RUT 1:17 - Dios Rimashca Shimicunami

¹⁷ Can maipimi huañungui, ñucapish chaillapitajmi huañusha. Can maipimi pambashca cangui, ñucapish chaillapitajmi pambashca casha. Cantapish ñucatapish huañuillami ch'icanyachinga. Chashna nishca jahua ñuca canmanta ch'icanyajpica, ñucataca Mandaj Diosllataj jatunta llaquichichun– nircami.

RUT 1:17 Iomraidhean Croise

2 SAMUEL 15:21

Itai runaca jatun mandajtaca: –¡Taita Diosca causacunmi, jatun mandaj ñuca amopish causacunguimi! Cambajta ruraj ñucaca huañungapajpish, causangapajpish jatun mandaj ñuca amo maipimi can, ñucapish chaipimi casha– nircami.

2 SAMUEL 19:13

Amasa runatapish: ¿Manachu canpish ñuca tullu, ñuca aicha cangui? Cantaca Joabpaj randi tucui cambaj causaipi ñuca soldadocunata mandaj cachunmi churagrini. Mana chashna rurajpica ñucataca, Taita Dios jatunta llaquichichun ninmi nichij” nircami.

2 SAMUEL 3:35

Chaipimi manaraj punlla tucurijpi micui ningapaj tucuicuna Davidpajman shamurcacuna. Paicunataca Davidca: –Manaraj inti huashicujpi tandata, mana cashpaca ima shujtajta ñuca micujpica, Taita Dios ñucata jatunta llaquichichun– nishpami manataj micusha nirca

2 SAMUEL 3:9

Chaimanta cunanca Mandaj Dios Davidman imallata cusha nishca shina ñuca mana rurashpa,

1 REYES 13:31

Ña chai jutcupi churashpami paipaj churicunataca: –Ñuca tullucunapish Diospaj runapaj tullucuna tiyacun c'uchullapitaj cachun ñuca huañujpica cai jutcullapitaj churanguichij.

1 REYES 19:2

Chaimi Jezabelca, Eliasta cashna nichun shuj huillajta cacharca: “Can chai profetacunata huañuchishca shinallataj cantapish ñuca mana caya cai horaspaj huañuchijpica, ñucataca ñuca dioscuna jatunta llaquichichun” ninmi nichunmi cacharca.

1 REYES 2:23

Jatun mandaj Salomonca: “Adonías caita mañashcamanta ñuca paita mana huañuchijpica, ñucataca Taita Dios jatunta llaquichichun. Mandaj Diospaj shutipimi nini. Chashnatajmi rurasha” nircami.

1 REYES 20:10

Ben-adadca, cutinllatajmi Acabtaca: “Cai Samaria pueblota mana tucui chingachishpa ñuca soldadocuna lutsaj lutsaj ñutu allpata apanapajllapish saquijpica, ñucataca ñuca dioscuna jatunta llaquichichun ninmi nigrichij” nishpami cacharca.

2 REYES 6:31

Jatun mandajca: “Safatpaj churi Eliseota cunan punllataj cungata mana p'itijpica, Mandaj Dios ñucata jatunta llaquichichun” nishpami sinchita caparirca.

SALMOS 45:10

Ñuca ushushi uyaiyari. Riqui, alli uyaiyari. Cambaj llajta gentecunata, cambaj yayapaj familiacunatapish cungarilla.

Hechos 11:23

Pai chaiman chayashpaca, Taita Diosca mana c'uyaipajta c'uyashcata ricushpaca achcatami cushicurca. Chaimantami paicunataca Mandaj Jesuspi shunguta churashpa paita catina yuyailla catichun nishpa ashtahuan catina yuyaita curca.

Hechos 20:24

Ashtahuanpish chaicunataca mana manchanichu. Ñuca causaitapish mana c'uyanichu. Chaipaj randica Taita Diosca mana c'uyaipajta c'uyaj cashca alli huillaita huillashpa, Mandaj Jesuspajta rurangapaj chasquishcata cushicushpa pajtachina yuyaillami cani.

RUT 1:16

Ashtahuanpish Rutca: –¿Ima nishpataj ñucataca canmanta ch'icanyashpa tigrachuntaj ningui? Can maiman rishcamanmi ñucapish risha. Can maipi causashcapimi ñucapish canhuan causasha. Cambaj familiapish ñuca familiami canga, cambaj Diospish ñuca Diosmi canga.

RUT 4:15

Cai huahuami cambaj alma llaquihuan huañucujtaca cushichinga. Can yuyaj cajpipish, paimi cuidanga. Cambaj nueraca canta c'uyashcamantami cai huahuataca huachashca. Paica can canchis churicunata charishcatapish ashtahuan yalli allimari– nircacunami.

1 SAMUEL 14:44

Chaipimi Saulca: –Jonatán, canca huañunatajmi cangui. Canta mana huañuchijpica, Taita Dios ñucata jatunta llaquichichun– nirca.

1 SAMUEL 20:13

Ashtahuanpish ñuca yaya canta llaquichisha nicushcata yachashca jahua sumajta richun mana huillajpica, Mandaj Diosca ñuca jahuamanca tucuimanta yalli jatun llaquita cachachun. Mandaj Diosca ñuca yayahuan cashca shinallataj canhuanpish cachun.

1 SAMUEL 25:22

Ñucata p'iñajcunata cayapaj shuj c'arillatapish mana saquishpa tucuita mana huañuchijpica, Taita Dios ñucataca jatunta llaquichichun” nircami.

1 SAMUEL 3:17

Chaimi Elica: –Taita Diosca canmanca ¿imallatataj nircari? Pai imalla nishcataca ama imata pacashpa huillahuai. Can mana tucuita huillajpica, paillataj cantaca llaquichichun– nirca.