RUT 1:3 - Dios Rimashca Shimicunami

³ Moabpi causacushpa Elimelec huañujpimi, paipaj huarmi Noemica ishqui churicunandijlla saquirirca.

RUT 1:3 Iomraidhean Croise

2 REYES 4:1

Profeta canata yachacujcunapaj shuj huarmimi: –Cambajta ruraj ñuca cusaca ñami huañurca. Cambajta ruraj paica Mandaj Diosta manchajmi carca. Chaitaca canllataj yachanguimi. Ashtahuanpish cullquita ñucanchijman mañachij runamari paipajta ruraj cachun ñuca ishqui churicunata apasha nicun– nishpami Eliseota caparirca.

SALMOS 34:19

Cashcata rurajcunapajca achca llaquicunami tiyan. Ashtahuanpish chai llaquicunamantaca Mandaj Diosmi quishpichin.

Hebreos 12:6

Jatun Diosca, pai c'uyashcacunatami ima shinapish llaquichin. Paipaj huahua cachuntaj, tucui chasquishcacunatami azotin” ninmi.

RUT 1:2

Judapi caj Belenmanta Moabman rij runaca efrateopuramanta Elimelecmi carca. Paipaj huarmica Noemí paipaj ishqui churicunaca Mahlón, Quelión shuticunami carca. Paicuna Moabman chayashpaca chaipimi causarcacuna.

RUT 1:4

Chai ishqui churicunaca, moabitapuramanta caj Orfa, Rut solteracunahuanmi cazararcacuna. Paicunaca chaipica, chunga huatacuna shinatami causarcacuna.