RUT 3:12 - Dios Rimashca Shimicunami

¹² Ñuca cambaj c'uchulla familia cashcamanta cambaj allita rurana cajpipish, cambajca shujtaj ashtahuan c'uchulla familia tiyanrajmi.

RUT 3:12 Iomraidhean Croise

Mateo 7:12

Shina cajpica, shujtajcuna cancunapaj allita rurachun nishpaca, cancunapish paicunapaj allita ruraichij. Chashnami mandashcacunapipish mandan, profetacuna huillashcapipish huillan.

1 Tesalonicenses 4:6

Maijanpish paipaj huauquita umashpa imapipish ama llaquichichun. Ña cancunaman nishca, huillashca shinallataj chashna rurajcunataca Mandaj Jesusmi paicunatapish llaquichinga.

RUT 2:20

Chaimi Noemica, paipaj nuerataca: –Paica, Mandaj Dios alli nishcami. Ñucanchij huañujcunapurapajpish allita rurajmi carca. Chashnallatajmi ñucanchij causajcunapajpish allita rurashpa ricuchishca. Noemica cashnapish nircami: –Chai runaca ñucanchij familiamari. Paica ñucanchijpajca allita ruranallatatajmi charin– nirca.

RUT 3:11

Cunanca ñuca huahualla, ama manchaichu. Ñuca pueblopi causajcunaca tucuicunami canca yuyaisapa alli huarmi cashcata yachancuna. Chaimanta ñucaca tucui can ima nishcatami rurasha.

RUT 3:13

Cunan tutaca caipi pacarilla. Caya punllami cambaj c'uchulla familia cambaj allita rurasha nishcata, mana rurasha nishcata tapusha. Cambaj allita pai mana rurasha nijpica, Mandaj Diospish ricucunpimi, cambaj allita rurangapaj ari nisha. Cunanca pacaringacama caipi samarilla– nirca.

RUT 4:1

Chai punllallatajmi Boozca, Belenman rishpa, chai puebloman yaicuna pungupi tiyarirca. Booz runa chaipi tiyacujpimi, pai tapusha nicushca familia runa chaita pasacujpi Boozca chai runataca: –Jala tiyito uyai, caillapi tiyaripai– nijpi, chai runaca chaiman rishpa tiyarirca.

RUT 4:4

Chaitami caipi tucui tiyacujcunapaj ñaupajpi, ñuca pueblopaj cunaj yuyajcunapaj ñaupajpi can randichun yachaj chayachini. Can randisha nishpaca randi. Mana randisha nishpapish mana randinichu nishpa ñucaman huillapai. Shujtaj randinapajca pi mana tiyanchu. Canllami randi tucungui. Can mana randijpica ñucami randi tucuni– nijpi chai runaca: –Ari randishami– nirca.