquiricun. Animalcunapish, pajarocunapish huañushpa tucuricunmari. ¿Maicamataj chashna saquigringuiyari?

JEREMÍAS 50:3

Janaj llajtamantamari chai llajtata llaquichigringa. Chaicunamari tucui ima tiyashcata chingachingacuna. Tucuicunamari shitashpa, llujshishpa ringacuna. Runacunapish, animalcunapish chaipica mana causangachu” nircami.

JEREMÍAS 7:20

Chashna cashcamantaca, Mandaj Diosca cashnapishmi nin: “Cunantajca jatunta p'iñarishpami, cai llajtapica jatun llaquita talligrini. Runacunapaj jahuapi, animalcunapaj jahuapi, yuracuna jahuapi, grano chagracuna jahuapimi mana huañuj lunyacuj ninata shina shitagrini” ninmi.

JEREMÍAS 9:10

Urcucunapimi caparishpa huacasha. Chaquishca pambacunapipishmi huacagrisha. Cunanca chai michina pambacunataca, maijan purishpallapish mana ricurinca, huagracuna huacashcapish mana uyarinchu. Sacha animalcunapish, huairata purij pajarocunapishmari mancharishpa maitatajshi rishcacuna.

EZEQUIEL 44:12

Paicunaca rurashcalla dioscunallata servishpami, israelcunataca millaita rurachishpa pandachircacuna. Chashna millaita rurachichishcamantaca, llaquita apangacunami. Mandaj Jatun Dios ñucatajmi, ñuca maquita huichi alzashpa chashna nini.

EZEQUIEL 7:19

Paicunapaj cullquitapish ñancunapimi shitangacuna. Curitapish imapaj mana valijta shinami shitangacuna. Mandaj Dios jatunta p'iñari punllaca paicunapaj cullquipish, curipish mana quishpichi tucungachu, yaricaitapish mana parachi tucungacunachu, huijsapipish mana pajtata micungacunachu. Paicunapaj cullquimi curimi tsagnachishpa millaita rurachirca.

OSEAS 14:3

Asiriocuna quishpichinatapish mana yuyanchijchu. Caballocunapi tiyarishpa mishashpa quishpirinatapish mana yuyanchijchu. Ñucanchij maquihuan rurashca dioscunatapish ña nunca: Caimi ñucanchij dios mana nishunchu. Yaya mama illaj tucushca ñucanchijca quiquinpimi llaquij cashcataca chasquinchij” nishpa mañanguichij.

OSEAS 14:8

Efrainca: Rurashca dioscunaca ñucapajca imapaj mana valinchu ningami. Chashna nijpica ñucaca pai mañashcataca uyashami, ricushami”. Ñucaca paipajca verdijlla pino yura shinami casha. Ñucapimi p'ucushca granotaca japinga.

OSEAS 4:3

Chaimantami cai llajtaca achca jatun llaquilla canga. Cai llajtapi causajcunaca tucuicunami fuerza illajlla tucungacuna. Sacha animalcuna, huairata purij alasyuj animalcunaca huañungami. Mama cuchapi causaj chalhuacunacamami huañunga.

ZACARÍAS 13:2

Tucuita Mandaj Diosca cashnami nin: “Chai punllapica, tucui cai llajtapi tiyaj rurashcalla dioscunapaj shuticunatapish chingachishami. Chashna rurajpimi chai dioscunataca, manataj cutin yuyaringacuna. Shinallataj llulla huillajcunatapish, mapayachij espiritutapish chingachishami.

Mateo 13:41

Runa Aichayujca pai mandacui punllacunapi ñitcachishpalla causajcunata, millaita rurachijcunataca paipaj angelcunata cachashpa tandachichishpami,

Mateo 23:39

Ñucataca cunanmanta pachami: “¡Jatun Diospaj shutipi shamucuj allimari cangui!” ningacama manataj ricunguichij” nircami.

Apocalipsis 2:14

Chashna cajpipish, can rurashcacunaca ashacunamari mana ñuca munashca: Balaam yachachishcata mana saquisha nijcunatami charicunguiraj. Chai Balaamca rurashcalla dioscunaman cushcata micushpa, huainayashpa israelcuna pandarichun yachachi nishpami, Balactaca yachachirca.