RUT 4:4 - Dios Rimashca Shimicunami

⁴ Chaitami caipi tucui tiyacujcunapaj ñaupajpi, ñuca pueblopaj cunaj yuyajcunapaj ñaupajpi can randichun yachaj chayachini. Can randisha nishpaca randi. Mana randisha nishpapish mana randinichu nishpa ñucaman huillapai. Shujtaj randinapajca pi mana tiyanchu. Canllami randi tucungui. Can mana randijpica ñucami randi tucuni– nijpi chai runaca: –Ari randishami– nirca.

RUT 4:4 Iomraidhean Croise

GÉNESIS 23:11

–C'atunataca mana c'atunichu. Ashtahuanpish ñuca amitolla, caita uyapai. Tucui ñuca llajtapi causajcunapaj ñaupajpimi chai allpatapish, pambana jutcutapish canmanca convidani. Huañushca cambaj huarmitaca chai pambana jutcupi pambailla– nirca.

GÉNESIS 23:18

Abrahampaj tucurca. Abrahamca chai allpataca, hititacunapish, chai puebloman yaicujcunapish llujshijcunapish tucuicuna ricucunpimi randirca.

JEREMÍAS 32:25

¡Mandaj Jatun Dioslla!, cai llajtataca caldeocunapaj maquipi churashca jahuaca ¿imapajtaj ñucataca cambaj familia charishca allpataca cullquihuan randishpa ricujcunata churai nihuarcangui?” nishpami Diosta mañarca.

Romanos 12:17

Cancunata pi llaquichijpipish, ama chashnallataj llaquichinguichijchu. Tucuicunapaj ñaupajpi allita rurana yuyailla caichij.

2 Corintios 8:21

Ñucanchijca mana Mandaj Jesuspaj ñaupajllapi ashtahuanpish, runacunapaj ñaupajpipish, pi mana juchachishca cangapajmi alli apana yuyailla ruracunchij.

DEUTERONOMIO 25:8

Chashna nijpica, chai pueblopi causaj cunaj yuyajcunaca chai mana cazarasha nij runata cayashpami paihuan rimanga. Chaipipish chai runaca: Mana cazarasha ninichu nijpica,

Filipenses 4:8

Caillahuanmi nisha nini huauquicuna, tucui imapipish mana llulla canata, tucuipi alli canata, tucuipi cashcata ruraj canata, tucuipi chuya canata, tucuipi c'uyashca canata, tucuipi allimi nishca canata yuyaichij. Chashna imapipish alli nishca, alabashca cashca cashpaca, chashna cana yuyailla caichij.

RUT 2:20

Chaimi Noemica, paipaj nuerataca: –Paica, Mandaj Dios alli nishcami. Ñucanchij huañujcunapurapajpish allita rurajmi carca. Chashnallatajmi ñucanchij causajcunapajpish allita rurashpa ricuchishca. Noemica cashnapish nircami: –Chai runaca ñucanchij familiamari. Paica ñucanchijpajca allita ruranallatatajmi charin– nirca.

RUT 3:12

Ñuca cambaj c'uchulla familia cashcamanta cambaj allita rurana cajpipish, cambajca shujtaj ashtahuan c'uchulla familia tiyanrajmi.

RUT 3:9

–¿Pitaj canguiyari?– nishpa tapujpi, chai huarmica: –Ñucaca cambajta ruraj Rutmi cani. Canca c'uchulla familia cashcamanta cambajta ruraj ñucataca cambaj c'atahuan c'atahuayari– nirca.