RUT 4:6 - Dios Rimashca Shimicunami

⁶ Chaimi chai familia runaca: –Chai allpa mana ñucapajtaj cana cajpica, mana randisha ninichu. Ñuca huahuacuna japina cashcata ama chingachingapaj ñuca randina cashcataca, can randilla– nirca.

RUT 4:6 Iomraidhean Croise

GÉNESIS 38:8

Chaimi Judaca paipaj churi Onantaca: –Cambaj huañuj huauquipaj huarmita cambaj huarmi cachun japishpa, cambaj huauquipaj huahua huahuacuna tiyachun paihuan huahuacunata chari– nirca.

LEVÍTICO 25:25

Cancunapurapi maijanpish huajchayashpa pai charishca maijan allpata c'atujpica allpata randijman paipaj c'uchulla familia cullquita tigrachishpa, chai allpataca tigrachichichun.

DEUTERONOMIO 25:7

Ashtahuanpish chai q'uipa huauqui paihuan mana cazarasha nijpica, cachunca cunaj yuyajcuna tiyacun punguman rishpa cashna nichun: Ñuca huañuj cusapaj huauquica israelcunapurapi paipaj huauquipaj shuti ama tiyachun nishpamari ñucahuanca mana cazarasha nin nichun.

DEUTERONOMIO 25:8

Chashna nijpica, chai pueblopi causaj cunaj yuyajcunaca chai mana cazarasha nij runata cayashpami paihuan rimanga. Chaipipish chai runaca: Mana cazarasha ninichu nijpica,

DEUTERONOMIO 25:9

paipaj c'achun paipajman c'uchuyashpami, cunaj yuyajcunapaj ñaupajpi paipaj pargateta chaquimanta quichushpa ñahuipi ch'ucashpa cashna ninga: Huauquipaj huasi ucupura tiyachun mana munaj runataca cashnami rurana ningami.

RUT 2:20

Chaimi Noemica, paipaj nuerataca: –Paica, Mandaj Dios alli nishcami. Ñucanchij huañujcunapurapajpish allita rurajmi carca. Chashnallatajmi ñucanchij causajcunapajpish allita rurashpa ricuchishca. Noemica cashnapish nircami: –Chai runaca ñucanchij familiamari. Paica ñucanchijpajca allita ruranallatatajmi charin– nirca.

RUT 3:13

Cunan tutaca caipi pacarilla. Caya punllami cambaj c'uchulla familia cambaj allita rurasha nishcata, mana rurasha nishcata tapusha. Cambaj allita pai mana rurasha nijpica, Mandaj Diospish ricucunpimi, cambaj allita rurangapaj ari nisha. Cunanca pacaringacama caipi samarilla– nirca.

RUT 3:9

–¿Pitaj canguiyari?– nishpa tapujpi, chai huarmica: –Ñucaca cambajta ruraj Rutmi cani. Canca c'uchulla familia cashcamanta cambajta ruraj ñucataca cambaj c'atahuan c'atahuayari– nirca.