RUT 2:7 - Dios Rimashca Shimicunami

⁷ Paica “Ñucataca cozichajcunata catishpa gavillacuna chaupita purishpa cebadata ch'alangapaj saquihuai” nishpami, paica chayamushca pachamanta ashallatapish mana samashpa tutamantamanta cunancama ch'alacunlla– nirca.

RUT 2:7 Iomraidhean Croise

PROVERBIOS 13:4

Q'uilla runaca imata charisha nishpapish, manataj japinchu. Ashtahuanpish tucui yuyaihuan trabajajcunaca charijyancunatajmi.

PROVERBIOS 15:33

Mandaj Diosta manchanaca, alli yachajta ruraj yachanami. Alli nishca cangapajca, mana jatun tucushca canachu.

PROVERBIOS 18:23

Huajcha runa ishqui maquita churashpa sumajta mingajpipish, charij runaca sinchi shimicunahuanmi cutichin.

PROVERBIOS 22:29

¿Imata ruranatapish alli yachaj runa maipi cajta ricushcanguichu? Paica yanga runacunapajtaca mana ruranchu, ashtahuanpish jatun mandajpajmari imatapish ruran.

ECLESIASTÉS 9:10

Imata ruranatapish cambaj maquipi tiyacujtaca fuerza tiyashcahuan rurailla, canpish Seolman ringuillatajmi. Chaipica imata rurana mana tiyanchu. Imata yuyanallapish, imata yachanapish, alli yachaipish mana tiyanchu.

Mateo 5:3

Espiritupi huajcha cajcunaca cushichishcami. Jahua pachamanta mandanaca ñami paicunapi mandacun.

Romanos 12:11

Imata ruraj cashpaca ama q'uillashpa utca ruraichij. Espíritu yuyaita cushca shina tucui yuyaihuan Mandaj Jesuspajtaca ruraichij.

Gálatas 6:9

Allita ruranataca ama shaicushunchij. Mana shaicushpa allita rurashpaca, tandana pajtajpica tandashunmi.

Efesios 5:21

Diosta manchashcamanta, caishuj chaishuj cazunacuichij.

RUT 2:2

Ña chaipi cashpami shuj punllaca Rutca, paipaj suegra Noemitaca: –Maijancuna cozichacunpi ch'alagrisha. Paicuna llaquishpa ch'alachun saquingapishchari, cachahuai– nijpi, paipaj suegraca: –Rilla huahua– nirca.

RUT 2:21

Moabmanta Rutpish: –Chai runaca ñuca cozicha tucuringacama, ñucapajta ruraj huarmicunahuan caipi canguilla nircapishmari– nircami.

RUT 2:6

cozichajcunata mandajca: –Chai huarmica moabitami. Paica Noemí Moabmanta tigramucujpimi paihuan shamushca.

RUT 2:8

Chaimi Boozca, Ruttaca: –Huahua ñuca nishcata uyai. Shujtajcunapajmanca ama ringui. Chaicunapi ch'alanamanpish ama ringui. Ñucapajta ruraj huarmicunahuan caipi canguilla.