RUT 4:12 - Dios Rimashca Shimicunami

¹² Judapaj huarmi Tamarpaj churi Faresta achca huahuacunayujta rurashca shinallataj canmanpish Mandaj Dios cujpica, Ruthuanca achca huahuacunayuj tucushca alli canguiman– nircacunami.

RUT 4:12 Iomraidhean Croise

GÉNESIS 38:29

Ashtahuanpish maquita punta llujshichij huahuaca cutinllataj maquita ucuman aisajpimi, caishuj huahuaraj punta huacharirca. Chaimi partera huarmica: “¿Ima shinataj canrajca huacharinguiri?” nishpa Fares shutita shutichirca.

GÉNESIS 46:12

Judapaj churicunaca: Er, Onán, Sela, Fares, Zara shuticunami carca. Er, Onán runacunaca Canaanllapitajmi huañurcacuna. Farespaj churicunaca Hezrón, Hamul shuticunami carca.

1 CRÓNICAS 2:4

Judaca paipaj nuera Tamarpica: Fares, Zera shuti churicunatami charirca. Tucuimantaca Judaca, pichca churicunatami charirca.

MALAQUÍAS 2:15

¿Manachu cancuna chairaj cashpa cazarashca huarmihuanca, pai Diosllataj shujlla aichata, shujlla yuyaita rurarca? ¿Imapajshi chashna rurashca canga yuyanguichijchari? Cancunapaj huahua huahuacunapish, paipajlla cachunmari chashna rurarca. Chashna cashcamantaca ama cancunapaj yuyaita mapayachichijchu, ama cancunapaj quiquin huarmita shitaichijchu.

Mateo 1:3

Judapaj huahuacunami Farespish, Zarapish carca. Paicunapaj mamaca Tamarmi carca. Esromca Farespaj huahuami carca. Aramca Esrompaj huahuami carca.

RUT 4:18

Farespaj huahua huahuacunaca caicunami: Farespaj huahuaca Hezronmi.

1 SAMUEL 2:20

Elí curaca Elcanata paipaj huarmitapish Dios allicunata cushca cachun nishpaca: “Mandaj Diosman cushca cai huahuapaj randica, pai Diosllataj cancunamanca shujtaj huahuacunata cuchun” nircami. Chai q'uipaca paicunapaj huasiman tigrarcallacunami.