RUT 4:1 - Dios Rimashca Shimicunami

¹ Chai punllallatajmi Boozca, Belenman rishpa, chai puebloman yaicuna pungupi tiyarirca. Booz runa chaipi tiyacujpimi, pai tapusha nicushca familia runa chaita pasacujpi Boozca chai runataca: –Jala tiyito uyai, caillapi tiyaripai– nijpi, chai runaca chaiman rishpa tiyarirca.

RUT 4:1 Iomraidhean Croise

GÉNESIS 19:1

Chai ishqui angelcunaca ña tutayacuitami, Sodomaman chayarca. Lotca Sodomaman yaicuna pungullapimi tiyacurca. Paicunata ricushpami Lotca jatarishcahuan tupanaman rishpa paicunapaj ñaupajpi pambaman tupajta cumurishpaca,

GÉNESIS 23:10

Heteocunapura caj Efronca Hetpaj huahuacunahuan chaillapitaj cashpami, tucui hititacunapaj ñaupajpipish, chai puebloman tucui yaicujcunapaj llujshijcunapaj ñaupajpipish Abrahamtaca cashna nirca:

GÉNESIS 34:20

Chaimi yaya Hamorpish, paipaj churi Siquempish puebloman yaicuna pungu c'uchullaman rishpa chaipi caj tucuicunaman cashna nishpa parlarcacuna:

2 SAMUEL 15:2

Absalonca utca jatarishpami, puebloman yaicuna pungu c'uchupi shayarishpa, cashna ruraj carca. Maijancuna p'iñanacushcamanta jatun mandaj allichichun paipajman shamujcunataca cayashpami: “¿Maijan pueblomantataj cangui?” nishpa tapuj chai shamujca: “Cambajta ruraj ñucaca Israelpaj aillucunamanta shuj aillumantami cani” nijmi carca.

2 CRÓNICAS 18:9

Israelcunata jatun mandajpish, Judá llajtata jatun mandaj Josafatpish mandajcuna churana churanata churarishcami, Samaria puebloman yaicuna pungu c'uchullapi caj plazapi jatun mandajcuna tiyarinapi tiyacurcacuna. Profetacunaca tucuicunami paicunapaj ñaupajpi huillacurcacuna.

JOB 29:7

Ima rurashcacunata ricungapaj pueblo punguman llujshishpapish, plazapimi ñucapajca jatun tiyarinata allichij carcani.

JOB 31:21

Yaya mama illaj huahuatapish mana ñuca maquita alzashpa llaquichishcanichu. Tandanacuna pungupi ñucata ayudajcuna tiyashcallamanta chashna rurashca cajpica,

SALMOS 69:12

Pueblo pungupi tandanacushcacunapish ñucata p'iñashpa rimarcacunami. Machashcacunapish paicunapaj cantocunahuanmi chanzata rurashpa asincuna.

PROVERBIOS 31:23

Paipaj cusapish, llajtata mandaj yuyajcunahuan pueblo pungu tandanacuipi tiyarishpaca, tucuicuna rijsinalla runami.

ISAÍAS 55:1

¡Yacunaihuan cajcuna tucuicuna shamuichij. Yacuman shamuichij! Cullquita mana charishpapish shamuichijlla. Cullqui illajlla randishpa micuichijlla. Shamuichijlla, cullqui illajlla imata mana cushpa vinota, lecheta randichijlla.

AMÓS 5:15

Imapish millaitaca p'iñaichij, imapish allitaca ashtahuan ruraichijlla. Juezcunapish, cashcata rurana yuyailla caichij. Cancuna chashna tucuita allita rurajpica, tucuita Mandaj Diosca Josepaj huahua huahuacuna maijan saquirishcacunallatapish llaquingapishchari.

ZACARÍAS 2:6

Mandaj Diosca cashnami nin: “Riquichij, ñucami caipi chaipi causagrichun cacharcani. Cunanca janaj lado llajtapi causajcuna miticuichigari” ninmi Mandaj Diosca.

DEUTERONOMIO 16:18

Mandaj Dios cancunapaj Taita Dios, pueblocunata cada ailluman ña cujpica, chai pueblocunapica juezcunata shujtaj mandajcunata churanguichij. Paicuna cashcatataj ricuchishpa mandachuncuna.

DEUTERONOMIO 17:5

chashna millananata ruraj c'arita cashpa, huarmita cashpapish cancunapaj pueblo punguman llujshichishpa, chai c'arita, chai huarmitaca huañungacama rumicunahuan shitanguichij.

DEUTERONOMIO 21:19

Chashna cajpica yaya mamaca paicuna causacun pueblo pungupi caj cunaj yuyajcunapajman llujshichishpa apachun.

DEUTERONOMIO 25:7

Ashtahuanpish chai q'uipa huauqui paihuan mana cazarasha nijpica, cachunca cunaj yuyajcuna tiyacun punguman rishpa cashna nichun: Ñuca huañuj cusapaj huauquica israelcunapurapi paipaj huauquipaj shuti ama tiyachun nishpamari ñucahuanca mana cazarasha nin nichun.

JOSUÉ 20:4

Miticunata mashcashpa puricujca maijan chai puebloman chayashpaca, puebloman yaicuna pungupi caj cunaj yuyajcunapajman chayashpa imamanta miticushpa puricushcata paicunaman huillachun. Chaita alli huillajpica, cunaj yuyajcuna chai puebloman yaicuchichun. Chaipi pai causachun causanatapish cuchun.

RUT 3:12

Ñuca cambaj c'uchulla familia cashcamanta cambaj allita rurana cajpipish, cambajca shujtaj ashtahuan c'uchulla familia tiyanrajmi.

RUT 3:18

Chaimi Noemica: –Shinashpaca huahua, imalla rurana cashcata tucuchingacama shuyailla. Chai runaca pai imallata rurasha nishcataca cunanllatajmi mana samarishpa tucuita allichinga– nirca.