RUT 4:5 - Dios Rimashca Shimicunami

⁵ Chaimi Boozca: –Noemipaj allpata randishpaca, Moabmanta caj viuda Ruthuanpishmi chai punllallataj cazarana cangui. Chai huarmihuan cazarashpa huahuacunata charijpimi, Rutpaj ñaupa cusa japina cashca allpataca chai huahuacuna japinga– nirca.

RUT 4:5 Iomraidhean Croise

GÉNESIS 38:8

Chaimi Judaca paipaj churi Onantaca: –Cambaj huañuj huauquipaj huarmita cambaj huarmi cachun japishpa, cambaj huauquipaj huahua huahuacuna tiyachun paihuan huahuacunata chari– nirca.

Mateo 22:24

–Yachachij, maijan manaraj huahuata charishpa huañujpica, chai viuda huarmihuanca huañujpaj huauqui cazarashpa, huauquipaj randi huahuacunata charichun nishpami Moisesca yachachishca.

Lucas 20:28

cashna nircacuna: –Yachachij “Maijan cashpapish huahuacunata manaraj charishpa huañujpica, huañujpaj huauquillataj chai viuda huarmihuan cazarashpa huauquipaj randi huahuacunata charichun” nishpami Moisesca quillcashca.

DEUTERONOMIO 25:7

Ashtahuanpish chai q'uipa huauqui paihuan mana cazarasha nijpica, cachunca cunaj yuyajcuna tiyacun punguman rishpa cashna nichun: Ñuca huañuj cusapaj huauquica israelcunapurapi paipaj huauquipaj shuti ama tiyachun nishpamari ñucahuanca mana cazarasha nin nichun.