RUT 3:1 - Dios Rimashca Shimicunami

¹ Shuj punllami Rutpaj suegra Noemica: –Ñuca huahualla, can shuj huasi ucu familiayuj tucushpa cushicushpa causachun cambaj cusa cachun mashcanami cani.

RUT 3:1 Iomraidhean Croise

GÉNESIS 40:14

Cunanca ñucaca, can ña alli cashpaca ñucata yuyarichun, faraón ñucata caimanta llujshichichun ñucamanta parlachunmi rogapani.

SALMOS 128:2

Quiquin maquihuan trabajashcata micushpaca cushicunguimi. Imapipish allimi cangui.

1 Corintios 7:36

Ashtahuanpish maijanpaj ushushi mana cazarashpa payayacushcata yuyashpaca, cazaranataj cajpica, pai yuyashca shina rurachunlla. Mana juchallinchu, cazarachichunlla.

DEUTERONOMIO 4:40

Pai chaitataj pajtachichun nishcacunata, pai mandashcacunataca cancuna pajtachichuntajmi mandashpa cuni. Chaimanta huiñaicama Mandaj Dios cancunapaj Taita Dios cancunaman cushca llajtapi cashpa canpish cambaj huahua huahuacunapish alli cangapaj, uni huatacunata chai llajtapi causangapajmi chai mandashcacunataca pajtachina canguichij” nircami.

1 Timoteo 5:14

Ashtahuanpish q'uipa huiñai viudacunaca cazarashpa, huahuacunata alli huiñachishpa, paipaj huasi familiata mandachunmi munani. P'iñajcuna juchachishpa cushicuna ama tucuchunmi chashnaca nini.

1 Timoteo 5:8

Maijanpish quiquinpurapaj, ashtahuantajca paipaj huasi familiapaj imallata rurana cashcata mana rurajca, crishcata saquishpa mana crijtapish yallimi tucushca.

RUT 1:9

Cancunamanca Mandaj Dios sumaj cusata cuchun. Cancunapaj cusapaj huasipi sumajta causanguichij– nishpa paipaj nueracunata muchajpimi, paicunaca caparishpa huacashpa,

RUT 2:23

Rutca, Boozpajta ruraj huarmicunallahuan cozicha tucuringacama cebadatapish, trigotapish ch'alashpa purirca. Paipaj suegrahuan causacui punllacunapimi chashna purirca.

RUT 3:2

Riqui, Boozca ñucanchij familiamari. Canca paipajta rurajcunahuanmi ch'alashpa puricurcangui. Paica cunan tutami era patiopi cebadata huairachinga.