RUT 3:3 - Dios Rimashca Shimicunami

³ Canca armashpa, mishquijllata ashnacujta churarishpa, cambaj sumaj churanacunatapish churarishpa pai huairachicunman ri. Chaiman chayashpaca Booz tucui micungacama, tucui ubyangacamaca ama paipi ricurishpa shuyanguilla.

RUT 3:3 Iomraidhean Croise

2 SAMUEL 12:20

Chaimi Davidca, pambamanta jatarishpa armashpa mishquijllata ashnacujcunahuan churarishpa, shujtaj churanata churarishpa Mandaj Diospaj huasiman yaicushpa, paita adorarca. Chai q'uipaca paipaj huasiman shamushpa, micunata mañajpi micunata cujpica micurcami.

2 SAMUEL 14:2

Joabca yachaj tucushca shuj huarmita Tecoamanta pushamuchishpami chai huarmitaca: “Huañushcamanta churarinata churarishpa huañushcamanta llaquilla caj shina tucui. Mishquijllata ashnacujhuanpish ama churaringui. Maijan huañushcamanta achca huatacunata llaquilla cashca huarmi shina tucui.

ESTER 5:1

Ña quimsa punlla tucujpimi, Esterca jatun mandaj huarmi churarina churanata churarishpaca, mandana huasi ñaupaj ucuman yaicurca. Chaiman yaicushpami jatun mandaj tiyacun mandana ucu ñaupajpi shayarirca. Jatun mandajca, chai ucupimi pungu ch'imbapurapi pai tiyanapi tiyacurca.

SALMOS 104:15

gentecunapaj shunguta cushichij vinota surcuchun, ñahuita achijnicujta ruraj aceitetapish surcuchun, runaman causaita cuj micunata surcunchunpishmi chashna rurarca.

ECLESIASTÉS 9:8

Punllanta yuraj churanata churailla, umapipish mishquijllata ashnaj jambitaca ama illachinguichu.

EZEQUIEL 16:9

Cantaca yacuhuanmi armachircani, yahuarlla cajpipish maillachishpami, aceitehuan churarcani.

Mateo 6:17

Ashtahuanpish can ayunacushpaca ñahuita maillashpa, umapipish aceiteta churarishpa allichiringui.

RUT 3:2

Riqui, Boozca ñucanchij familiamari. Canca paipajta rurajcunahuanmi ch'alashpa puricurcangui. Paica cunan tutami era patiopi cebadata huairachinga.

RUT 3:4

Pai maipi dormij siririjta alli chaparashpa, pai siricunman rishpa, paipaj chaquillapi c'atata alzashpa allijlla siriringui. Chaipimi can imata rurana cashcataca paillataj huillanga– nirca.