RUT 4:13 - Dios Rimashca Shimicunami

¹³ Chashnami Boozca Ruttaca paipaj huarmi cachun japishpa cazararca. Booz paipi chayarijpica, Mandaj Dios cujpimi, chichushpa shuj c'ari huahuata huacharca.

RUT 4:13 Iomraidhean Croise

GÉNESIS 20:17

Abrahamca Taita Diostami mañarca. Taita Diosca Abimelectaca alliyachircami. Abimelecpaj huarmitapish, paipajta ruraj huarmicunatapish huahuacunayuj tucunatami cutin rurarca.

GÉNESIS 25:21

Isaacca paipaj huarmi Rebeca mana huachaj cajpimi, Mandaj Diosta mañarca. Pai mañashcata Mandaj Dios uyajpimi, Rebecaca chichurca.

GÉNESIS 29:31

Mandaj Diosca Leata Jacob mana c'uyajta ricushpami, Leamanraj huahuacunata curca. Ashtahuanpish Raquelca mana huachajmi carca.

GÉNESIS 30:2

Chaimi Jacobca, Raquelhuan p'iñarishpaca: –Ñucaca Taita Dios cashpatajmari, canmanca huahuacunata cusha. Ashtahuanpish paimi cantaca huahuacuna illajlla cachun munashca– nirca.

GÉNESIS 33:5

Esauca, chai huarmicunatapish, huahuacunatapish ricushpami: –¿Paicunaca picunataj?– nijpi Jacobca: –Cambajta rurajman, Taita Dios cushca ñuca huahuacunami– nirca.

SALMOS 113:9

Paimi mana huachaj huarmitaca familiayujta ruran. Huahuacunayujta rurashpami cushichin. ¡Mandaj Diosta alabaichigari!

SALMOS 127:3

Huahuacunaca Mandaj Diosmanta herenciamari. Huijsamanta llujshishca huahuacunaca Dios cushca sumajmari.

RUT 3:11

Cunanca ñuca huahualla, ama manchaichu. Ñuca pueblopi causajcunaca tucuicunami canca yuyaisapa alli huarmi cashcata yachancuna. Chaimanta ñucaca tucui can ima nishcatami rurasha.

RUT 4:12

Judapaj huarmi Tamarpaj churi Faresta achca huahuacunayujta rurashca shinallataj canmanpish Mandaj Dios cujpica, Ruthuanca achca huahuacunayuj tucushca alli canguiman– nircacunami.

1 SAMUEL 1:27

Cai huahuata cuchunmi mañacurcani. Mandaj Diosca ñuca mañashcataca curcami.

1 SAMUEL 2:5

Ñaupaman achcata charijcunaca cunanca shujtajcunapajta rurashpallamari micuncuna. Ñaupaman yaricaihuan cajcunapish, mana yaricaihuan cangacunachu. Mana huachaj huarmipish canchis cutinmari huachashca. Achca huahuacunata charijca chaquirishcamari.