RUT 1:15 - Dios Rimashca Shimicunami

¹⁵ Chaimi Noemica: –Riqui cambaj c'achunca paipaj llajtaman, paipaj dioscunapajman tigranmi. Canpish paita catishpa rilla– nirca.

RUT 1:15 Iomraidhean Croise

2 REYES 2:2

Chaipimi Eliasca Eliseotaca: –Ñucataca Mandaj Diosca Bet-elmanmi cacharca. Cunanca canca caillapi saquiri– nijpi Eliseoca Eliastaca: –Mandaj Diosca causajmi. Canpish causajmi cangui. Canmantaca manataj saquirishachu– nijpica, Bet-elmanmi ishquindijllataj uriyarcacuna.

SALMOS 125:5

Ashtahuanpish Mandaj Diosmanta anchurishpa millaita ruranata catijcunataca, Mandaj Diosmi millaicunallahuantaj cachanga. ¡Israelpica sumaj causai tiyashca cachun!

SALMOS 36:3

Paipaj shimipica, millaita rimana, umanallami tiyan. Alli yuyaiyuj canata chingachishcami. Allita runatapish saquishcami.

SOFONÍAS 1:6

Shinallataj Mandaj Diosta caticushca jahua paimanta anchurijcunatapish, mana mashcajcunatapish, paita mana imata tapujcunatapish chingachingami” nishpami huillarca.

NÚMEROS 10:30

Shina nijpi Hobabca: –Ñucaca chaimanca mana rishachu, ashtahuanpish ñuca llajtaman, ñuca familiacunapajmanmi rigrini– nircami.

Lucas 24:28

Chaicamaca paicuna ricun pueblomanmi chayarcacuna. Ña chayashpaca Jesusca mai caruman ricuj shinami tucurca.

Hebreos 10:38

Cashcata rurajca, crishcamantami causanga. Ashtahuanpish huashaman tigrarijca, mana ñuca munashcachu” ninmi.

JOSUÉ 24:15

Mandaj Diospajta rurashpa causana mana alli yuyachijpica, cunanllataj maijan diospajta rurasha nishpapish alli yuyaringuichij. Cancunapaj ñaupa yayacuna, Éufrates jatun yacu uripi caj llajtapi causacushpa shujtaj dioscunapajta rurashca shina rurasha nishpapish, mana cashpaca cunan cancuna causacun cai llajtapi causaj amorreocunapaj dioscunapajta rurashun nishpapish alli yuyaringuichij. Ashtahuanpish ñucapish, ñuca huasi familiapish Mandaj Diospajtami rurashun– nircami.

JOSUÉ 24:19

Chaimi Josueca: –Mandaj Diospajtaca cancunaca mana rurai tucunguichijchu. Paica jucha illaj Diosmi. Paipajlla causachun munajmi. Cancuna paita mana cazujpica, chai juchacunamantaca manataj saquingachu.

1 Juan 2:19

Paicunaca ñucanchijpuramantami llujshircacuna, ashtahuanpish mana ñucanchijpurachu carca. Ñucanchijpura cashca cashpaca, ñucanchijhuanmi caticunman carca. Ñucanchijpurapi cajcunaca mana tucuicuna ñucanchijpura cashcata ricuchunmi chashna tucurca.

JUECES 11:24

Cambaj Quemos dios canman imata cushcaca ¿manachu ña cambaj? Chashnallataj Mandaj Dios ñucanchij ñaupajpi quichushpa ñucanchijman cushcaca ña ñucanchijpajmi.

RUT 1:14

Chaimi paicunaca cutinllataj caparishpa huacarcacuna. Orfaca, paipaj suegrata muchashpa tigrarcallami. Ashtahuanpish Rutca, paipaj suegrahuanmi saquirirca.

RUT 1:16

Ashtahuanpish Rutca: –¿Ima nishpataj ñucataca canmanta ch'icanyashpa tigrachuntaj ningui? Can maiman rishcamanmi ñucapish risha. Can maipi causashcapimi ñucapish canhuan causasha. Cambaj familiapish ñuca familiami canga, cambaj Diospish ñuca Diosmi canga.