RUT 3:9 - Dios Rimashca Shimicunami

⁹ –¿Pitaj canguiyari?– nishpa tapujpi, chai huarmica: –Ñucaca cambajta ruraj Rutmi cani. Canca c'uchulla familia cashcamanta cambajta ruraj ñucataca cambaj c'atahuan c'atahuayari– nirca.

RUT 3:9 Iomraidhean Croise

EZEQUIEL 16:8

Cutinllataj cambaj c'uchuta pasashpami, ña casaranalla soltera tucushcata ricurcani. Chaimantaca can lluchullataj cajta ricushpami, ñuca churanahuan c'atachircani. Chashnami canhuanca ari ninacurcani. Chaimantamari ñucapajlla tucurcangui. Mandaj Jatun Diostajmi chashna nini.

Lucas 14:11

Maijanpish jatun tucujtaca, pingachishcami canga. Mana jatun tucujtaca, jatunyachishcami canga” nircami.

RUT 2:20

Chaimi Noemica, paipaj nuerataca: –Paica, Mandaj Dios alli nishcami. Ñucanchij huañujcunapurapajpish allita rurajmi carca. Chashnallatajmi ñucanchij causajcunapajpish allita rurashpa ricuchishca. Noemica cashnapish nircami: –Chai runaca ñucanchij familiamari. Paica ñucanchijpajca allita ruranallatatajmi charin– nirca.

RUT 3:10

Boozca chashna nijta uyashpaca: –Canca cambaj suegrahuantaj shamushpaca achca allitami rurarcangui. Cunancarin charij cachun, huajcha cachun shujtaj q'uipa huiñaicunata mana mashcashpa ñucahuantaj cazarasha nishpaca, ashtahuan allitamari rurangui. Ñuca huahualla Mandaj Dios can yuyashca shinata rurachun.

RUT 3:12

Ñuca cambaj c'uchulla familia cashcamanta cambaj allita rurana cajpipish, cambajca shujtaj ashtahuan c'uchulla familia tiyanrajmi.

RUT 3:8

Boozca chaupi tutata rijcharishpami, caishuj ladoman muyuricushpaca paipaj chaquipi shuj huarmi siricujta ricushpaca,

RUT 4:4

Chaitami caipi tucui tiyacujcunapaj ñaupajpi, ñuca pueblopaj cunaj yuyajcunapaj ñaupajpi can randichun yachaj chayachini. Can randisha nishpaca randi. Mana randisha nishpapish mana randinichu nishpa ñucaman huillapai. Shujtaj randinapajca pi mana tiyanchu. Canllami randi tucungui. Can mana randijpica ñucami randi tucuni– nijpi chai runaca: –Ari randishami– nirca.

RUT 4:6

Chaimi chai familia runaca: –Chai allpa mana ñucapajtaj cana cajpica, mana randisha ninichu. Ñuca huahuacuna japina cashcata ama chingachingapaj ñuca randina cashcataca, can randilla– nirca.

1 SAMUEL 25:41

Chaimi Abigailca, jatarishpa cungurishpa pambaman tupajta cumurishpaca: –Cambajta ruraj ñucaca caipimi cani. Pai munajpica, ñuca amitopajta rurajcunapaj chaquita maillashpallapish, paipajta ruraj tucushapishchari– nirca.