RUT 1:14 - Dios Rimashca Shimicunami

¹⁴ Chaimi paicunaca cutinllataj caparishpa huacarcacuna. Orfaca, paipaj suegrata muchashpa tigrarcallami. Ashtahuanpish Rutca, paipaj suegrahuanmi saquirirca.

RUT 1:14 Iomraidhean Croise

GÉNESIS 31:28

Ñuca nietocunata, ñuca ushushicunata muchashpa caya minchacama nichunllapish mana saquishcanguichu. Cai cutinca canca loco shinamari utca shamushcangui.

GÉNESIS 31:55

Labanca utcata jatarishpami paipaj ushushicunatapish, paipaj nietocunatapish muchashpa alli cashca canguichij, caya minchacama nishpa paipaj llajtallamantaj tigrarca.

2 SAMUEL 19:39

Tucuicunami Jordán yacuta ch'imbarcacuna. Jatun mandajpish ch'imbarcami. Chaipimi Barzilaitaca jatun mandajca muchashpa Dios allicunata cuchun nijpi, Barzilaica paipaj huasiman tigrarca.

1 REYES 19:20

Chaimi Eliseoca, yuntata chaipi saquishcahuan Eliasta catishpa callpashpa shamushpaca: –Ñuca yaya mamata muchashpa caya minchacama nishpa, shamungacamalla shuyai. Chai q'uipaca canta catishallami– nirca. Shina nijpi Eliasca: –Shinashpaca rilla, imapaj cayashpa ñuca chashna rurashcataca ama cungaringuichu– nircami.

PROVERBIOS 17:17

Alli apanacuj runaca paihuan apanacujtaca, tucui causaipimi c'uyan. Ima llaqui japijpipish, quiquin huauqui shinami llaquin.

PROVERBIOS 18:24

Maijanpish paihuan apanacujcunamanca, apanacujtaj cashcata ricuchichun. Maijancunaca quiquin huauquindijtapish yallimi apanacuncuna.

ISAÍAS 14:1

Mandaj Diosca Jacobpaj huahua huahuacunataca llaquingami. Israelcunataca cutinllatajmi agllanga. Paicunapaj allpallapitajmi samachinga. Caru llajtamanta cajcunapish paicunahuanmi shuj yuyailla tucungacuna. Jacobpaj familiami tucungacuna.

ZACARÍAS 8:23

Tucuita Mandaj Diosca cashnapishmi nin: “Chai punllacunapica cashnami tucunga: Tucui llajtacunamanta shujtaj shujtaj rimaita rimaj chunga runacunami Judá llajtapi causaj runapaj churanapi charirashpa: Ñucanchijpish cancunahuan rishun nipanchijmi ningacuna” nircami.

Mateo 10:37

Maijanpish yayata, mamata ñucata yalli c'uyajca, mana ñucapaj cai tucunchu. Churita, ushushita ñucata yalli c'uyajpish mana ñucapaj cai tucunchu.

Mateo 16:24

Chaipimi Jesusca, paipaj yachacujcunataca cashna nirca: –Maijanpish ñucata catisha nijca, quiquin causaita ama llaquichun. Chacatashca shina llaquita apana tucushpa ñucata catichun.

Mateo 19:22

Chai moso uyashpaca, achcata charij cashcamantaca llaquirishpa rircallami.

Hechos 17:34

Shina cajpipish Pablo huillashcata uyashpa crishpami maijancunaca paihuan tandanacurcacuna. Chai crijcunapurapica, Areopagopi tandanacuj mandajcunapuramanta Dionisio shuti runapishmi carca. Shinallataj Dámaris shuti shuj huarmipish, shujtajcunapishmi carcacuna.

DEUTERONOMIO 10:20

Mandaj Dios cancunapaj Taita Diosta manchaichij. Paipajllata ruraichij, paillata catichij, imapish chashnataj cashcata nicushpaca paipaj shutipi nichij.

DEUTERONOMIO 4:4

Ashtahuanpish Mandaj Dios cancunapaj Taita Diosta catijcunaca tucuicunami cunancama causacunguichij.

2 Timoteo 4:10

Demas shuti runaca cai pachapi tiyajcunata munashcamantami, ñucallata saquishpa Tesalonicaman rirca. Crescenteca Galaciaman, Titoca Dalmaciamanmi rirca.

Hebreos 10:39

Ashtahuanpish ñucanchijca huashaman tigrarij, chingarijcunapuraca mana canchijchu. Chaipaj randica, crishcamantaca quishpichishcaman chayangacama catijcunami canchij.

RUT 1:13

¿paicuna huiñangacama shuyai tucunguichijmanchu? Paicunata c'uyashcamanta paicunahuan cazarasha nicushpalla mana cazarashpa shuyanaca ñucapajpish cancunapajpish mana allichu huahuacuna. Mandaj Dios llaquichishcamanta ñucaca cancunata yallimi llaquita apacuni– nirca.

RUT 1:15

Chaimi Noemica: –Riqui cambaj c'achunca paipaj llajtaman, paipaj dioscunapajman tigranmi. Canpish paita catishpa rilla– nirca.

RUT 1:7

Ña allichirishpaca, paicuna causacushcamantaca paipaj ishqui nueracunandijmi Judaman tigrangapaj llujshirca.

RUT 2:11

Boozca: –Cambaj cusa huañujpipish, cambaj suegrata llaquishpa paipaj imallata rurashcataca yachanimi. Cambaj yaya mamatapish, can huacharishca llajtatapish saquishpa, can mana rijsishca llajtapi causanamanmi shamushcangui.