RUT 1:13 - Dios Rimashca Shimicunami

¹³ ¿paicuna huiñangacama shuyai tucunguichijmanchu? Paicunata c'uyashcamanta paicunahuan cazarasha nicushpalla mana cazarashpa shuyanaca ñucapajpish cancunapajpish mana allichu huahuacuna. Mandaj Dios llaquichishcamanta ñucaca cancunata yallimi llaquita apacuni– nirca.

RUT 1:13 Iomraidhean Croise

GÉNESIS 38:11

Judaca paipaj nuera Tamartaca: –Ñuca churi Sela cazaranapajta tucungacama, cambaj yayapaj huasipi viudallataj causagrilla– nijpimi, Tamarca paipaj yayapaj huasipi causanaman rirca. “Selapish, caishuj huauquicuna shina huañungallatajmari” nishpami chashna nirca.

JOB 19:21

¡Ñuca rijsishcacunatajmari canguichij, llaquihuaichigari! ¡Ñucata llaquihuaichigari! Taita Diospaj maquimari ñucataca tuparishca.

SALMOS 32:4

Tutai punllami quiquinpaj maquica ñuca jahuapi ashtahuan ashtahuan llashashpa catin. Chaipica ñucaca verdijlla shina cashpapish, usya punllapi chaquirij shinami tucurcani. Selah

SALMOS 38:2

Quiquinpaj puntajlla caspicunaca ñucapimari urmarca. Quiquinpaj maquipish ñuca jahuamanmi uriyamushca.

DEUTERONOMIO 2:15

Mandaj Diospaj maquica macanacuj runacunata paicunapaj carpa huasicunamanta tucui chingachingapajmi, paicunapaj jahuaman shamurca.

JUECES 2:15

Maipi macanacungapaj llujshishpapish Mandaj Dios paicunata nishca shinallataj paipaj maqui paicunata llaquichicujpimi, paicunata p'iñajcunataca manataj mishai tucurcacuna. Mandaj Diosca pai nishca shinallataj manataj mishachijpimi, israelcunaca jatun llaquita apacurcalla.

RUT 1:12

Cancunapaj mamapajman tigraichijlla. Cutin cazarashpa cusayuj tucungapajpish yallitaj yuyajmari cani. Shina cajpipish ima shinamanta cunantaj cazarashpa, cunan tutallataj chichushpa huahuacunayuj tucujpipish,

RUT 1:14

Chaimi paicunaca cutinllataj caparishpa huacarcacuna. Orfaca, paipaj suegrata muchashpa tigrarcallami. Ashtahuanpish Rutca, paipaj suegrahuanmi saquirirca.

RUT 1:21

Caimantaca achcata charijmi rircani. Ashtahuanpish cunanca ñucataca Mandaj Diosca chushaj maquillatamari tigrachimun. Mandaj Dios ñucahuan p'iñarishcata ricuchishpa, pai Tucuita Rurai Tucuj cashcahuan llaquichijpi llaquihuan cajtaca, maitataj Noemí ninguichigari– nirca.

1 SAMUEL 5:11

Ecronpi causajcunapish filisteocunata tucui mandajcunata tandachishpami: “Ñucanchijtapish tucui caipi causajcunatapish ama huañuchichun, israelcunapaj Diospaj arcataca pai maipi cashcallapitaj saquinaman cachaichijlla” nircacuna. Diosca paipaj maquihuan jatunta llaquichijpimi, chai llajtapi caj pueblocunapi causajcunaca yallitaj jatun llaquita huañushcacuna.