RUT 1:2 - Dios Rimashca Shimicunami

² Judapi caj Belenmanta Moabman rij runaca efrateopuramanta Elimelecmi carca. Paipaj huarmica Noemí paipaj ishqui churicunaca Mahlón, Quelión shuticunami carca. Paicuna Moabman chayashpaca chaipimi causarcacuna.

RUT 1:2 Iomraidhean Croise

GÉNESIS 35:19

Chashnami Raquelca huañurca. Paitaca Efrataman rina ñanpimi pambarcacuna. Chaillatajmi cunanca Belén.

MIQUEAS 5:2

Ashtahuanpish Efrata llajtapi caj Belén pueblolla, Judá llajtapi tiyaj familiacunapurapica, canllami tucuimanta yallitaj uchilla pueblo cangui. Chashna cajpipish, canmantami Israel llajtata Mandajca llujshinga. Paica ñaupa yayacunamantami llujshinga ninmi.

JUECES 17:7

Judá llajtapi caj Belenpica, shuj mosomi tiyarca. Paica levitapurami carca. Shujtaj llajtamanta shinallami causarca.

JUECES 3:30

Chashnami moabitacunaca israelcunapaj maquipi ñapish urmarcacuna. Chaimantaca israelcunapaj llajtapica pusaj chunga huatacunatami sumaj causai tiyarca.

RUT 1:3

Moabpi causacushpa Elimelec huañujpimi, paipaj huarmi Noemica ishqui churicunandijlla saquirirca.

RUT 1:5

Mahlonpish, Quelionpish huañujpimi, Noemica, cusapish, churicunapish illajlla sapalla saquirirca.

RUT 2:1

Noemipajca paipaj huañuj cusa Elimelecpaj familiapuramanta achcata charij Booz shuti runami Belenpica causarca.

RUT 4:9

Chaipimi Boozca cunaj yuyajcunatapish, chaipi caj tucuicunatapish cashna nirca: –Tucui cancunami ricucunguichij. Elimelecpaj, Mahlonpaj, Quelionpaj tucui imalla tiyashcataca Noemiman randishpami ñucaca japigrini.

1 SAMUEL 1:1

Efraín urcupi caj Ramataim pueblopimi, zofitacunapuramanta Elcana shuti shuj runa causarca. Paica Jerohampaj churimi carca. Jerohamca Eliupaj churimi carca. Eliuca Tohupaj churimi carca. Tohuca Zufpaj churimi carca. Zufca Efrainpaj aillupurami carca.

1 SAMUEL 17:12

Davidca efrateo Isaipaj churimi carca. Chai Isaica Judapi caj Belenpi huacharishca pusaj churicunayujmi carca. Saúl mandacui punllacunapica, paica achca huatacunayuj yallitaj yuyajmi carca.

1 SAMUEL 17:21

Israelcunapish, filisteocunapish macanacungapaj macanacunalla tucushpami caishujpaj, chaishujpaj soldadocunahuan ch'imbapura shayarircacuna.