RUT 1:20 - Dios Rimashca Shimicunami

²⁰ Chaimi Noemica: –Ñucataca ama Noemí nihuaichijchu. Ashtahuanpish Mara nihuaichij. Tucuita Rurai Tucuj Diosca, jatun llaquitamari rurahuarca.

RUT 1:20 Iomraidhean Croise

GÉNESIS 17:1

Abram ña iscun chunga iscun huatayuj cajpimi, Mandaj Diosca paiman ricurishpaca: –Ñucaca tucuita rurai tucuj Diosmi cani. Ñuca ñaupajpi puri. Ima pandata ama rurai.

GÉNESIS 43:14

Pailla Tucuita Rurai Tucuj Taita Diosca, chai mandajtaca cancunata llaquina yuyaita cushca alli canman. Chai mandaj cancunata llaquishpaca Simeontapish, cai Benjamintapish cacharingapishchari. Mana chashna rurajpi huahuacuna illajlla ñuca saquirina cajpica, chashna cangatajchari– nirca.

JOB 11:7

¿Canca Taita Diospaj yuyaipi pacalla tiyacushcataca ricui tucunguichu? ¿Tucuita Rurai Tucuj Diosmantaca, tucuita yachai tucunguichu?

JOB 19:6

cunanca Taita Diosllataj ñucata llaquichishcatami yachanguichij. Paimari paipaj linchipi pilluchishpa churarca.

JOB 5:17

Ricuiri, Taita Dios llaquita cachashca runaca cushicunmari. Chaimanta Tucuita Rurai Tucuj Dios ima shinapish llaquichijpica, mana p'iñarinichu.

JOB 6:4

Tucuita Rurai Tucuj Diospaj puntajlla caspicunamari ñucapi shayacun. Chai caspi venenomari ñucataca tucuchicun. Taita Dios cachashca jatun manchaihuan huañucunica.

JOB 9:18

Cushicuita charichunpish, mana saquinchu. Ashtahuanpish jatun llaquicunallatamari apachihuarca.

SALMOS 73:14

Ashtahuanpish punllantamari azotishca cashcani. Tucui tutamantacunamari macashca cashcani.

SALMOS 88:15

Ima illajlla ñucaca llaquihuanmari cani. Huambramantapachamari quiquin cachashca llaquicunata apani. Yallitaj manchaihuanmari cani.

ÉXODO 15:23

Maraman chayashpaca, Marapi caj yacucunaca jayaj cashcamanta mana ubyai tucurcacunachu. Chaimi Mara nishpa shutichircacuna.

ÉXODO 6:3

Abrahamman, Isaacman, Jacobman ricurishpaca Ñucalla Tucuita Rurai Tucuj Dios cashcatami ricuchircani. Ashtahuanpish paicunamanca ñuca shuti, MANDAJ DIOS cashcataca mana huillarcanichu.

ISAÍAS 38:13

Ñucaca pacaringacamami caparicurcani. Paica shuj león shinamari tucui ñuca tullucunataca cashtun. Ñahui quinllaillapimi ñucataca tucuchigringui.

Hebreos 12:11

Llaquichishcacunaca mana cushicunapaj shinami, ashtahuanpish p'iñashpa llaquichicushca shinami yuyachin. Alli tucushpa cashcata ruraj ña tucushca q'uipami llaquichishcaca allipaj cashca ricurin.

Apocalipsis 1:8

“Ñucami callari A, tucuri Z shina, callarichijpish, tucurichijpish cani” ninmi Jatun Diosca. Paica cunanpish, sarunpish, shamuna cajpish Tucuita Rurai Tucujpish paillatajmi.

Apocalipsis 21:22

Chai pueblopica, Taita Diosta adorana huasitaca, maipi mana ricurcanichu. Tucuita Rurai Tucuj Mandaj Taita Dios, Ovejapishmi chai huasica.