RUT 4:10 - Dios Rimashca Shimicunami

¹⁰ Mahlonpaj huarmi cashca Moabmanta caj Ruttapish ñuca huarmi cachunmi japini. Chai huarmipi huahuacunata charijpimi, Mahlón imallata japina cashcataca paicuna japijpi, paipaj familiapurapipish cai pueblo pungupi cajcunapajpipish paipaj shutica mana anchuchishca canga. Cunanca tucui caicunataca cancunami uyajcuna ricujcuna canguichij– nircami.

RUT 4:10 Iomraidhean Croise

GÉNESIS 29:27

Cunanca Leahuan cazarashpa, sumaj micuita ruracushca cai semanataca c'uchuyailla. Canchis huatahuan ñucapajta rurajpica, Raqueltapish cushallami– nirca.

GÉNESIS 38:9

Onanca pai charishca huahua huahuacunaca mana paipaj quiquin huahua huahuacuna cana cajpimi, paipaj huañuj huauquipaj huarmipi chayarishpaca paipaj huauquipaj huahua huahuacunaca paillamanta ama tiyachun nishpa pamballapi shutuchij carca.

SALMOS 109:15

Chai juchacunaca, Mandaj Diospaj ñaupajpi huiñaita cashca cachun. Pai tiyashca cashcataca cai pachapica nunca pi ama yuyarishca cachun.

SALMOS 34:16

Mandaj Diosca millaita rurajcunataca p'iñanmi. Paicuna rurashcata pi ama yuyarichunmi, cai pachamanta paicunata chingachin.

PROVERBIOS 18:22

Maijanpish casarashpa huarmiyuj tucujca, ima charinacunayuj tucushcatapish yallimi. Taita Dios c'uyashpa cushcatamari chasquin.

PROVERBIOS 19:14

Yaya mamaca huasitapish, ima charinacunatapishmi cun. Ashtahuanpish Mandaj Diosca, alli yuyaiyuj huarmitamari cun.

ISAÍAS 48:19

Cambaj huahua huahuacunaca ñutu allpa shinami canman carca. Canmanta mirarishcacunaca t'iyu allpa shinami canman carca. Paipaj shutica ñuca ñaupajmantaca mana anchuchishcachu, mana p'ichashcachu canman carca” ninmi.

OSEAS 12:12

Jacobca Arammanmi miticushpa rirca. Israelca chai llajta huarmita paipaj huarmi cachun japingapajmi paipajta rurashpa causarca. Shuj huarmita paipaj huarmi cachun munashcamantami ovejacunata michishpa causarca.

OSEAS 3:2

Shina nijpimi chai huarmitaca ñucapaj cachun chunga pichca siclo cullquihuan, shuj homer chaupi cebadahuan randircani.

ZACARÍAS 13:2

Tucuita Mandaj Diosca cashnami nin: “Chai punllapica, tucui cai llajtapi tiyaj rurashcalla dioscunapaj shuticunatapish chingachishami. Chashna rurajpimi chai dioscunataca, manataj cutin yuyaringacuna. Shinallataj llulla huillajcunatapish, mapayachij espiritutapish chingachishami.

MALAQUÍAS 2:14

Chaimanta cancunaca: “¿Imamantataj mana chasquinguichu imamí?” ninguichijmi. Canllatajmari mosoraj cashpa, ari ninacushpa cazarashca quiquin huarmitamari shitarcangui. Chaitaca Mandaj Diosca ricucurcami.

Efesios 5:25

Cristoca tandanacushca crijcunata c'uyashpami, paillataj curirca. Chai shinallataj cusacunapish, quiquin huarmicunata c'uyaichij.

DEUTERONOMIO 25:6

Chai huarmica huañuj cusapaj huauquihuan charishca punta churitaca huañuj cusapaj shutita shutichichun. Chashna rurajpimi chai huañuj huauquipaj shutica israelcunapuramantaca mana chingaringa.

Hebreos 13:4

Cazaranaca tucuicuna alli nishca cachun. Paicuna chayarinacunapish chuya cachun. Ashtahuanpish apanacushpa causajcunata, huainayajcunataca Diosmi paicuna ima shina cashcataca ricuchinga.

JOSUÉ 7:9

Cai Canaán llajtapi causajcunapish, tucui llajtapi causajcunapish yachashpaca, tucuicuna tandanacushpa muyunchishpamari ñucanchijtaca chingachingacuna. Cambaj jatun shuti ama yanganchishca cachunca ¿imatataj ruranguiyari?– nircami.

RUT 4:9

Chaipimi Boozca cunaj yuyajcunatapish, chaipi caj tucuicunatapish cashna nirca: –Tucui cancunami ricucunguichij. Elimelecpaj, Mahlonpaj, Quelionpaj tucui imalla tiyashcataca Noemiman randishpami ñucaca japigrini.