RUT 2:20 - Dios Rimashca Shimicunami

²⁰ Chaimi Noemica, paipaj nuerataca: –Paica, Mandaj Dios alli nishcami. Ñucanchij huañujcunapurapajpish allita rurajmi carca. Chashnallatajmi ñucanchij causajcunapajpish allita rurashpa ricuchishca. Noemica cashnapish nircami: –Chai runaca ñucanchij familiamari. Paica ñucanchijpajca allita ruranallatatajmi charin– nirca.

RUT 2:20 Iomraidhean Croise

2 SAMUEL 2:5

Chaimi Davidca Galaadpi caj Jabespi cajcunamanca: “Cancunapaj amo Saulta llaquishpa paita churanapaj jutcuta cushcamantaca Mandaj Dios cancunata alli nishca cachun nishpa huillachunmi huillajcunata cacharca.

2 SAMUEL 9:1

Davidca cashnami nirca: “Saulpaj huasi ucupuracunaca ¿maijan causacunrajchu? Jonatanta c'uyashcamanta ñuca paipaj allita rurangapaj” nircami.

JOB 19:25

Ñucata Quishpichij causacushcataca yachanimi. Tucuripica, paimi cai pachapi shayaringa.

PROVERBIOS 17:17

Alli apanacuj runaca paihuan apanacujtaca, tucui causaipimi c'uyan. Ima llaqui japijpipish, quiquin huauqui shinami llaquin.

LEVÍTICO 25:25

Cancunapurapi maijanpish huajchayashpa pai charishca maijan allpata c'atujpica allpata randijman paipaj c'uchulla familia cullquita tigrachishpa, chai allpataca tigrachichichun.

Filipenses 4:10

Cancuna ñucata cutin yuyarishcamantaca, Mandaj Jesuspimi jatunta cushicurcani. Cancunaca chai yuyaillatajmi carcanguichij, ashtahuanpish ima shina mana cui tucurcanguichijllami.

RUT 2:21

Moabmanta Rutpish: –Chai runaca ñuca cozicha tucuringacama, ñucapajta ruraj huarmicunahuan caipi canguilla nircapishmari– nircami.

RUT 3:12

Ñuca cambaj c'uchulla familia cashcamanta cambaj allita rurana cajpipish, cambajca shujtaj ashtahuan c'uchulla familia tiyanrajmi.

RUT 4:14

Chai llajta huarmicunapish Noemitaca: –Canta cuidangapaj huacharishca nietota cuj Mandaj Diostaca allimari cangui nicunchijmi. Cai huahuaca israelcunapurapica tucuicuna rijsishca, alli nishca cachun ninchijmi.

RUT 4:4

Chaitami caipi tucui tiyacujcunapaj ñaupajpi, ñuca pueblopaj cunaj yuyajcunapaj ñaupajpi can randichun yachaj chayachini. Can randisha nishpaca randi. Mana randisha nishpapish mana randinichu nishpa ñucaman huillapai. Shujtaj randinapajca pi mana tiyanchu. Canllami randi tucungui. Can mana randijpica ñucami randi tucuni– nijpi chai runaca: –Ari randishami– nirca.

RUT 4:6

Chaimi chai familia runaca: –Chai allpa mana ñucapajtaj cana cajpica, mana randisha ninichu. Ñuca huahuacuna japina cashcata ama chingachingapaj ñuca randina cashcataca, can randilla– nirca.