RUT 4:22 - Dios Rimashca Shimicunami

²² Obedpaj huahuaca Isaimi carca, Isaipaj huahuaca Davidmi carca.

RUT 4:22 Iomraidhean Croise

1 CRÓNICAS 2:12

Boozca, Obed churitami charirca. Obedca, Isaí churitami charirca.

1 CRÓNICAS 2:15

Pichcapaj q'uipa churica Ozemmi. Sujtapaj q'uipa churica Davidmi carca.

ISAÍAS 11:1

Yaya Isaipaj troncomantaca shuj yurami huiñanga. Paipaj sapicunamantaca mushuj yurami retoñanga.

Mateo 1:6

Isaipaj huahuaca jatun mandaj Davidmi carca. Jatun mandaj Davidca Uriaspaj huarmi cashca Betsabepimi, Salomontaca charirca.

Lucas 3:31

Eliaquimca, Meleapaj churimi carca. Meleaca, Mainanpaj churimi carca. Mainanca, Matatapaj churimi carca. Matataca, Natanpaj churimi carca.

RUT 4:17

Chaimi c'uchullapi causajcunaca: –Noemica shuj c'ari huahuatami huachashca– nishpa chai huahuataca Obed shutita shutichircacuna. Paica Isaipaj yaya, Davidpaj abuelomi carca.

RUT 4:21

Salmonpaj huahuaca Boozmi carca. Boozpaj huahuaca Obedmi carca.

1 SAMUEL 1:1

Efraín urcupi caj Ramataim pueblopimi, zofitacunapuramanta Elcana shuti shuj runa causarca. Paica Jerohampaj churimi carca. Jerohamca Eliupaj churimi carca. Eliuca Tohupaj churimi carca. Tohuca Zufpaj churimi carca. Zufca Efrainpaj aillupurami carca.

1 SAMUEL 16:1

Mandaj Diosca Samueltaca: –Israelcunata ama jatun mandaj cachun Saulta ñuca ña anchuchishcamantaca ¿maicamataj huacacunguilla? Can charicun gachupi aceiteta jundachishpa, Belenpi causaj Isaipajman ri. Ñucaca paipaj churicunamanta shujtami jatun mandaj cachun ña agllarcani– nircami.

1 SAMUEL 17:12

Davidca efrateo Isaipaj churimi carca. Chai Isaica Judapi caj Belenpi huacharishca pusaj churicunayujmi carca. Saúl mandacui punllacunapica, paica achca huatacunayuj yallitaj yuyajmi carca.