RUT 2:19 - Dios Rimashca Shimicunami

¹⁹ Chaita japishpami Noemica: –¿Maipitaj cai tucuita ch'alashpa trabajamunguiyari? Cashna ch'alachij runataca Dios alli nishca cachun– nijpimi Rutca, paipaj suegramanca maipi ch'alamushcata parlashpaca: –Ñucaca Boozpaj cozichapimi ch'alamuni– nirca.

RUT 2:19 Iomraidhean Croise

1 REYES 7:21

Chai pilarcunataca, Diospaj huasi canllapimi shayachirca. Alli ladoman shayachishca pilartaca, Jaquín shutitami shutichirca. Lluqui ladoman shayachishca pilartaca Boaz shutitami shutichirca.

SALMOS 41:1

Huajcha runa yuyailla cajca cushichishcami. Paitaca llaqui punllapica Mandaj Diosmi llaquimanta llujshichinga.

SALMOS 41:2

Paitaca Mandaj Diosmi huaquichinga. Paimi causaita cunga. Cai allpapipish cushichishcami canga. Paita p'iñajcuna paicuna munashcata rurachunpish paicunamanca mana cunguichu.

SALMOS 44:1

Taita Dioslla, ñaupa huatacunapi, ñaupa punllacunapica quiquinca allicunatamari rurashcangui. Chaitaca ñucanchij yayacunami parlarca. Ñucanchij rinrincunahuantajmi uyarcanchij.

RUT 2:10

Chaimi Rutca Boozpaj ñaupajpi cungurishpa pambacama cumurishpaca: –Ñucaca shujtaj llajtamantami cani. ¿Ima shinachari cambaj ñahuipica alli ricurishcani?– nijpimi,