RUT 4:11 - Dios Rimashca Shimicunami

¹¹ Chai pueblo pungupi caj cunaj yuyajcunahuan cajcunapish cashnami nircacuna: –Ari, uyajcuna ricujcunami canchij. Diosca Raquelman Leaman achca huahuacunata cujpimi, israelcunaca achcata mirarishcanchij. Chai shinallataj cambaj huarmi Rutmanpish achca huahuacunata cushca alli canman. Efrata nishca Belenpica cantaca tucuicuna alli nishca, achcata charij runami nishca cachun.

RUT 4:11 Iomraidhean Croise

GÉNESIS 23:10

Heteocunapura caj Efronca Hetpaj huahuacunahuan chaillapitaj cashpami, tucui hititacunapaj ñaupajpipish, chai puebloman tucui yaicujcunapaj llujshijcunapaj ñaupajpipish Abrahamtaca cashna nirca:

GÉNESIS 24:60

Paicunaca alli cashca cachun nishpami Rebecataca: “Ñucanchij paniculla, canca huaranga huarangacunapaj mama tucushpa alli canguiman. Cambaj huahua huahuacunaca paicunata p'iñajcunahuan macanacushpa pueblocunata quichushpa alli canman” nircacuna.

GÉNESIS 29:16

Labanca ishqui ushushitami charirca. Punta ushushica Leami carca, q'uipa ushushica Raquelmi carca.

GÉNESIS 29:25

Cayandij tutamanta Jacob ricushpaca, paihuan dormishpa pacarijca Lealla cashcata ricushpami Labantaca: –Canca ñucataca ¿imatataj rurashcanguichu, imamí? ¿Manachu ñucaca Raquelmanta cambajta rurashpa causarcani? ¿Ima nishpataj chashna umarcanguiyari?– nirca.

GÉNESIS 29:32

Lea huarmi chichushpaca, shuj c'ari huahuatami huacharca. Paitaca: “Mandaj Diosca ñuca llaquilla cajtaca ricushcami. Cunanca ñuca cusapish ñucataca c'uyahuangami” nishpami, Rubenta shutichirca.

GÉNESIS 35:23

Leahuan charishca churicunaca caicunami: Punta churica Rubén. Q'uipa churica Simeón, Leví, Judá, Isacar, Zabulón shutimi carcacuna.

GÉNESIS 35:24

Raquelhuan charishca churicunaca José, Benjamín shutimi carcacuna.

1 REYES 21:8

Chashna nishcahuan, Acabpaj shutipi quillcacunata rurashpami, jatun mandajpaj sortijashuan sellota churashpa, quillcacunataca, Nabot causacun Jezreel pueblota mandajcunamanpish, cunaj yuyajcunamanpish cuchun cacharca.

1 CRÓNICAS 2:51

Salmanami carca. Salmanaca Belenpaj yayami carca. Harefmi carca. Harefca Bet-gaderpaj yayami carca.

SALMOS 132:6

Diospaj arcaca Efratapi cashcatamari uyarcanchij. Achca yuracuna chaupipimari japircanchij.

PROVERBIOS 14:1

Yachaisapa huarmica paipaj huasitaca, allimi shayachin. Ashtahuanpish rumi shungu huarmica, shayachishca huasitapish paipaj maquihuanmi urmachin.

PROVERBIOS 31:23

Paipaj cusapish, llajtata mandaj yuyajcunahuan pueblo pungu tandanacuipi tiyarishpaca, tucuicuna rijsinalla runami.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

Mateo 2:6

“Judapi caj Belenlla, canca jatun nishcami cangui. Judapi mandajcunapurapica, manataj uchillaca canguichu. Canmantami shuj pushaj llujshinga. Ñucapaj caj israelcunataca, paimi michinga” ninmi– nircacunami.

DEUTERONOMIO 25:7

Ashtahuanpish chai q'uipa huauqui paihuan mana cazarasha nijpica, cachunca cunaj yuyajcuna tiyacun punguman rishpa cashna nichun: Ñuca huañuj cusapaj huauquica israelcunapurapi paipaj huauquipaj shuti ama tiyachun nishpamari ñucahuanca mana cazarasha nin nichun.

DEUTERONOMIO 25:9

paipaj c'achun paipajman c'uchuyashpami, cunaj yuyajcunapaj ñaupajpi paipaj pargateta chaquimanta quichushpa ñahuipi ch'ucashpa cashna ninga: Huauquipaj huasi ucupura tiyachun mana munaj runataca cashnami rurana ningami.

RUT 1:2

Judapi caj Belenmanta Moabman rij runaca efrateopuramanta Elimelecmi carca. Paipaj huarmica Noemí paipaj ishqui churicunaca Mahlón, Quelión shuticunami carca. Paicuna Moabman chayashpaca chaipimi causarcacuna.