RUT 2:3 - Dios Rimashca Shimicunami

³ Cozichacunman ña chayashpaca cozichajcunapaj huashata catishpami cebadata ch'alai callarirca. Chai chagrayujca, Elimelecpaj familiapura Booz shuti runami cashca carca.

RUT 2:3 Iomraidhean Croise

2 SAMUEL 1:6

Chaimi huillaj mosoca: –Ñucapish chai punllatajmari Gilboa urcuman rishca carcani. Saulca paipaj lanzahuan taunarishcalla cajta, paita p'iñajcunaca carrocunahuan, caballopi tiyarishcacuna caticujtami ricurcani.

2 SAMUEL 20:1

Chaipica cashnami tucurca: Benjamín aillumanta caj Bicri runapaj churi Seba runami, Gilgalpi carca. Paica millai runami carca. Paimi trompetapi tocashpaca: “Ñucanchijca Davidpaj parteca mana cana canchijchu. Isaipaj churihuanca ima japinata mana charinchijchu. Tucui israelcuna quiquin carpa huasicunaman richijlla” nirca.

2 REYES 8:5

Shina nijpi Giezi runa jatun mandajman shuj huarmipaj churita Eliseo causachishcata parlacujpirajmi, pai parlacushca huarmica paipaj huasita, paipaj allpacunata tigrachichun ningapaj jatun mandajpajman chayajpi Giezi runaca: –Jatun mandaj ñuca amito, cai huarmitajmari carca. Paipaj churi cai huambratamari Eliseoca causachirca– nishpa huillarca.

Mateo 10:29

¿Manachu ishqui pajarocunata shuj cullquipi c'atuncuna? Chashna c'atujpipish cancunapaj Yaya huañuchun mana munajpica shujllapish mana huañunchu.

Lucas 10:31

Chaipica shuj cura chai ñanta uriyacushpa chaita ricushpapish pasashpa rircallami.

2 Tesalonicenses 3:12

Chashnacunataca ñucanchijta Mandaj Jesucristopaj shutipimi mandashpa, yuyachishpa rimanchij. Quiquin maquihuan trabajashcallata micuchun.

RUT 2:2

Ña chaipi cashpami shuj punllaca Rutca, paipaj suegra Noemitaca: –Maijancuna cozichacunpi ch'alagrisha. Paicuna llaquishpa ch'alachun saquingapishchari, cachahuai– nijpi, paipaj suegraca: –Rilla huahua– nirca.

RUT 2:4

Belenmanta Booz paipaj chagraman rishpaca, cozichajcunataca: –Mandaj Dios cancunahuan cachun– nijpi cozichajcunapish: –Mandaj Diosca canhuanpish cachun– nircacuna.